སློབ་གསོ་དང་སློབ་ཁྲིད་བསྒྱུར་བཅོས་ཟབ་སྤེལ་དང་།སློབ་གྲྭའི་སློབ་གསོའི་གཡུལ་ས་གཙོ་བོའི་ནུས་པ་ཆེ་རུ་གཏོང་བ།ཕྱོགས་ཡོངས་ནས་སློབ་གྲྭའི་སློབ་ཁྲིད་སྤུས་ཚད་མཐོར་འདེགས་གཏོང་བ།སློབ་སྦྱོང་གི་ཁུར་པོ་ལྕི་དྲགས་པ་དང་སློབ་ཕྱིའི་གསོ་སྦྱོང་གི་ཁུར་པོ་དངོས་གནས་ཇེ་ཡང་དུ་གཏོང་བ་བཅས་བྱས་ཏེ།མི་དམངས་ཀྱི་བློ་ལ་འབབ་པའི་སློབ་གསོ་ལེགས་པོར་གཉེར་དགོས།...

ཀྲུང་གོའི་ས་གཞི་ཆེན་མོར་གཞི་ཚུགས་ནས་སློབ་གསོ་གཉེར་རྒྱུ་རྒྱུན་འཁྱོངས་བྱེད་དགོས།ཀྲུང་གོའི་བྱ་བ་རྣམས་ངེས་པར་དུ་ཀྲུང་གོའི་ཁྱད་ཆོས་དང་ཀྲུང་གོའི་དོན་དངོས་གཞིར་བཟུང་ནས་སྒྲུབ་དགོས།ངེས་པར་དུ་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་སློབ་གསོའི་འཕེལ་རྒྱས་འགྲོ་ལམ་རྒྱུན་འཁྱོངས་དང་།ཀྲུང་གོར་རྩ་བ་ཚུགས་པ།ཀྲུང་ཕྱི་མཉམ་འདྲེས་བྱེད་པ།དུས་རབས་ལ་གཞི་ཚུགས་པ།འབྱུང་འགྱུར་ལ་ཁ་ཕྱོགས་པ་བཅས་བྱས་ནས།ཀྲུང་གོའི་ཁྱད་ཆོས་དང་འཛམ་གླིང་གི་ཆུ་ཚད་ལྡན་པའི་དེང་རབས་སློབ་གསོ་འཕེལ་རྒྱས་གཏོང་དགོས།...

གྲོང་གསེབ་དར་རྒྱས་གཏོང་བར་གྲོང་གསེབ་ཁོ་ནར་དམིགས་ནས་གྲོང་གསེབ་གླེང་མི་རུང་བར་ད་དུང་བཟོ་ལས་ཀྱིས་ཞིང་ལས་ལ་ཁ་གསབ་དང་།གྲོང་ཁྱེར་ལ་བརྟེན་ནས་གྲོང་གསེབ་གོང་སྤེལ་བཏང་ནས།བཟོ་ཞིང་ཕན་ཚུན་སྐུལ་འདེད་དང་།གྲོང་ཁྱེར་དང་གྲོང་གསེབ་ཕན་ཚུན་གསབ་རེས།མཐུན་སྦྱོར་ངང་གོང་འཕེལ།མཉམ་དུ་དར་རྒྱས་ཡོང་བ་བཅས་ཀྱི་བཟོ་ཞིང་བར་གྱི་འབྲེལ་བ་དང་གྲོང་ཁྱེར་དང་གྲོང་གསེབ་བར་གྱི་འབྲེལ་བ་གསར་པ་གང་མགྱོགས་ཆགས་པར་བྱེད་དགོས།...

ད་ཆ་ང་ཚོའི་ལས་འགན་ནི་གྲོང་གསེབ་དར་རྒྱས་ལ་ཕྱོགས་ཡོངས་ནས་སྐུལ་འདེད་གཏོང་རྒྱུ་དེ་ཡིན་པ་དང་།དེ་ནི་ཞིང་གསུམ་ལས་དོན་གྱི་གཙོ་གནད་ལ་ལོ་རྒྱུས་རང་བཞིན་གྱི་སྤོ་སྒྱུར་བྱུང་བ་ཞིག་རེད།...

གྲོང་གསེབ་དར་རྒྱས་གཏོང་བའི་འཐབ་ཇུས་ལག་བསྟར་བྱེད་པར།ཞིང་པའི་རེ་འདུན་གསར་པ་དང་བསྟུན་དགོས་ཤིང་།རྒྱལ་ཁབ་ཀྱི་གནས་ཚུལ་དང་ཞིང་ལས་ཀྱི་གནས་ཚུལ་ལ་གཞི་ཚུགས་པ།ཐོན་ལས་དར་རྒྱས་གཙོ་གནད་དུ་འཛིན་པ།སྐྱེ་ཁམས་འཕྲོད་པོ་འགག་རྩར་འཛིན་པ།ཡུལ་སྲོལ་ཡ་རབས་འགན་སྲུང་དུ་འཛིན་པ།བཅོས་སྐྱོང་དོན་ལྡན་རྨང་གཞིར་བྱེད་པ།འཚོ་བ་འབྱོར་ཕྱུག་རྩ་བར་འཛིན་པ་བཅས་བྱས་ནས།ཞིང་ལས་ཕྱོགས་ཡོངས་ནས་རིམ་འཕར་དང་།གྲོང་གསེབ་ཕྱོགས་ཡོངས་ནས་ཡར་རྒྱས།ཞིང་པ་ཕྱོགས་ཡོངས་ནས་འཕེལ་རྒྱས་བཅས་ཡོང་བར་སྐུལ་འདེད་གཏོང་དགོས།...

འདོན་སྤྲོད་ཕྱོགས་གྲུབ་ཚུལ་རང་བཞིན་གྱི་བསྒྱུར་བཅོས་ཀྱི་གཙོ་གནད་ནི་ཐོན་སྐྱེད་ནུས་ཤུགས་བཅིངས་འགྲོལ་དང་གོང་འཕེལ་གཏོང་བ་དང་།བསྒྱུར་བཅོས་ལ་བརྟེན་ནས་གྲུབ་ཚུལ་ལེགས་སྒྲིག་བྱེད་པར་སྐུལ་འདེད་གཏོང་བའི་ཐོག་ནས།ནུས་མེད་དང་དམའ་སྣེའི་འདོན་སྤྲོད་ཉུང་འཕྲི་དང་།ནུས་ལྡན་དང་འབྲིང་མཐོ་སྣེའི་འདོན་སྤྲོད་རྒྱ་སྐྱེད་གཏོང་བ།འདོན་སྤྲོད་ཀྱི་གྲུབ་ཚུལ་གྱི་དགོས་མཁོའི་འགྱུར་ལྡོག་དང་མཐུན་པའི་རང་བཞིན་དང་བབ་བསྟུན་རང་བཞིན་ཆེ་རུ་གཏོང་བ།བདག་རྐྱེན་ཆ་ཚང་གི་ཐོན་སྐྱེད་ལས་ཆོད་ཆེ་རུ་གཏོང་བ་བཅས་ཡིན།...

འདོན་སྤྲོད་ཕྱོགས་གྲུབ་ཚུལ་རང་བཞིན་གྱི་བསྒྱུར་བཅོས་ལ་སྐུལ་འདེད་གཏོང་རྒྱུ་ནི།དཔལ་འབྱོར་འཕེལ་རྒྱས་ཀྱི་རྒྱུན་རྣམ་གསར་པར་འཚམ་པ་དང་དེ་སྣེ་ཁྲིད་བྱེད་པའི་གསར་གཏོད་ཆེན་པོ་ཞིག་ཡིན་པ་དང་།རྒྱལ་སྤྱིའི་དངུལ་རྩའི་ཉམས་ཉེན་བྱུང་རྗེས་ཕྱོགས་བསྡུས་རྒྱལ་སྟོབས་ཀྱི་འགྲན་རྩོད་ཀྱི་གནས་བབ་གསར་པར་འཚམ་མཐུན་བྱེད་པའི་རང་འགུལ་གྱི་གདམ་ག་ཞིག་ཡིན་ཞིང་།རང་རྒྱལ་གྱི་དཔལ་འབྱོར་འཕེལ་རྒྱས་ཀྱི་རྒྱུན་རྣམ་གསར་པ་དང་འཚམ་མཐུན་བྱེད་པའི་དགོས་དབང་གི་བླང་བྱ་ཞིག་ཡིན་པས།བློ་མཐུན་ཚོས་མཉམ་དུ་འབད་བརྩོན་བྱས་ནས་དོན་ཆེན་འདི་ཡག་པོ་ཞིག་སྒྲུབ་པའི་རེ་བ་ཡོད།...

འཕེལ་རྒྱས་ཀྱི་དུས་རིམ་གསར་པ་ནི་ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱེད་པ་དང་།ལོ་བརྒྱ་གཉིས་པའི་འབད་འཐབ་དམིགས་འབེན་གྱི་ཕྱོགས་སུ་དཔུང་འཇུག་བྱེད་པའི་དུས་མཚམས་ཡིན།འདི་ལ་རང་རྒྱལ་གྱི་འཕེལ་རྒྱས་བརྒྱུད་རིམ་ཁྲོད་ལམ་ཚད་རྡོ་རིང་ལྟ་བུའི་དོན་སྙིང་ཡོད།...

དུས་ཡུན་ངེས་ཅན་ཞིག་གི་རིང་ལ།ང་ཚོས་ད་དུང་སྤྱི་ཚོགས་རིང་ལུགས་ཀྱི་ཚོང་རའི་དཔལ་འབྱོར་སྤེལ་མིན་དང་།“བློ་བརྟན་འགྱུར་མེད་གཉིས”རྒྱུན་འཁྱོངས་བྱེད་མིན་ཐད་ལ་ཡང་དག་མིན་པ་དང་ཐ་ན་ནོར་འཁྲུལ་གྱི་གླེང་ཕྱོགས་ཁ་ཤས་ཐོན་ཡོད།ང་ཚོས་ངེས་པར་དུ་རྣམ་འགྱུར་གསལ་སྟོན་ལས་ཟ་ཟི་གཏན་ནས་བྱེད་མི་རུང་ལ།ཐོག་མཐའ་བར་གསུམ་དུ་སྤྱི་ཚོགས་རིང་ལུགས་ཀྱི་ཚོང་རའི་དཔལ་འབྱོར་བསྒྱུར་བཅོས་བྱེད་པའི་ཁ་ཕྱོགས་རྒྱུན་འཁྱོངས་དང་།“བློ་བརྟན་འགྱུར་མེད་གཉིས”རྒྱུན་འཁྱོངས་བྱེད་དགོས།...

སློབ་གསོ་ནི་མི་དམངས་ཀྱི་ཕྱོགས་བསྡུས་བྱང་ཚད་མཐོ་རུ་གཏོང་བ་དང་།མི་ཕྱོགས་ཡོངས་ནས་འཕེལ་རྒྱས་ཡོང་བར་སྐུལ་འདེད་གཏོང་བའི་ཐབས་ལམ་གལ་ཆེན་ཞིག་དང་།མི་རིགས་དར་རྒྱས་དང་སྤྱི་ཚོགས་ཡར་ཐོན་ཡོང་བའི་རྨང་རྡོ་གལ་ཆེན་ཞིག་ཡིན་ལ།ཀྲུང་ཧྭ་མི་རིགས་བསྐྱར་དར་རླབས་པོ་ཆེ་ཡོང་བར་ཐག་གཅོད་རང་བཞིན་གྱི་དོན་སྙིང་ལྡན་པའི་བྱ་གཞག་ཅིག་ཀྱང་ཡིན།...

ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་དུས་རབས་གསར་པར་སླེབས་ཡོད་ལ།རང་རྒྱལ་གྱི་དཔལ་འབྱོར་འཕེལ་རྒྱས་ཀྱང་དུས་རབས་གསར་པར་སླེབས་ཡོད།དུས་རབས་སགར་པར་རང་རྒྱལ་གྱི་དཔལ་འབྱོར་འཕེལ་རྒྱས་ཀྱི་ཁྱད་ཆོས་ནི་ངས་ཏང་གི་ཚོགས་ཆེན་བཅུ་དགུ་པའི་སྙན་ཞུ་ལས་ནན་བཤད་བྱས་པ་ནང་བཞིན་ཏེ།རང་རྒྱལ་གྱི་དཔལ་འབྱོར་ནི་མྱུར་ཚད་མགྱོགས་པོའི་ངང་འཕར་སྣོན་ཡོང་བའི་དུས་རིམ་ནས་སྤུས་ཚད་མཐོ་བའི་འཕེལ་རྒྱས་འགྲོ་བའི་དུས་རིམ་ལ་སླེབས་ཡོད་པ་རེད།འདི་ནི་བརྡར་གཅོད་གནད་ཆེན་ཞིག་ཡིན་པས།ང་ཚོས་ངེས་པར་དུ་གནད་ཆེའི་ད་ཡོད་ཀྱི་དོན་སྙིང་དང་ཟབ་ཡངས་ཀྱི་ལོ་རྒྱུས་ཀྱི་དོན་སྙིང་ངོས་འཛིན་ཟབ་མོ་བྱེད་དགོས།...

རང་རྒྱལ་གྱི་དཔལ་འབྱོར་འཕེལ་རྒྱས་རྒྱུན་རྣམ་གསར་པར་སླེབས་པ་ནི་རང་རྒྱལ་གྱི་དཔལ་འབྱོར་འཕེལ་རྒྱས་ཀྱི་དུས་རིམ་རང་བཞིན་གྱི་ཁྱད་ཆོས་ཀྱི་མཚོན་ཚུལ་ཟློག་ཏུ་མེད་པ་ཞིག་ཡིན་ལ།མིའི་འདོད་བློ་ལྟར་སྒྱུར་ཐུབ་པ་ཞིག་མ་རེད།རྒྱུན་རྣམ་གསར་པ་ངོས་འཛིན་དང་།རྒྱུན་རྣམ་གསར་པར་འཚམ་པ།རྒྱུན་རྣམ་གསར་པ་སྣེ་ཁྲིད་བཅས་བྱ་རྒྱུ་ནི་མིག་སྔ་དང་འབྱུང་འགྱུར་དུས་སྐབས་ཤིག་རིང་གི་རང་རྒྱལ་གྱི་དཔལ་འབྱོར་འཕེལ་རྒྱས་ཀྱི་གཏན་ཚིགས་ཆེན་པོ་དེ་རེད།...

རང་རྒྱལ་སྤྱི་ཚོགས་ཀྱི་འགལ་བ་གཙོ་བོའི་འགྱུར་ལྡོག་དང་བསྟུན་ནས་མི་དམངས་ཀྱི་དགའ་སྐྱིད་ལྡན་པའི་འཚོ་བའི་དགོས་མཁོ་ཉིན་བཞིན་ཆེ་རུ་འགྲོ་བ་དེ་སྔར་ལས་ལྷག་པའི་སྐོང་དགོས་ན།ངེས་པར་དུ་མི་དམངས་ཡོངས་རྫོགས་ཐུན་མོང་ཐོག་ཕྱུག་འགྱུར་ཡོང་བར་སྐུལ་འདེད་གཏོང་རྒྱུ་དེ་མི་དམངས་ལ་བདེ་སྐྱིད་སྐྲུན་པའི་ཤུགས་འདོན་ས་བྱེད་དགོས་པ་དང་།ཏང་གིས་དུས་ཡུན་རིང་པོར་སྲིད་དབང་སྐྱོང་བའི་རྨང་གཞི་རྒྱུན་ཆད་མེད་པར་སྲ་བརྟན་གཏོང་དགོས།...

ཐུན་མོང་ཐོག་ཕྱུག་པོར་འགྱུར་བར་བྱ་རྒྱུ་དེ་ཉིད་མ་གཞི་ནས་སྤྱི་ཚོགས་རིང་ལུགས་དེང་རབས་ཅན་གྱི་དམིགས་འབེན་གལ་ཆེན་ཞིག་ཡིན།ང་ཚོས་ཐོག་མཐའ་བར་གསུམ་དུ་མི་དམངས་ཀྱིས་དགའ་སྐྱིད་ལྡན་པའི་འཚོ་བར་བཅངས་པའི་རེ་སྒུག་གསར་པ་སྐོང་རྒྱུ་དེ་འགོ་རྩོམ་ས་དང་མཐའ་མཇུག་གི་འབབ་སར་བྱེད་དགོས་པ་ལས།དེང་རབས་ཅན་མངོན་འགྱུར་བྱས་རྗེས་གཞི་ནས་ཐུན་མོང་ཐོག་ཕྱུག་པོར་འགྱུར་བའི་གནད་དོན་ཐག་གཅོད་བྱས་ན་མི་འགྲིག་སྟེ།དེང་རབས་ཅན་དུ་འགྱུར་བའི་བརྒྱུད་རིམ་ནང་དུ་གནད་དོན་འདི་རྒྱུན་ཆད་མེད་པར་རིམ་བཞིན་ཐག་གཅོད་ལེགས་པོ་བྱེད་དགོས།...

ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་ཚར་བར་བྱེད་པར་གཅིག་ཀྱང་ལུས་མི་རུང་ལ།ཐུན་མོང་ཐོག་ཕྱུག་པོར་འགྱུར་བའི་འགྲོ་ལམ་ཐོག་གཅིག་ཀྱང་གྲལ་གཞུག་ཏུ་ལུས་མི་རུང་བ་ཡིན།—«དུས་རབས་གསར་པར་རྣམ་པ་གསར་པ་གཏོད་དགོས་ལ།དེ་བས་ཀྱང་བྱས་རྗེས་གསར་པ་འཇོག་དགོས།»(༢༠༡༧ལོའི་ཟླ༡༠ཚེས༢༥ཉིན།) «ཞི་ཅིན་ཕིང་གིས་རྒྱལ་སྲིད་སྐྱོང་ལུགས་སྐོར་གླེང་བ།»པོད་གསུམ་པ།ཕྱི་ཡིག་དཔེ་སྐྲུན་ཁང་གི༢༠༢༠ལོའི་རྒྱ་ཡིག་པར་གཞི།ཤོག་ངོས༦༦པ།...

ཐུན་མོང་ཐོག་ཕྱུག་པོར་འགྱུར་བ་ནི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་རྩ་བའི་རྩ་དོན་ཡིན་པས།ངེས་པར་དུ་འཕེལ་རྒྱས་ཀྱི་གྲུབ་འབྲས་ཉིད་སྔར་ལས་མང་བ་དང་སྔར་ལས་དྲང་སྙོམས་ཀྱི་སྒོ་ནས་མི་དམངས་ཡོངས་རྫོགས་ལ་ཕན་པའི་གསོས་སུ་འགྱུར་བར་བྱས་ཏེ།ཐུན་མོང་ཐོག་ཕྱུག་པོར་འགྱུར་བའི་ཕྱོགས་སུ་གོམ་སྟབས་བརྟན་པོས་མདུན་སྐྱོད་བྱེད་དགོས།...

མི་དམངས་ལ་འཚོ་བ་ཡག་པོ་སྐྱེལ་དུ་འཇུག་རྒྱུ་ནི་ང་ཚོའི་ལས་དོན་མཐའ་དག་གི་ཀུན་སློང་དང་དམིགས་ཡུལ་ཡིན།...

རྒྱ་ཆེའི་མི་དམངས་མང་ཚོགས་ལ་བསྒྱུར་བཅོས་དང་འཕེལ་རྒྱས་ཀྱི་གྲུབ་འབྲས་མཉམ་དུ་ལོངས་སུ་སྤྱོད་དུ་འཇུག་རྒྱུ་ནི་སྤྱི་ཚོགས་རིང་ལུགས་ཀྱི་ངོ་བོའི་བླང་བྱ་ཡིན་པ་དང་།ང་ཚོའི་ཏང་གིས་བློ་གཅིག་སེམས་གཅིག་གིས་མི་དམངས་ལ་ཞབས་འདེགས་ཞུ་བའི་རྩ་བའི་དམིགས་ཡུལ་རྒྱུན་འཁྱོངས་བྱེད་པའི་གལ་ཆེའི་མངོན་ཚུལ་ཡིན།ང་ཚོས་དོན་གཉེར་བྱེད་པའི་འཕེལ་རྒྱས་ནི་མི་དམངས་ལ་བདེ་སྐྱིད་སྐྲུན་པའི་འཕེལ་རྒྱས་ཡིན་པ་དང་།ང་ཚོས་དོན་གཉེར་བྱེད་པའི་འབྱོར་ཕྱུག་ནི་མི་དམངས་ཡོངས་རྫོགས་ཐུན་མོང་ཐོག་ཕྱུག་འགྱུར་ཡོང་བར་བྱ་རྒྱུ་དེ་ཡིན།བསྒྱུར་བཅོས་དང་འཕེལ་རྒྱས་ལེགས་འགྲུབ་བྱུང་ཡོད་མེད་ཀྱི་མཐར་ཐུག་གི་བརྡར་ཤ་གཅོད་པའི་ཚད་གཞི་ནི་མི་དམངས་ཀྱིས་བསྒྱུར་བཅོས་དང་འཕེལ་རྒྱས་ཀྱི་གྲུབ་འབྲས་མཉམ་དུ་ལོངས་སུ་སྤྱོད་ཐུབ་ཡོད་མེད་ལ་བལྟ་དགོས།...

ང་ཚོའི་ཏང་གིས་མི་དམངས་ལ་སྣེ་ཁྲིད་དེ་ཕྱོགས་ཡོངས་ནས་འབྱོར་འབྲིང་སྤྱི་ཚོགས་འཛུགས་སྐྲུན་དང་།བསྒྱུར་བཅོས་སྒོ་འབྱེད།སྤྱི་ཚོགས་རིང་ལུགས་དེང་རབས་ཅན་འཛུགས་སྐྲུན་བཅས་བྱེད་པའི་རྩ་བའི་དམིགས་ཡུལ་ནི་སྤྱི་ཚོགས་ཀྱི་ཐོན་སྐྱེད་ནུས་ཤུགས་འཕེལ་རྒྱས་གཏོང་བར་བརྟེན་ནས་མི་དམངས་ཀྱི་དངོས་པོ་དང་རིག་གནས་ཀྱི་འཚོ་བ་རྒྱུན་ཆད་མེད་པར་མཐོ་རུ་གཏོང་བ་དང་།མི་ཕྱོགས་ཡོངས་ནས་འཕེལ་རྒྱས་ཡོང་བར་སྐུལ་སྤེལ་གཏོང་རྒྱུ་དེ་རེད།ང་ཚོའི་ལས་དོན་མཐའ་དག་གི་ཕན་འབྲས་ཆེ་ཆུང་ལ་ཞིབ་དཔྱད་བྱ་རྒྱུ་ནི་མཐར་མི་དམངས་ལ་ཕན་པ་དངོས་གནས་ཐོབ་ཡོད་མེད་དང་།མི་དམངས་ཀྱི་འཚོ་བ་དངོས་གནས་ལེགས་སུ་ཕྱིན་ཡོད་མེད་ལ་བལྟ་དགོས།འདི་ནི་སྤྱི་དོན་དུ་ཏང་འཛུགས་པ་དང་དམངས་དོན་དུ་སྲིད་སྐྱོང་བའི་ངོ་བོའི་བླང་བྱ་ཡིན་ཞིང་།ཏང་དང་མི་དམངས་ཀྱི་བྱ་གཞག་རྒྱུན་ཆད་མེད་པར་འཕེལ་རྒྱས་ཡོང་བའི་ཁག་ཐེག་གལ་ཆེན་ཡིན།...

མི་དམངས་ནི་ང་ཚོའི་ཏང་གིས་སྲིད་དབང་སྐྱོང་བའི་གདེང་ཚོད་ཆེ་ཤོས་དང་།ང་ཚོ་སྤྱི་མཐུན་རྒྱལ་ཁབ་ཀྱི་སྲ་ཞིང་བརྟན་པའི་རྨང་གཞི།ང་ཚོའི་ཏང་སྟོབས་ལྡན་དང་རྒྱལ་ཁབ་དར་རྒྱས་སུ་གཏོང་བའི་རྩ་བ་བཅས་ཡིན།...

མི་དམངས་ནི་ལོ་རྒྱུས་གསར་སྐྲུན་བྱེད་མཁན་ཡིན་ལ།མི་དམངས་ནི་དཔའ་བོ་ངོ་མ་ཡིན།བརྗིད་ཉམས་ལྡན་པའི་ཀྲུང་ཧྭ་མི་རིགས་ཀྱི་འཕེལ་རྒྱས་ལོ་རྒྱུས་དེབ་ཐེར་ནི་ཀྲུང་གོའི་མི་དམངས་ཀྱིས་བྲིས་པ་རེད་ཨང་།རྒྱ་ཆེ་ལ་གཏིང་ཟབ་པའི་ཀྲུང་ཧྭའི་ཤེས་དཔལ་ནི་ཀྲུང་གོའི་མི་དམངས་ཀྱིས་བསྐྲུན་པ་རེད་ཨང་།ཀྲུང་ཧྭ་མི་རིགས་ཀྱི་རྒྱུན་རིང་ཉམས་མེད་ཀྱི་སྙིང་སྟོབས་ནི་ཀྲུང་གོའི་མི་དམངས་ཀྱིས་བསྐྲུན་པ་རེད་ཨང་།ཀྲུང་ཧྭ་མི་རིགས་ཡར་ལངས་པ་དང་ཕྱུག་པོར་གྱུར་པ་ནས་སྟོབས་ལྡན་དུ་འགྱུར་བའི་འཕུར་མཆོང་རླབས་པོ་ཆེ་བསུ་རྒྱུ་བྱུང་བ་ནི་ཀྲུང་གོའི་མི་དམངས་ཀྱིས་འབད་འཐབ་བྱས་ནས་ཐོབ་པ་རེད།...

ང་ཚོའི་ཏང་གིས་གསར་བརྗེ་དང་།འཛུགས་སྐྲུན།བསྒྱུར་བཅོས་བཅས་ལོ་རྒྱུས་ཀྱི་དུས་སྐབས་ཁག་ཏུ་མི་དམངས་ལ་ཉེ་བར་བརྟེན་རྒྱུ་རྒྱུན་འཁྱོངས་བྱས་ཡོད་པ་རེད།བསྒྱུར་བཅོས་སྒོ་འབྱེད་བྱས་ནས་ལོ་ངོ༣༥རིང་གི་ལོ་རྒྱུས་ཀྱི་འཕེལ་རིམ་ལས་བསྒྱུར་བཅོས་རིགས་མང་པོ་ཞིག་ནི་གཞི་རིམ་མང་ཚོགས་ཀྱིས་རང་འགུལ་ངང་སྤེལ་བ་དང་།འོག་ནས་གོང་དུ་གྲུབ་པ་ཡིན་ཞིང་།རྒྱ་ཆེའི་མི་དམངས་མང་ཚོགས་ནི་བསྒྱུར་བཅོས་ལ་སྐུལ་འདེད་གཏོང་བའི་སྟོབས་ཤུགས་གལ་ཆེན་ཞིག་ཡིན་པ་བསྟན་ཡོད།ད་སྐབས་ང་ཚོས་ཕྱོགས་ཡོངས་ནས་བསྒྱུར་བཅོས་ཟབ་སྤེལ་བྱེད་པར་སྔར་བཞིན་མི་དམངས་ཀྱི་བྱེད་པོའི་ནུས་པ་འདོན་སྤེལ་གང་ལེགས་བྱེད་དགོས།མི་དམངས་ཀྱི་དོན་དུ་བསྒྱུར་བཅོས་བྱས་ན་ད་གཟོད་བསྒྱུར་བཅོས་ལ་དོན་སྙིང་ལྡན་པ་དང་།མི་དམངས་ལ་བརྟེན་ནས་བསྒྱུར་བཅོས་བྱས་ན་ད་གཟོད་བསྒྱུར་བཅོས་ལ་སྒུལ་ཤུགས་ཡོད་པ་ཡིན།...

མི་དམངས་མང་ཚོགས་ནི་ང་ཚོའི་སྟོབས་ཤུགས་ཀྱི་འབྱུང་ཁུངས་ཡིན།ང་ཚོས་གསལ་པོར་ཤེས་པ་ནི་མི་རེ་རེའི་སྟོབས་ཤུགས་ལ་ཚད་ཡོད་ཀྱང་།ང་ཚོ་མི་བརྒྱ་བློ་གཅིག་དང་དཔུང་པ་མཉམ་གཤིབ་བྱས་ན།ཁྱད་གསོད་བྱེད་མི་ཐུབ་པའི་དཀའ་ངལ་གང་ཡང་མེད།མི་རེ་རེའི་ལས་ཀའི་དུས་ཚོད་ལ་ཚད་ཡོད་ཀྱང་།བློ་གཅིག་སེམས་གཅིག་གིས་མི་དམངས་ལ་ཞབས་འདེགས་ཞུ་རྒྱུ་ནི་ཚད་མེད་ཅིག་རེད།འགན་འཁྲི་རི་ལས་ལྕི་བ་དང་ལས་དོན་སྒྲུབ་ཡུན་རིང་བས།ང་ཚོས་ངེས་པར་ཐོག་མཐའ་བར་གསུམ་དུ་མི་དམངས་དང་གཅིག་སེམས་གཅིག་གཏད་དང་།མི་དམངས་དང་བདེ་སྡུག་མཉམ་མྱོང་།མི་དམངས་དང་མཐུན་སྒྲིལ་འབད་འཐབ་བཅས་བྱས་ཏེ།ཉིན་མཚན་ལྟོས་མེད་དུ་བསྒྲུབ་བྱའི་ལས་དོན་ལ་གཞོལ་ནས་ལོ་རྒྱུས་དང་མི་དམངས་ལ་ཚད་གཞི་ལོངས་པའི་རྒྱུགས་འབྲས་ཤིག་སྤྲོད་དགོས།...

གུང་ཁྲན་ཏང་ནི་མི་དམངས་ལ་བྱ་བ་སྒྲུབ་མཁན་རང་ཡིན་པས།མི་དམངས་ཀྱི་འཚོ་བ་ཉིན་རེ་བཞིན་ཇེ་ལེགས་དང་ལོ་རེ་བཞིན་ཇེ་ལེགས་སུ་འགྲོ་བར་བྱེད་དགོས།...

འདི་འདྲའི་རྒྱལ་ཁབ་ཆེན་པོ་ཞིག་ཡིན་ཙ་ན།འགན་འཁྲི་ཧ་ཅང་ལྕི་ལ་ལས་དོན་ཧ་ཅང་དཀའ་ཚེགས་ཆེ་བ་རེད།བདག་འཛིན་རིང་དུ་སྤང་།དམངས་དོན་བདག་གིས་བྱ།ང་ལ“བདག་འཛིན”རིང་དུ་སྤང་ཏེ་ཀྲུང་གོའི་འཕེལ་རྒྱས་ལ་རང་ཉིད་ཀྱི་ཡོད་ཚད་སྐྱེས་སུ་འབུལ་འདོད་ཡོད།...