«ཆབ་སྲིད་ཀྱི་སྒྲིག་ཁྲིམས་དམ་པོ་བཟོ་བ་དང་ཏང་གི་མཐུན་སྒྲིལ་དང་གཅིག་གྱུར་རང་རྟོགས་ཀྱིས་སྲུང་སྐྱོང་བྱེད་དགོས།»

       ཏང་གི་སྒྲིག་ཁྲིམས་དམ་པོ་བཟོ་བར་དོ་གལ་ཆེ་ཤོས་ནི་ཆབ་སྲིད་ཀྱི་སྒྲིག་ཁྲིམས་དམ་པོ་བཟོ་རྒྱུ་དེ་ཡིན། ཏང་གི་སྒྲིག་ཁྲིམས་ལ་ཕྱོགས་མང་པོ་ཡོད་མོད། འོན་ཀྱང་ཆབ་སྲིད་ཀྱི་སྒྲིག་ཁྲིམས་ནི་གལ་ཆེ་ཤོས་དང་། ཆེས་རྩ་བར་གྱུར་པ། ཆེས་འགག་རྩར་གྱུར་པ་བཅས་ཀྱི་སྒྲིག་ཁྲིམས་ཤིག་ཡིན་པ་དང་། ཏང་གི་ཆབ་སྲིད་ཀྱི་སྒྲིག་ཁྲིམས་ལ་བརྩི་སྲུང་ཞུ་རྒྱུ་ནི་ཏང་གི་སྒྲིག་ཁྲིམས་ཧྲིལ་པོར་བརྩི་སྲུང་ཞུ་བའི་རྨང་གཞི་གལ་ཆེན་ཞིག་རེད། ཆབ་སྲིད་ཀྱི་སྒྲིག་ཁྲིམས་ནི་རིམ་པ་ཁག་གི་ཏང་རྩ་འཛུགས་དང་ཏང་ཡོན་ཡོངས་ཀྱིས་ཆབ་སྲིད་ཀྱི་ཁ་ཕྱོགས་དང་། ཆབ་སྲིད་ཀྱི་ལངས་ཕྱོགས། ཆབ་སྲིད་ཀྱི་གཏམ་བརྗོད། ཆབ་སྲིད་ཀྱི་བྱ་སྤྱོད་བཅས་ཀྱི་ཐད་ངེས་པར་དུ་བརྩི་སྲུང་ཞུ་དགོས་པའི་སྒྲིག་ལམ་དང་། ཏང་གི་མཐུན་སྒྲིལ་དང་གཅིག་གྱུར་སྲུང་སྐྱོང་བྱེད་པའི་རྩ་བའི་འགན་ལེན་ཡིན།