མི་ཡི་གནད་དོན་ནི་སྲིད་ཏང་ཞིག་དང་སྲིད་དབང་ཞིག་གི་ངོ་བོར་ཉམས་ཞིབ་བྱེད་ཐབས་ཐིག་པོ་ཞིག་ཡིན་པའི་རྒྱུ་མཚན་གང་ཡིན་ངེས་པར་དུ་ཏང་ཡོངས་ཀྱི་སེམས་ལ་འཇགས་དགོས།མི་དམངས་ལ་སྣེ་ཁྲིད་བྱས་ནས་དགའ་སྐྱིད་ལྡན་པའི་འཚོ་བ་གསར་སྐྲུན་བྱེད་པ་ནི་ང་ཚོའི་ཏང་གི་ནམ་ཡང་འགྱུར་མེད་ཀྱི་འབད་འཐབ་དམིགས་འབེན་ཡིན།ངེས་པར་དུ་མི་དམངས་ཀྱི་ཁེ་ཕན་ཐོག་མཐའ་བར་གསུམ་དུ་བླ་ན་མེད་པའི་གནས་སུ་འཇོག་པ་དང་།བསྒྱུར་བཅོས་དང་འཕེལ་རྒྱས་ཀྱི་གྲུབ་འབྲས་སྔར་ལས་མང་བ་དང་སྔར་བས་དྲང་སྙོམས་ཀྱི་སྒོ་ནས་མི་དམངས་ཡོངས་རྫོགས་ལ་ཕན་པའི་གསོས་སུ་བསྒྲུབས་ཏེ།མི་དམངས་ཡོངས་རྫོགས་ཐུན་མོང་ཐོག་ཕྱུག་པོར་འགྱུར་བའི་ཕྱོགས་སུ་རྒྱུན་ཆད་མེད་སྐྱོད་དགོས།...

མི་དམངས་ལྟེ་བར་འཛིན་པའི་འཕེལ་རྒྱས་ཀྱི་བསམ་བློ་ཉམས་ལེན་ཤུགས་ཆེན་བྱེད་དགོས།འདི་ནི་ཏང་གི་སྐབས་བཅོ་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་ལྔ་པའི་ཐོག་ཐོག་མར་བཏོན་པ་ཡིན་ཞིང་།དེས་ང་ཚོའི་ཏང་གིས་བློ་གཅིག་སེམས་གཅིག་གིས་མི་དམངས་ལ་ཞབས་འདེགས་ཞུ་བའི་རྩ་བའི་དམིགས་ཡུལ་མཚོན་པ་དང་།མི་དམངས་ནི་འཕེལ་རྒྱས་སྐུལ་འདེད་གཏོང་བའི་རྩ་བའི་སྟོབས་ཤུགས་ཡིན་པའི་དངོས་གཙོའི་ལོ་རྒྱུས་ལྟ་བ་མཚོན་ཡོད།...

བློ་གཅིག་སེམས་གཅིག་གིས་མི་དམངས་ལ་ཞབས་འདེགས་ཞུ་རྒྱུ་ནི་ང་ཚོའི་ཏང་གི་བྱ་སྤྱོད་མཐའ་དག་གི་གཞི་རྩར་གྱུར་པའི་ཀུན་སློང་དང་དམིགས་ཡུལ་ཡིན་པ་དང་།ང་ཚོའི་ཏང་ཉིད་སྲིད་ཏང་གཞན་དག་ཐམས་ཅད་དང་མི་འདྲ་བའི་རྩ་བའི་ཁྱད་རྟགས་ཡིན།ཏང་གི་ལས་དོན་ཡོད་ཚད་ཀྱི་ཚད་གཞི་མཐོ་ཤོས་ནི་ཆེས་རྒྱ་ཆེ་བའི་མི་དམངས་ཀྱི་རྩ་བའི་ཁེ་ཕན་ཡིན་དགོས་ངེས་རེད།ང་ཚོའི་ལས་ཀ་ཡོད་ཚད་ཀྱི་ཕན་འབྲས་ཞིབ་བཤེར་བྱེད་ན་མཐར་ཐུག་མི་དམངས་ལ་དངོས་འབྲེལ་ཁེ་བཟང་རག་ཡོད་མེད་དང་།མི་དམངས་ཀྱི་འཚོ་བ་དངོས་འབྲེལ་ལེགས་བཅོས་བྱུང་ཡོད་མེད།མི་དམངས་ཀྱི་ཁེ་དབང་དངོས་འབྲེལ་འགན་སྲུང་བྱུང་ཡོད་མེད་བཅས་ལ་ལྟ་དགོས།...

ང་ཚོའི་མི་དམངས་འཚོ་བར་དགའ་ཞེན་ཆེ་བ་དང་།ཁོང་ཚོས་སྔར་ལས་ལྷག་པའི་སློབ་གསོ་དང་།སྔར་ལས་བརྟན་པའི་ལས་ཀ།སྔར་ལས་བློ་ཡིད་ཚིམ་པའི་ཡོང་འབབ།སྔར་ལས་ཡིད་རྟོན་རུང་བའི་སྤྱི་ཚོགས་འགན་སྲུང་།སྔར་ལས་ཆུ་ཚད་མཐོ་བའི་སྨན་བཅོས་འཕྲོད་བསྟེན་གྱི་ཞབས་ཞུ།སྔར་ལས་སྐྱིད་པའི་གནས་སྡོད་ཀྱི་ཆ་རྐྱེན།སྔར་ལས་མཛེས་པའི་ཁོར་ཡུག་བཅས་ལ་རེ་སྨོན་བྱེད་ཀྱི་ཡོད་པ་དང་།བུ་ཕྲུག་རྣམས་འཚར་ལོངས་དེ་བས་ལེགས་པ་དང་།ལས་ཀ་དེ་བས་ལེགས་པ།འཚོ་བ་དེ་བས་བཟང་བ་བཅས་ཡོང་བའི་རེ་སྨོན་བྱེད་ཀྱི་ཡོད།མི་དམངས་ཀྱིས་རེ་སྨོན་བྱེད་པའི་དགའ་སྐྱིད་ཀྱི་འཚོ་བ་ནི་ང་ཚོའི་འབད་ཐབས་ཀྱི་དམིགས་འབེན་ཡིན།...

ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་སྟོབས་ལྡན་བསྐྲུན་ཚར་བར་བྱེད་པའི་སྤྱིའི་ཐབས་ཇུས་ཀྱི་བཀོད་པ་གོམ་སྟབས་གཉིས་སུ་ཕྱེ་ནས་འགྲོ་རྒྱུ་ཡིན་པ་སྟེ།༢༠༢༠ལོ་ནས༢༠༣༥ལོའི་བར་དུ་སྤྱི་ཚོགས་རིང་ལུགས་དེང་རབས་ཅན་གཞི་རྩའི་ཆ་ནས་མངོན་འགྱུར་བྱ་རྒྱུ་དང་།༢༠༣༥ལོ་ནས་དུས་རབས་འདིའི་དུས་དཀྱིལ་བར་དུ་རང་རྒྱལ་འདི་ཉིད་འབྱོར་ཕྱུག་དང་།དམངས་གཙོ།ཤེས་དཔལ།ཞི་མཐུན།མཛེས་སྡུག་བཅས་ལྡན་པའི་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་སྟོབས་ལྡན་དུ་བསྐྲུན་ཚར་བར་བྱ་རྒྱུ་ཡིན།...

ཀྲུང་གོ་གསར་པ་དབུ་བརྙེས་པ་དང་ལྷག་པར་དུ་བསྒྱུར་བཅོས་སྒོ་འབྱེད་བྱས་ཚུན་དུ་ཡུན་རིང་འཚོལ་ཞིབ་དང་ལག་ལེན་བྱས་པའི་རྨང་གཞིའི་ཐོགཚོགས་ཆེན་བཅོ་བརྒྱད་པའི་ཚུན་ལ་རིགས་པའི་གཞུང་ལུགས་དང་ལག་ལེན་ཐད་གསར་གཏོད་དང་ཐོད་བརྒལ་བྱུང་བ་བརྒྱུད་དེ།ང་ཚོའི་ཏང་གིས་ཀྲུང་གོའི་ལུགས་ཀྱི་དེང་རབས་ཅན་ལམ་ལྷོང་ངང་སྐུལ་འདེད་དང་རྒྱ་སྐྱེད་བཏང་ཡོད།...

དུས་བཀག་ལྟར་ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་ཚར་བར་བྱེད་པ་དང་དབུལ་བྲལ་འགག་སྒྲོལ་གྱི་དམག་འཐབ་ལ་རྒྱལ་ཁ་བླངས་པ་དེས་ཀྲུང་ཧྭ་མི་རིགས་བསྐྱར་དར་རླབས་པོ་ཆེ་ཡོང་རྒྱུ་དེ་མདུན་དུ་གོམ་པ་གསར་པ་ཆེན་པོ་ཞིག་སྤོས་པ་དང་།དུས་རབས་ཀྱི་རྗེས་སུ་ཆེས་ཆེར་ལུས་པ་ནས་གོམ་ཞེང་ཆེན་པོས་དུས་རབས་ཀྱི་རྗེས་ཟིན་པའི་མཆོང་སྐྱོད་གསར་པ་མངོན་འགྱུར་བྱུང་བ་རེད།...

ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན།སྔོན་བྱོན་པས་ཡུན་རིང་འབད་འཐབ་བྱས་པའི་རྨང་གཞིའི་ཐོག་ང་ཚོས“ཕྱོགས་ལྔ་གཞི་གཅིག”གི་སྤྱིའི་བཀོད་པར་གཅིག་འདོམས་ཀྱིས་སྐུལ་འདེད་བཏང་བ་དང་།“ཕྱོགས་ཡོངས་བཞི”ཡི་འཐབ་ཇུས་ཀྱི་བཀོད་པར་མཐུན་སྦྱོར་ངང་སྐུལ་འདེད་བཏང་ནས།ཏང་དང་རྒྱལ་ཁབ་ཀྱི་བྱ་གཞག་ལ་ལོ་རྒྱུས་རང་བཞིན་གྱི་གྲུབ་འབྲས་འཐོབ་པ་དང་ལོ་རྒྱུས་རང་བཞིན་གྱི་འཕོ་འགྱུར་འབྱུང་བར་སྐུལ་འདེད་བཏང་ཞིང་།ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་དུས་རབས་གསར་པར་སྐྱོད་པར་སྐུལ་འདེད་བཏང་བ་རེད།...

འབྱོར་འབྲིང་སྤྱི་ཚོགས་འཕེལ་རྒྱས་དང་ལག་ལེན་ཟབ་ཏུ་སོང་བ་དང་བསྟུན་ནས་ང་ཚོའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་སྤྱིའི་བཀོད་པའི་ཐད་ཀྱི་ངོས་འཛིན་རྒྱུན་ཆད་མེད་པར་ཟབ་ཏུ་སོང་ནས།དེ་སྔའི“དཔལ་ཡོན་གཉིས”ནས“ཕྱོགས་གསུམ་གཞི་གཅིག”དང“ཕྱོགས་བཞི་གཞི་གཅིག”དང་དེ་ནས་ད་ལྟའི“ཕྱོགས་ལྔ་གཞི་གཅིག”ལ་འཕེལ་བ་འདི་ནི་རིགས་པའི་གཞུང་ལུགས་དང་ལག་ལེན་གྱི་གསར་གཏོད་ཆེན་པོ་ཞིག་ཡིན་པ་དང་།དེས་འཕེལ་རྒྱས་ཀྱི་འདུ་ཤེས་དང་འཕེལ་རྒྱས་གཏོང་སྟངས་ཐད་དུ་འགྱུར་ལྡོག་ཟབ་མོ་བཏང་ཡོད།...

ཐོག་མའི་བསམ་འདུན་མི་བརྗེད་པར་མུ་མཐུད་མདུན་སྐྱོད་བྱ་རྒྱུ་རྒྱུན་འཁྱོངས་བྱེད་པ་ལ།“ཕྱོགས་ལྔ་གཞི་གཅིག”གི་སྤྱིའི་བཀོད་པར་གཅིག་འདོམས་ཀྱིས་སྐུལ་འདེད་གཏོང་བ་དང་།“ཕྱོགས་ཡོངས་བཞི”ཡི་འཐབ་ཇུས་ཀྱི་བཀོད་པར་མཐུན་སྦྱོར་ངང་སྐུལ་འདེད་གཏོང་བ།ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་ཚར་བར་བྱེད་པའི་འཕེལ་རིམ་ལ་ནུས་ཤུགས་ཡོད་རྒུས་སྐུལ་འདེད་གཏོང་བ་བཅས་བྱས་ཏེ།ལོ་བརྒྱ་གཉིས་ཀྱི་འབད་འཐབ་དམིགས་འབེན་མངོན་འགྱུར་བྱ་རྒྱུ་དེ་རྒྱུན་ཆད་མེད་པར་གོང་ནས་གོང་དུ་སྤེལ་དགོས།...

ང་ཚོས་ཀྲུང་གོའི་འཕེལ་རྒྱས་ཀྱི་གནས་ཚུལ་དངོས་ལ་གཞི་བཅོལ་ནས།གནད་དོན་ཁྲིད་ཕྱོགས་སུ་འཛིན་རྒྱུ་རྒྱུན་འཁྱོངས་བྱས་པས་ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་ཚར་བར་བྱེད་པ་དང་།ཕྱོགས་ཡོངས་ནས་བསྒྱུར་བཅོས་ཟབ་སྤེལ་བྱེད་པ།ཕྱོགས་ཡོངས་ནས་ཁྲིམས་ལྟར་རྒྱལ་ཁབ་སྐྱོང་བ།ཕྱོགས་ཡོངས་ནས་ཏང་ནན་སྐྱོང་བྱེད་པ་བཅས་ཀྱི་འཐབ་ཇུས་ཀྱི་བཀོད་པ་རིམ་བཞིན་བྱུང་ཞིང་དེར་སྐུལ་འདེད་ཧུར་ཐག་གཏོང་བཞིན་ཡོད།འདི་ནི་ལོ་རྒྱུས་ཀྱི་ཆ་རྐྱེན་གསར་པའི་འོག་ཀྲུང་གོའི་རྒྱལ་སྲིད་སྐྱོང་ལུགས་སྐོར་གྱི་ཇུས་གཞི་ཆེན་མོ་ཞིག་ཡིན་པ་དང་།ཀྲུང་ཧྭ་མི་རིགས་བསྐྱར་དར་རླབས་པོ་ཆེ་ཡོང་བའི་ཀྲུང་གོའི་ཕུགས་འདུན་མངོན་འགྱུར་བྱེད་པའི་འགན་སྲུང་གལ་ཆེན་ཞིག་ཀྱང་ཡིན།...

“ཕྱོགས་ཡོངས་བཞི”ཡི་འཐབ་ཇུས་ཀྱི་བཀོད་པ་ནི་རང་རྒྱལ་འཕེལ་རྒྱས་ཀྱི་དངོས་ཡོད་ཀྱི་དགོས་མཁོ་ལས་བྱུང་བ་དང་།མི་དམངས་མང་ཚོགས་ཀྱི་རེ་སྒུག་ཆེན་པོ་ལས་བྱུང་བ་ཡིན་ལ།ང་ཚོར་འཕྲད་པའི་འགལ་བ་དང་གནད་དོན་ཆེ་ཁག་ཐག་གཅོད་བྱེད་པར་སྐུལ་འདེད་གཏོང་ཆེད་བཏོན་པ་ཞིག་ཀྱང་ཡིན།...

ཏང་གི་ཚོགས་ཆེན་བཅུ་དགུ་པས་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་དུས་རབས་གསར་པར་སླེབས་པ་ཞེས་པའི་ཆབ་སྲིད་ཀྱི་ཆོད་གཏམ་གནད་ཆེན་འདི་བཞག་པས།ང་ཚོས་ངེས་པར་དུ་ཤེས་དགོས་རྒྱུར།དུས་རབས་གསར་པ་འདི་ནི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དུས་རབས་གསར་པ་ཡིན་པ་ལས་དུས་རབས་གསར་པ་གཞན་གང་ཡང་མིན་པ་རེད།ཏང་གིས་ལོ་རྒྱུས་ཀྱི་གནས་ཕྱོགས་གསར་པའི་སྟེང་དུ་དུས་རབས་གསར་པའི་ཏང་གི་ལོ་རྒྱུས་ལས་འགན་མངོན་འགྱུར་བྱེད་དགོས་ན།ཆེས་རྩ་བར་གྱུར་པ་ནི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དར་ཆ་རླབས་པོ་ཆེ་མཐོན་པོར་བསྒྲེང་རྒྱུ་དེ་རེད།...

དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ནི་ང་ཚོའི་ཏང་གིས་མི་དམངས་ལ་འགོ་ཁྲིད་བྱས་ནས་སྤྱི་ཚོགས་གསར་བརྗེ་རླབས་པོ་ཆེ་བྱས་པའི་གྲུབ་འབྲས་ཡིན་ལ།ང་ཚོའི་ཏང་གིས་མི་དམངས་ལ་འགོ་ཁྲིད་བྱས་ནས་སྤྱི་ཚོགས་གསར་བརྗེ་རླབས་པོ་ཆེ་མུ་མཐུད་དུ་བྱེད་པའང་ཡིན་པས་ངེས་པར་དུ་དཀྱུས་གཅིག་དུ་དོན་འཁྱོལ་བྱེད་དགོས།...

ཀྲུང་གོའི་གུང་ཁྲན་ཏང་མིའི་ལོ་རྒྱུས་ཀྱི་གདེང་ཚོད་ནི་འབད་འཐབ་བྱས་ནས་ཐོབ་པའི་གྲུབ་འབྲས་ཀྱི་གདེང་ཚོད་ཡིན་ལ།འབད་འཐབ་སྙིང་སྟོབས་ཀྱི་གདེང་ཚོད་ཀྱང་ཡིན།...

ང་ཚོའི་ཏང་གིས་མི་དམངས་ཀྱི་རྒྱབ་སྐྱོར་འོགརང་ཉིད་ཀྱི་སྟོབས་ཤུགས་ལ་བརྟེན་ནས་དཀའ་ངལ་ལས་རྣམ་པར་རྒྱལ་བ་དང་།ནོར་འཁྲུལ་ཡོ་བསྲང་།འོད་ཟེར་ལྡན་པའི་ཕྱོགས་སུ་བསྐྱོད་པ་བཅས་ནི་ཐེངས་འགར་འཆི་ཁར་གསོན་ལམ་རྙེད་པ་དང་རྒྱ་ལྕང་སྔོ་ཞིང་མེ་ཏོག་བཀྲ་བ་ལྟ་བུ་ཡིན་ཞེས་བཤད་ཆོགའདི་ལྟ་བུའི་བསྲེགས་བཅད་བརྡར་གསུམ་བྱས་པ་ལས་ང་ཚོའི་ཏང་སྔར་བས་སྟོབས་ལྡན་དང་གནད་སྨིན་འཐུས་ཚང་དུ་གྱུར་པ་རེད།ཏང་གི་ལོ་རྒྱུས་སློབ་སྦྱོང་དང་ཕྱོགས་བསྡོམས་བྱེད་སྐབས།དེའི་ཁྲོད་ནས་འགྲོ་ལམ་གྱི་གདེང་ཚོད་དང་།རིགས་པའི་གཞུང་ལུགས་ཀྱི་གདེང་ཚོད།ལམ་ལུགས་ཀྱི་གདེང་ཚོད།རིག་གནས་ཀྱི་གདེང་ཚོད་བཅས་ཇེ་ཆེར་བཏང་སྟེ།བརྩོན་པ་ཕུར་ཚུགས་སུ་བསྐྱེད་པ་དང་།ཆར་རླུང་ལ་མ་འཛེམས་པར་མདུན་དུ་སྐྱོད་དགོས།...

ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ནི་རྩོལ་མེད་དུ་བྱུང་བ་ཞིག་མ་ཡིན་པར་དེ་ནི་བསྒྱུར་བཅོས་སྒོ་འབྱེད་བྱས་ནས་ལོ་ངོ༤༠རིང་གི་ལག་ལེན་རླབས་པོ་ཆེ་ལས་བྱུང་བ་དང་།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ངོ༧༠ལ་ཉེ་བའི་རིང་བསྟུད་མར་འཚོལ་ཞིབ་བྱས་པ་ལས་བྱུང་བ།ང་ཚོའི་ཏང་གིས་མི་དམངས་ལ་འགོ་ཁྲིད་བྱས་ནས་སྤྱི་ཚོགས་གསར་བརྗེ་རླབས་པོ་ཆེ་བྱས་པའི་ལོ་ངོ༩༧རིང་གི་ལག་ལེན་ལས་བྱུང་བ།ཉེ་རབས་ནས་བཟུང་ཀྲུང་ཧྭ་མི་རིགས་ཉམས་རྒུད་ནས་དར་རྒྱས་སུ་སྐྱོད་པའི་ལོ་ངོ༡༧༠ལྷག་རིང་གི་ལོ་རྒྱུས་འཕེལ་རིམ་ལས་བྱུང་བ།ཀྲུང་ཧྭའི་ཤེས་དཔལ་ལོ་ངོ༥༠༠༠ལྷག་ལ་འཛིན་སྐྱོང་སྤེལ་གསུམ་བྱས་པ་ལས་བྱུང་བ།ཏང་དང་མི་དམངས་ཀྱིས་དཀའ་སྡུག་ཚད་མེད་མྱངས་ཤིང་རིན་དོད་སྣ་ཚོགས་བཏང་ནས་ཐོབ་པ་བཅས་ཀྱི་རིན་ཐང་གཞལ་མེད་ཀྱི་གྲུབ་འབྲས་ཤིག་ཡིན།གྲུབ་འབྲས་འདི་ནི་ལས་སླ་པོར་ཐོབ་པ་ཞིག་མ་རེད།...

དུས་རབས་གསར་པར་དད་མོས་དང་དད་སེམས་བརྟན་དུ་གཏོང་བར་གལ་ཆེ་ཤོས་ནི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་འགྲོ་ལམ་གྱི་གདེང་ཚོད་དང་།རིགས་པའི་གཞུང་ལུགས་ཀྱི་གདེང་ཚོད།ལམ་ལུགས་ཀྱི་གདེང་ཚོད།རིག་གནས་ཀྱི་གདེང་ཚོད་བཅས་བརྟན་དུ་གཏོང་དགོས་པ་དེ་ཡིན།ཏང་གི་ལོ་བརྒྱའི་འབད་འཐབ་ཀྱི་ལོ་རྒྱུས་འཕེལ་རིམ་དང་གྲུབ་འབྲས་རླབས་པོ་ཆེ་ནི་ང་ཚོས“གདེང་ཚོད་བཞི”ཆེ་རུ་གཏོང་བའི་རྨང་གཞི་བརྟན་ཤོས་དེ་ཡིན།...

ཏང་ཡོངས་ཀྱིས་འགྲོ་ལམ་གྱི་གདེང་ཚོད་དང་།རིགས་པའི་གཞུང་ལུགས་ཀྱི་གདེང་ཚོད།ལམ་ལུགས་ཀྱི་གདེང་ཚོད།རིག་གནས་ཀྱི་གདེང་ཚོད་བཅས་བརྟན་པོ་འཆང་དགོས།དེང་དུས་འཛམ་གླིང་གི་སྲིད་ཏང་གང་དང་རྒྱལ་ཁང་གང་།མི་རིགས་གང་ལ་གདེང་ཚོད་ཡོད་དམ་ཟེར་ན།ཀྲུང་གོའི་གུང་ཁྲན་ཏང་དང་།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ།ཀྲུང་ཧྭ་མི་རིགས་བཅས་ལ་ནི་གདེང་ཚོད་ལྡན་པའི་རྒྱུ་མཚན་ཆེ་ཤོས་ཡོད་ཅེས་བརྗོད་ཆོག།“མི་ལོ་ཉིས་བརྒྱ་འཚོ་བའི་གདེང་ཡོད་པས།ལེ་དབར་སུམ་སྟོང་རྐྱལ་བའི་སྤོབས་པ་ཡོད”ཅེས་པའི་སྙིང་སྟོབས་ལྡན་ཚེ།ང་ཚོས་འཇིགས་པ་སྤུ་ཙམ་མེད་པར་དཀའ་ངལ་དང་འགྲན་སློང་མཐའ་དག་ལ་ཁ་གཏད་འཇལ་ཐུབ་པ་དང་།བློ་བརྟན་འགྱུར་མེད་ངང་གནམ་ས་གསར་པ་དང་ངོ་མཚར་གསར་པ་སྐྲུན་ཐུབ་ངེས་རེད།...

ཁ་ཕྱོགས་ཀྱིས་འགྲོ་ལམ་གཏན་འཁེལ་བྱེད་པ་དང་།འགྲོ་ལམ་གྱིས་ལས་དབང་གཏན་འཁེལ་བྱེད་པ་རེད།ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ནི་གནམ་ནས་ཟགས་པ་ཞིག་མིན་པར་ཏང་དང་མི་དམངས་ཀྱིས་དཀའ་བ་ཆེན་པོ་སྤྱད་ཅིང་རིན་དོད་ཆེན་པོ་བཏང་སྟེ་ཐོབ་པའི་རྩ་བའི་གྲུབ་འབྲས་ཤིག་ཡིན།ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ནི་ང་ཚོས་ངེས་པར་དུ་རྒྱུན་ཆད་མེད་པར་སྐུལ་འདེད་གཏོང་དགོས་པའི་བྱ་གཞག་རླབས་པོ་ཆེ་ཡང་ཡིན་ལ།ང་ཚོས་མ་འོངས་གསར་གཏོད་བྱེད་པའི་རྩ་བའི་འགན་ལེན་ཡང་ཡིན།...

ཐོག་མའི་བསམ་འདུན་མི་བརྗེད་པར་མུ་མཐུད་མདུན་སྐྱོད་བྱ་རྒྱུ་རྒྱུན་འཁྱོངས་བྱེད་པ་ལ།ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་འགྲོ་ལམ་གྱི་གདེང་ཚོད་དང་།རིགས་པའི་གཞུང་ལུགས་ཀྱི་གདེང་ཚོད།ལམ་ལུགས་ཀྱི་གདེང་ཚོད།རིག་གནས་ཀྱི་གདེང་ཚོད་བཅས་རྒྱུན་འཁྱོངས་དང་།ཏང་གི་གཞི་རྩའི་ལམ་ཕྱོགས་གཡོ་འགུལ་མེད་པར་རྒྱུན་འཁྱོངས་བྱས་ཏེ།ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བྱ་གཞག་རླབས་པོ་ཆེ་རྒྱུན་ཆད་མེད་པར་གོང་ནས་གོང་དུ་སྤེལ་དགོས།...

རྒྱུན་ཆད་མེད་པར་ཏང་གི་འགོ་ཁྲིད་ལ་ཤུགས་སྣོན་དང་ལེགས་སྒྱུར་བྱས་ཏེ།ཏང་གི་འདོད་བློ་དག་ཁྲིམས་བཀོད་ཀྱི་ལས་རིམ་བརྒྱུད་དེ་རྒྱལ་ཁབ་ཀྱི་འདོད་བློ་རུ་སྒྱུར་མཁས་པོ་དང་།ཏང་རྩ་འཛུགས་ཀྱིས་འོས་སྦྱོར་བྱས་པའི་འོས་མི་གང་དེ་ཁྲིམས་བཀོད་ཀྱི་ལས་རིམ་བརྒྱུད་དེ་རྒྱལ་ཁབ་སྲིད་དབང་ལས་ཁུངས་ཀྱི་འགོ་ཁྲིད་མི་སྣར་སྒྱུར་མཁས་པོ།རྒྱལ་ཁབ་ཀྱི་སྲིད་དབང་ལས་ཁུངས་ལ་བརྟེན་ནས་ཏང་གིས་རྒྱལ་ཁབ་དང་སྤྱི་ཚོགས་ལ་འགོ་ཁྲིད་བྱ་རྒྱུ་ལག་བསྟར་བྱེད་མཁས་པོ།དམངས་གཙོ་གཅིག་སྡུད་ལམ་ལུགས་ཀྱི་རྩ་དོན་ལྟར་ཏང་དང་རྒྱལ་ཁབ་ཀྱི་དབང་གྲགས་སྲུང་སྐྱོང་དང་ཏང་ཡོངས་དང་རྒྱལ་ཡོངས་ཀྱི་མཐུན་སྒྲིལ་གཅིག་གྱུར་སྲུང་སྐྱོང་བྱེད་མཁས་པོ་བཅས་བྱེད་དགོས།...

ཚན་རིག་དང་མཐུན་པར་སྲིད་སྐྱོང་དང་།དམངས་གཙོའི་སྲིད་སྐྱོང་།ཁྲིམས་ལྟར་སྲིད་སྐྱོང་བཅས་རྒྱུན་འཁྱོངས་བྱེད་པ་དང་།དམངས་གཙོའི་གཅིག་སྡུད་ལམ་ལུགས་ལག་ལེན་མཐར་ཕྱིན་བསྟར་བ།འགོ་ཁྲིད་བྱེད་སྟངས་གསར་གཏོད་དང་ལེགས་བཅོས་བྱས་ཏེ།ཏང་གིས་ཁ་ཕྱོགས་འཛིན་པ་དང་།ཁྱོན་ཡོངས་འཆར་འགོད།སྲིད་ཇུས་གཏན་འབེབས།བསྒྱུར་བཅོས་ལ་སྐུལ་སྤེལ་བཅས་བྱེད་པའི་ནུས་པ་ཆེ་རུ་གཏོང་བ་དང་།ཕྱོགས་གང་ཅིའི་ཐད་ཀྱི་ཧུར་བརྩོན་རང་བཞིན་ལ་སྐུལ་སློང་བྱེད་དགོས།...

དམངས་གཙོ་གཅིག་སྡུད་ལམ་ལུགས་ཀྱི་ཁོངས་སུ་དམངས་གཙོ་དང་གཅིག་སྡུད་ཕྱོགས་གཉིས་ཚུད་ཡོད་ཅིང་།དེ་གཉིས་ཕན་ཚུན་ཆ་རྐྱེན་དུ་འགྱུར་བ་དང་།གཅིག་རམ་གཅིག་འདེགས་བྱེད་པ་ལས་གཅིག་ཀྱང་མེད་མི་རུང་།ང་ཚོས་དམངས་གཙོ་དང་གཅིག་སྡུད་གཅིག་གྱུར་དམ་ཚགས་བྱས་ཏེ།དམངས་གཙོ་གཅིག་སྡུད་ལམ་ལུགས་ཀྱི་དགེ་མཚན་དེ་ང་ཚོའི་ཏང་གི་ཆབ་སྲིད་ཀྱི་དགེ་མཚན་དང་།རྩ་འཛུགས་ཀྱི་དགེ་མཚན།ལམ་ལུགས་ཀྱི་དགེ་མཚན།ལས་ཀའི་དགེ་མཚན་བཅས་སུ་འགྱུར་བར་བྱེད་དགོས།...

དམངས་གཙོ་གཅིག་སྡུད་ལམ་ལུགས་ནི་ང་ཚོའི་ཏང་གི་རྩ་བའི་རྩ་འཛུགས་ཀྱི་རྩ་དོན་དང་འགོ་ཁྲིད་ལམ་ལུགས་ཡིན་པ་དང་།ཏང་གི་གསར་གཏོད་གསོན་ཤུགས་སྐུལ་སློང་དང་ཏང་གི་མཐུན་སྒྲིལ་གཅིག་གྱུར་རྒྱུན་འཁྱོངས་བྱེད་པའི་རྩ་བའི་འགན་ལེན་ཡིན།...