རིག་གནས་ཀྱི་གདེང་ཚོད་ནི་རྨང་གཞི་སྔར་ལས་བརྟན་པ་དང་།ཁྱབ་རྒྱ་སྔར་ལས་ཆེ་བ།གཏིང་སྔར་ལས་ཟབ་པ་བཅས་ཀྱི་གདེང་ཚོད་ཅིག་ཡིན།ལོ་ངོ༥༠༠༠ལྷག་གི་ཤེས་དཔལ་འཕེལ་རྒྱས་ཁྲོད་དར་འཕེལ་བྱུང་བའི་ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་དང་ཏང་དང་མི་དམངས་ཀྱི་འཐབ་རྩོད་རླབས་པོ་ཆེའི་ཁྲོད་དར་འཕེལ་བྱུང་བའི་གསར་བརྗེའི་རིག་གནས་དང་སྤྱི་ཚོགས་རིང་ལུགས་ཀྱི་སྔོན་ཐོན་རིག་གནས་ནང་ཀྲུང་ཧྭ་མི་རིགས་ཀྱི་བསམ་པའི་དོན་གཉེར་ཟབ་ཤོས་ལྡན་ལ་ཀྲུང་ཧྭ་མི་རིགས་ཀྱི་ཐུན་མོང་མ་ཡིན་པའི་བསམ་པའི་མཚོན་རྟགས་ཀྱང་མཚོན་གྱི་ཡོད།...

ང་ཚོས་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་འགྲོ་ལམ་གྱི་གདེང་ཚོད་དང་།རིགས་པའི་གཞུང་ལུགས་ཀྱི་གདེང་ཚོད།ལམ་ལུགས་ཀྱི་གདེང་ཚོད་བཅས་ཇེ་བརྟན་དུ་གཏོང་དགོས་ཞེས་བཤད་པ་ནི།མདོར་བསྡུས་ན་རིག་གནས་ཀྱི་གདེང་ཚོད་བརྟན་དུ་གཏོང་དགོས་པ་དེ་ཡིན།...

སྔོན་ཐོན་རིག་གནས་ཀྱིས་སྣེ་ཁྲིད་ཧུར་ཐག་མ་བྱས་པ་དང་།མི་རིགས་ཀྱི་སེམས་ཁམས་ཕུན་སུམ་ཧ་ཅང་ཚོགས་པོ་མེད་པ།མི་རིགས་ཀྱི་བསམ་པའི་སྟོབས་ཤུགས་རྒྱུན་ཆད་མེད་པར་ཆེ་རུ་མ་ཕྱིན་པ་བཅས་ཡིན་ཚེ།རྒྱལ་ཁབ་ཅིག་དང་མི་རིགས་ཤིག་འཛམ་གླིང་མི་རིགས་ཀྱི་ཁྲོད་དུ་འགྱིང་ངེར་ལངས་མི་ཐུབ།...

རྒྱལ་ཁབ་ཅིག་དང་མི་རིགས་ཤིག་སྟོབས་འབྱོར་མངའ་ཐང་རྒྱས་པ་ནི་ནམ་ཡིན་ཡང་རིག་གནས་དར་རྒྱས་ཡོང་བར་བརྟེན་པ་ཡིན་པས།ཀྲུང་ཧྭ་མི་རིགས་བསྐྱར་དར་རླབས་པོ་ཆེ་ཡོང་བར་ཀྲུང་ཧྭའི་རིག་གནས་དར་རྒྱས་གོང་འཕེལ་གཏོང་རྒྱུ་ཆ་རྐྱེན་དུ་འཛིན་དགོས།...

གཙོ་གནད་ཁྱབ་ཁོངས་དང་གསར་དར་ཁྱབ་ཁོངས།ཕྱི་འབྲེལ་ཁྱབ་ཁོངས་བཅས་ཀྱི་ཁྲིམས་འཛུགས་ལ་ཤུགས་རྒྱག་པ་དང་།རྒྱལ་ནང་གི་ཁྲིམས་སྐྱོང་དང་ཕྱི་འབྲེལ་ཁྲིམས་སྐྱོང་ལ་གཅིག་འདོམས་ཀྱིས་སྐུལ་འདེད་གཏོང་བ་དང་།ཁྲིམས་བཟང་ལ་རྟེན་ནས་འཕེལ་རྒྱས་ལ་སྐུལ་འདེད་དང་བཟང་སྐྱོང་འགན་སྲུང་བྱེད་དགོས།ཚན་རིག་དང་མཐུན་པར་ཁྲིམས་འཛུགས་དང་།དམངས་གཙོས་ཁྲིམས་འཛུགས།ཁྲིམས་ལྟར་ཁྲིམས་འཛུགས་བཅས་བྱེད་པར་སྐུལ་འདེད་གཏོང་བ་དང་།འཛུགས་བཅོས་འདོར་འགྲེལ་སྒྲིག་བཅས་ཕྱོགས་ལྔ་གཅིག་གྱུར་འཆར་འགོད་བྱས་ནས་ཁྲིམས་འཛུགས་ཀྱི་མ་ལག་རང་བཞིན་དང་།སྤྱི་ཡོངས་རང་བཞིན།མཐུན་སྦྱོར་རང་བཞིན།དུས་ནུས་རང་བཞིན་བཅས་ཆེ་རུ་གཏོང་དགོས།...

བཅའ་ཁྲིམས་ལམ་ལུགས་རེ་རེ་དང་།ཁྲིམས་བསྟར་ཐག་བཅད་རེ་རེ།ཁྲིམས་འཛིན་གྱོད་གཞི་རེ་རེ་བཅས་ལས་མི་དམངས་མང་ཚོགས་ལ་དྲང་སྙོམས་དྲང་བདེན་ཚོར་དུ་འཇུག་པའི་དམིགས་འབེན་འདིར་དམིགས་ཏེ།ཁྲིམས་འཛིན་སྒྲིག་སྲོལ་གྱི་ཕྱོགས་བསྡུས་ཆ་འགྲིག་གི་བསྒྱུར་བཅོས་ཟབ་སྤེལ་བྱས་ནས་དྲང་གཞག་དང་ཆོད་ཆེ།དབང་གྲགས་ལྡན་པའི་སྤྱི་ཚོགས་རིང་ལུགས་ཀྱི་ཁྲིམས་འཛིན་ལམ་ལུགས་འཛུགས་སྐྲུན་གང་མགྱོགས་བྱེད་དགོས།...

ཕྱོགས་ཡོངས་ནས་ཁྲིམས་ལྟར་རྒྱལ་ཁབ་སྐྱོང་བར་སྐུལ་འདེད་གཏོང་བའི་ལས་འགན་གཙོ་བོ་གནད་དུ་འཁེལ་བར་ཤེས་རྟོགས་བྱས་ཏེ།ཚན་རིག་དང་མཐུན་པར་ཁྲིམས་འཛུགས་དང་།གཟབ་ནན་སྒོས་ཁྲིམས་བསྟར།དྲང་གཞག་སྒོས་ཁྲིམས་འཛིན།དམངས་ཡོངས་ཀྱིས་ཁྲིམས་སྲུང་བཅས་བྱེད་པར་སྐུལ་འདེད་ཤུགས་ཆེན་གཏོང་དགོས།ཕྱོགས་ཡོངས་ནས་ཁྲིམས་ལྟར་རྒྱལ་ཁབ་སྐྱོང་བར་སྐུལ་འདེད་གཏོང་ཚེ།ངེས་པར་དུ་མིག་སྔའི་ཁྲིམས་སྐྱོང་ལས་ཀའི་གཞི་རྩའི་གནས་སྟངས་དང་བསྟུན་ནས་གཙོ་གནད་ལས་འགན་ཆེ་སར་འཇོག་དགོས་པ་དང་།ཏན་ཏིག་དང་གོ་རིམ་ལྡན་པར་སྐུལ་འདེད་གཏོང་དགོས།...

ཕྱོགས་ཡོངས་ནས་རྩ་ཁྲིམས་ལག་བསྟར་དོན་འཁྱོལ་བྱ་རྒྱུ་ནི་སྤྱི་ཚོགས་རིང་ལུགས་ཀྱི་ཁྲིམས་སྐྱོང་རྒྱལ་ཁབ་འཛུགས་སྐྲུན་གྱི་ལས་འགན་གཙོ་བོ་དང་རྨང་གཞིའི་རང་བཞིན་ཅན་གྱི་ལས་ཀ་ཡིན།རྩ་ཁྲིམས་ནི་རྒྱལ་ཁབ་ཀྱི་རྩ་བའི་བཅའ་ཁྲིམས་ཡིན་པ་དང་།རྒྱལ་ཁབ་བདེ་བར་སྐྱོང་བའི་སྤྱིའི་སྒྲིག་ཡིག་ཡིན་པས།དེར་བླ་ན་མེད་པའི་བཅའ་ཁྲིམས་ཀྱི་གོ་གནས་དང་།བཅའ་ཁྲིམས་ཀྱི་དབང་གྲགས།བཅའ་ཁྲིམས་ཀྱི་བྱེད་ནུས་བཅས་ལྡན་པ་དང་།དེར་རྩ་བའི་རང་བཞིན་དང་།ཁྱོན་ཡོངས་ཀྱི་རང་བཞིན།གཏན་འཇགས་ཀྱི་རང་བཞིན།རྒྱུན་རིང་གི་རང་བཞིན་བཅས་ལྡན།...

ཕྱོགས་ཡོངས་ནས་ཁྲིམས་ལྟར་རྒྱལ་ཁབ་སྐྱོང་བའི་སྲོག་ཤིང་ནི་ཏང་གི་འགོ་ཁྲིད་རྒྱུན་འཁྱོངས་བྱེད་པ་དང་།མི་དམངས་ཀྱིས་རང་ཁྱིམ་རང་བདག་བྱ་རྒྱུ།ཁྲིམས་ལྟར་རྒྱལ་ཁབ་སྐྱོང་བ་བཅས་ཟུང་འབྲེལ་དམ་ཚགས་བྱ་རྒྱུ་དེ་རེད།འགག་རྩ་ནི་ཏང་གིས་ཁྲིམས་འཛུགས་ལ་འགོ་ཁྲིད་བྱ་རྒྱུ་དང་།ཁྲིམས་བསྟར་ལ་འགན་ལེན་བྱ་རྒྱུ།ཁྲིམས་འཛིན་ལ་རྒྱབ་སྐྱོར་བྱ་རྒྱུ།སྣེ་ཁྲིད་ནས་ཁྲིམས་བསྲུང་རྒྱུ་བཅས་རྒྱུན་འཁྱོངས་བྱ་རྒྱུར་ཐུག་ཡོད།...

ཚན་རིག་དང་མཐུན་པར་ཁྲིམས་འཛུགས་དང་།ཁྲིམས་ལྟར་ནན་པོ།ཁྲིམས་འཛིན་དྲང་གཞགདམངས་ཡོངས་ཀྱིས་ཁྲིམས་སྲུང་བཅས་བྱེད་པར་ཕྱོགས་ཡོངས་ནས་སྐུལ་འདེད་གཏོང་བ་རྒྱུན་འཁྱོངས་བྱེད་དགོས།ཁྲིམས་སྐྱོང་ཁྱབ་ཁོངས་ཀྱི་བསྒྱུར་བཅོས་ལ་མུ་མཐུད་སྐུལ་འདེད་བཏང་ནས་ཁྲིམས་འཛུགས་དང་།ཁྲིམས་བསྟར།ཁྲིམས་འཛིན།ཁྲིམས་སྲུང་སོགས་ཁྱབ་ཁོངས་ཀྱི་མངོན་གསལ་དོད་པའི་འགལ་བ་དང་གནད་དོན་ཐག་གཅོད་ཡག་པོ་བྱེད་དགོས།...

ཁྲིམས་ཀྱིས་རྒྱལ་ཁམས་བདེ་ལ་འགོད།སྤྱོད་པས་མི་སེམས་བཟང་ལ་སྒྱུར།བཅའ་ཁྲིམས་ལག་བསྟར་ནུས་ལྡན་བྱེད་དགོས་ན་ཀུན་སྤྱོད་ཀྱི་རྒྱབ་སྐྱོར་ལ་བརྟེན་དགོས་པ་དང་།ཀུན་སྤྱོད་ཉམས་ལེན་བྱེད་དགོས་ནའང་བཅའ་ཁྲིམས་ཀྱི་སྡོམ་འཆིང་དང་འབྲལ་ཐབས་མེད།...

ཕྱོགས་ཡོངས་ནས་ཁྲིམས་ལྟར་རྒྱལ་ཁབ་སྐྱོང་བར་སྐུལ་འདེད་གཏོང་རྒྱུ་ནི་རང་རྒྱལ་སྤྱི་ཚོགས་རིང་ལུགས་ཀྱི་ཁྲིམས་སྐྱོང་འཛུགས་སྐྲུན་བྱེད་པའི་ལེགས་གྲུབ་ཉམས་མྱོང་དང་བསླབ་བྱ་ཟབ་མོ་ཕྱོགས་བསྡོམས་གཏིང་ཟབ་བྱས་ནས་གདམ་ག་གལ་ཆེན་བྱས་པ་ཞིག་རེད།...

འཐབ་ཕྱོགས་གཅིག་གྱུར་ནི་ཀྲུང་གོའི་གུང་ཁྲན་ཏང་གིས་གསར་བརྗེ་དང་།འཛུགས་སྐྲུན།བསྒྱུར་བཅོས་བཅས་ཀྱི་བྱ་གཞག་ལ་རྒྱལ་ཁ་ཐོབ་པའི་ཐབས་མཆོག་གལ་ཆེན་ཞིག་ཡིན་ལ།ཀྲུང་ཧྭ་མི་རིགས་བསྐྱར་དར་རླབས་པོ་ཆེ་མངོན་འགྱུར་བྱེད་པའི་ཐབས་མཆོག་གལ་ཆེན་ཞིག་ཀྱང་ཡིན།...

མི་དམངས་འཐུས་མིའི་ཚོགས་ཆེན་གྱི་ལམ་ལུགས་ལ་སྐྱེ་སྟོབས་ཆེན་པོ་ལྡན་པ་དང་ཁྱད་འཕགས་ཀྱི་རང་བཞིན་མངོན་གསལ་དོད་པོ་ལྡན་པའི་འགག་རྩ་ནི་མི་དམངས་ཀྱི་ཁྲོད་དུ་རྩ་བ་བརྟན་པོར་ཚུགས་ཡོད་པ་དེ་རེད།ང་ཚོའི་རྒྱལ་ཁབ་ཀྱི་མིང་དང་།ང་ཚོའི་རིམ་པ་སོ་སོའི་རྒྱལ་ཁབ་ལས་ཁུངས་ཀྱི་མིང་ཚང་མའི་ནང་དུ་མི་དམངས་ཞེས་པའི་ཐ་སྙད་འདི་ཡོད།འདི་ནི་ང་ཚོས་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་སྲིད་དབང་ལ་སྤྲད་པའི་གཞི་རྩའི་གནས་ངེས་ཡིན།...

ང་ཚོས་མི་དམངས་ཀྱིས་རང་ཁྱིམ་རང་བདག་བྱེད་པའི་ལམ་ལུགས་ཀྱི་མ་ལག་ཆ་ཚང་དུ་གཏོང་བ་དང་།མི་དམངས་གོ་རིམ་ལྡན་པར་ཆབ་སྲིད་ནང་ཞུགས་རྒྱ་ཆེ་རུ་བསྐྱེད་པ།མི་དམངས་ཀྱིས་ཁྲིམས་ལྟར་དམངས་གཙོས་འདེམས་བསྐོ་དང་།དམངས་གཙོས་གྲོས་མོལ།དམངས་གཙོས་ཇུས་གཅོད།དམངས་གཙོས་དོ་དམ།དམངས་གཙོས་ལྟ་སྐུལ་བཅས་བྱ་རྒྱུ་འགན་ལེན་བྱེད་དགོས་ཤིང་།མི་དམངས་མང་ཚོགས་ཀྱི་ཧུར་བརྩོན་རང་བཞིན་དང་།རང་འགུལ་རང་བཞིན།གསར་སྐྲུན་རང་བཞིན་བཅས་འདོན་སྤེལ་བྱེད་པ་དང་།སྐྱེ་སྟོབས་ཀྱི་དཔལ་འབར་བ་དང་བརྟན་བརླིང་མཐུན་སྒྲིལ་གྱི་ཆབ་སྲིད་རྣམ་པ་སྲ་བརྟན་དང་འཕེལ་རྒྱས་གཏོང་དགོས།...

ང་ཚོ་བསྐྱོད་བཞིན་པ་ནི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ཆབ་སྲིད་འཕེལ་རྒྱས་ཀྱི་འགྲོ་ལམ་ཞིག་ཡིན་ཞིང་།མི་དམངས་དམངས་གཙོ་ནི་བརྒྱུད་རིམ་ཧྲིལ་པོའི་དམངས་གཙོ་ཞིག་ཡིན།ཁྲིམས་འཛུགས་ཀྱི་ཐབས་ཇུས་གལ་ཆེན་ཡོད་ཚད་ལས་རིམ་ལྟར་དམངས་གཙོས་ནང་མོལ་བྱས་ནས་ཚན་རིག་དང་མཐུན་པའི་ཇུས་ཐག་གཅོད་པ་དང་དམངས་གཙོས་ཇུས་ཐག་གཅོད་པར་བརྟེན་ནས་ཐོན་པ་ཡིན།...

ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ཆབ་སྲིད་འཕེལ་རྒྱས་ཀྱི་འགྲོ་ལམ་རྒྱུན་འཁྱོངས་བྱེད་པ་ལ།གནད་འགག་ཆེ་ས་ནི་ཏང་གི་འགོ་ཁྲིད་རྒྱུན་འཁྱོངས་དང་།མི་དམངས་ཀྱིས་རང་ཁྱིམ་རང་བདག་བྱ་རྒྱུ།ཁྲིམས་ལྟར་རྒྱལ་ཁབ་སྐྱོང་བ་བཅས་གཅིག་གྱུར་དམ་ཚགས་བྱས་ཏེ།མི་དམངས་ཀྱིས་རང་ཁྱིམ་རང་བདག་བྱ་རྒྱུ་འགན་ལེན་བྱེད་པ་དེ་རྩ་བར་འཛིན་པ་དང་།ཏང་དང་རྒྱལ་ཁབ་ཀྱི་སྐྱེ་སྟོབས་ཆེ་རུ་གཏོང་རྒྱུ་དང་མི་དམངས་ཀྱི་བརྩོན་སེམས་སྐུལ་སློང་བྱ་རྒྱུ་དེ་དམིགས་འབེན་ལ་འཛིན་པའི་ཐོག་ནས།སྤྱི་ཚོགས་རིང་ལུགས་ཀྱི་དམངས་གཙོ་རྒྱ་སྐྱེད་གཏོང་དགོས་པ་དང་།སྤྱི་ཚོགས་རིང་ལུགས་ཀྱི་ཆབ་སྲིད་དཔལ་ཡོན་དར་སྤེལ་གཏོང་དགོས།...

“རྒྱུད་གཅིག་ལམ་གཅིག”འཛུགས་སྐྲུན་གྱི་གནས་ངེས་ནི་རང་རྒྱལ་གྱིས་ཕྱི་ཕྱོགས་ལ་སྒོ་མོ་འབྱེད་རྒྱ་ཆེ་རུ་གཏོང་བའི་འཐབ་ཇུས་ཀྱི་བྱེད་ཐབས་གལ་ཆེན་དང་དཔལ་འབྱོར་ཕྱི་འབྲེལ་གྱི་རྩེ་རིམ་ཇུས་འགོད་ཡིན་པ་དང་།ཕྱིན་ཆད་དུས་ཡུན་ཧ་ཅང་རིང་པོའི་ནང་རང་རྒྱལ་གྱིས་ཕྱི་ཕྱོགས་ལ་སྒོ་མོ་འབྱེད་པ་དང་ཕྱི་ཕྱོགས་དང་མཉམ་ལས་བྱ་རྒྱུའི་དོ་དམ་བྱེད་ཕྱོགས་ཀྱི་སྤྱིའི་འཆར་འགོད་ཡིན་ལ།རང་རྒྱལ་གྱིས་གོ་ལ་ཧྲིལ་པོའི་བཅོས་སྐྱོང་མ་ལག་ལ་འགྱུར་ལྡོག་གཏོང་བའི་རང་འགུལ་གྱི་བྱ་སྤྱོད་ཅིག་ཀྱང་ཡིན།...

“རྒྱུད་གཅིག་ལམ་གཅིག”འཛུགས་སྐྲུན་བྱེད་པར་མཉམ་གྲོས་དང་།མཉམ་སྐྲུན།མཉམ་སྤྱོད་བཅས་ཀྱི་རྩ་དོན་བཟུང་ཡོད་ལ།དེ་ནི་བཀག་སྡོམ་མ་ཡིན་པར་སྒོ་འབྱེད་ཁོང་ཡངས་ཡིན་པ་དང་།ཀྲུང་གོའི་ཁེར་དཀྲོལ་རོལ་མོ་མ་ཡིན་པར་ལམ་རྒྱུད་རྒྱལ་ཁབ་ཀྱི་མཉམ་ལེན་རོལ་མོ་ལྟ་བུ་ཡིན།“རྒྱུད་གཅིག་ལམ་གཅིག”འཛུགས་སྐྲུན་བྱེད་པ་ནི་ད་ཡོད་ས་ཁུལ་གྱི་མཉམ་ལས་ལམ་སྲོལ་དང་གྲོས་འགོ་ཡི་ཚབ་བྱེད་པ་མ་ཡིན་པར།སྔར་ཡོད་ཀྱི་རྨང་གཞིའི་ཐོག་ལམ་རྒྱུད་རྒྱལ་ཁབ་ཀྱི་འཕེལ་རྒྱས་འཐབ་ཇུས་ཕན་ཚུན་འབྲེལ་མཐུད་དང་ལེགས་ཆ་གསབ་རེས་བྱ་རྒྱུ་མངོན་འགྱུར་ཡོང་བར་སྐུལ་འདེད་གཏོང་བ་ཡིན།...

བསྒྱུར་བཅོས་ཞེས་པའི་གནད་འགག་གི་ཐབས་བཀོད་འདི་བེད་སྤྱོད་ཡག་པོ་བྱས་ཏེ་སྤྱི་ཚོགས་རིང་ལུགས་ཀྱི་ཚོང་རའི་དཔལ་འབྱོར་བསྒྱུར་བཅོས་ཀྱི་ཁ་ཕྱོགས་རྒྱུན་འཁྱོངས་དང་།བསྒྱུར་བཅོས་དེ་མ་ལག་འདུས་གྲུབ་དང་མཐུན་སྦྱོར་ཆོད་ཆེ་ཡོང་བར་ཤུགས་རྒྱག་པ།སྒྲིག་སྲོལ་རང་བཞིན་གྱི་འགོག་རྐྱེན་དང་།ལམ་སྲོལ་རང་བཞིན་གྱི་བཀག་འགོགགསར་གཏོད་རང་བཞིན་གྱི་སྲིད་ཇུས་བཅས་ཐག་གཅོད་བྱེད་པའི་བསྒྱུར་བཅོས་ཀྱི་གྲུབ་འབྲས་སྲ་བརྟན་དང་གཏིང་ཟབ་ཏུ་བཏང་སྟེ།ཁྱབ་ཁོངས་གལ་ཆེན་དང་འགག་རྩའི་ལྷུ་ཚིགས་སུ་ཐོད་བརྒལ་གསར་པ་ཡོང་བར་བྱེད་དགོས།...

ཕྱོགས་ཡོངས་ནས་བསྒྱུར་བཅོས་ཟབ་སྤེལ་བྱ་རྒྱུ་དེ་ཏང་དང་མི་དམངས་ཀྱི་བྱ་གཞག་གི་མདུན་ལམ་དང་ལས་དབང་དང་འབྲེལ་བ་ཡོད་ལ།ཏང་གི་སྲིད་སྐྱོང་རྨང་གཞི་དང་སྲིད་སྐྱོང་གོ་གནས་དང་འབྲེལ་ཡོད།...

བསྒྱུར་བཅོས་སྒོ་འབྱེད་ནི་ཏང་དང་མི་དམངས་ཀྱི་བྱ་གཞག་གོམ་སྟབས་ཆེན་པོས་དུས་རབས་ཀྱི་རྗེས་ཟིན་པར་བྱེད་པའི་ཐབས་མཆོག་གལ་ཆེན་ཞིག་ཡིན་པ་དང་།ཏང་དང་རྒྱལ་ཁབ་ཀྱི་སྐྱེ་སྟོབས་དང་གསོན་ཤུགས་མཐའ་འཁྱོངས་བྱེད་པའི་གནད་འགག་ཡིན་པ།དེང་རབས་ཀྲུང་གོའི་ཁྱད་ཆོས་མངོན་གསལ་དོད་ཤོས་ཡིན་ལ།དེང་རབས་ཀྲུང་གོའི་གུང་ཁྲན་ཏང་མིའི་གཤིས་རྒྱུད་མངོན་གསལ་དོད་ཤོས་ཤིག་ཀྱང་ཡིན།...

ཚན་རྩལ་གྱི་རང་ཚུགས་རང་དར་ནི་རྒྱལ་ཁབ་སྟོབས་འབྱོར་མངའ་ཐང་རྒྱས་པའི་རྨང་གཞི་དང་བདེ་འཇགས་ཡོང་བའི་གནད་འགག་ཡིན།...

གསར་གཏོད་ནི་འཕེལ་རྒྱས་སྣེ་ཁྲིད་བྱེད་པའི་སྒུལ་ཤུགས་ཨང་དང་པོ་ཡིན།གསར་གཏོད་དམ་འཛིན་བྱེད་པ་ནི་འཕེལ་རྒྱས་དམ་འཛིན་བྱེད་པ་ཡིན་ལ།གསར་གཏོད་དོན་གཉེར་བྱེད་པ་ནི་འབྱུང་འགྱུར་དོན་གཉེར་བྱེད་པ་རང་ཡིན།...

གསར་གཏོད་ནི་འཕེལ་རྒྱས་ལ་སྣེ་ཁྲིད་བྱེད་པའི་སྒུལ་ཤུགས་ཨང་དང་པོ་ཡིན་པ་དང་།ཤེས་བྱའི་ཐོན་དབང་སྲུང་སྐྱོབ་བྱེད་པ་ནི་གསར་གཏོད་སྲུང་སྐྱོབ་བྱེད་པ་ཡིན།ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱེད་པར་ངེས་པར་དུ་ཤེས་བྱའི་ཐོན་དབང་སྲུང་སྐྱོབ་བྱེད་པའི་ལས་དོན་ལ་སྐུལ་འདེད་སྔར་ལས་ལེགས་པ་གཏོང་དགོས།...