«མང་ཚོགས་ལམ་ཕྱོགས་ནི་ཏང་གི་སྲོག་རྩ་དང་རྩ་བའི་ལས་ཀའི་ལམ་ཕྱོགས་ཡིན།»

       སྤྱོད་ཚུལ་བཟང་པོ་ཞེས་པ་ག་འདྲ་ཞིག་ཡིན་ནམ་ཞེ་ན། སྤྱོད་ཚུལ་བཟང་པོ་ནི་ང་ཚོའི་ཏང་གིས་ཐོག་མ་ཉིད་ནས་རྒྱུན་འཁྱོངས་བྱེད་པའི་རིགས་པའི་གཞུང་ལུགས་དང་དོན་དངོས་ཟུང་འབྲེལ་དང་། མང་ཚོགས་དང་འབྲེལ་འདྲིས་དམ་ཟབ། སྐྱོན་བརྗོད་དང་རང་སྐྱོན་རང་རྗོད་བཅས་བྱེད་པ་དང་། དེ་བཞིན་དཀའ་སྤྱད་འབད་བརྩོན་དང་བདེན་འཚོལ་དོན་གཉེར་བྱེད་པ་སོགས་ཀྱི་སྤྱོད་ཚུལ་ཡིན། གསར་བརྗེ་འཛུགས་སྐྲུན་བསྒྱུར་བཅོས་གསུམ་བྱེད་པའི་དུས་ཡུན་རིང་པོའི་ལག་ལེན་ནང་དུ། ང་ཚོའི་ཏང་གིས་ཐོག་མཐའ་བར་གསུམ་དུ་ཏང་ཡོངས་ཀྱི་བློ་མཐུན་ཚོར་གཟི་བརྗིད་ལྡན་པའི་སྲོལ་རྒྱུན་རྒྱུན་འཁྱོངས་དང་སྤྱོད་ཚུལ་བཟང་པོ་དར་སྤེལ་གཏོང་དགོས་པའི་བླང་བྱ་བཏོན་ནས། ཏང་དང་མི་དམངས་ཀྱི་བྱ་གཞག་རྒྱུན་ཆད་མེད་པར་རྒྱལ་ཁ་ནས་རྒྱལ་ཁའི་ཕྱོགས་སུ་བསྐྱོད་པར་འགན་སྲུང་གལ་ཆེན་འདོན་སྤྱོད་བྱས་ཡོད།