«དུས་རབས་གསར་པའི་ཏང་གི་རྩ་འཛུགས་ལམ་ཕྱོགས་ལག་བསྟར་དོན་འཁྱོལ་ཡག་པོ་བྱེད་དགོས།»

       ཏང་གི་རྩ་འཛུགས་ལ་ཤུགས་སྣོན་རྒྱག་པར“རྣམ་པ”སྐྲུན་དགོས་ལ“བླ་སྲོག”ཀྱང་སྐྲུན་དགོས། ང་ཚོའི་ཏང་གིས་ཉེ་རབས་ཚུན་གྱི་ཆབ་སྲིད་སྟོབས་ཤུགས་སྣ་ཚོགས་ཀྱིས་འགྲུབ་མི་སྲིད་པའི་དཀའ་ཚེགས་ཆེ་བའི་ལས་འགན་ཡོངས་འགྲུབ་བྱས་པ་དང་། མི་དམངས་ཀྱི་སྣེ་ཁྲིད་དེ་གསར་བརྗེ་འཛུགས་སྐྲུན་བསྒྱུར་བཅོས་གསུམ་གྱི་འོད་སྟོང་འབར་བའི་གྲུབ་འབྲས་ལེན་ཐུབ་དོན་ནི། ཐོག་མཐའ་བར་གསུམ་དུ་མར་ཁེ་སིའི་རིང་ལུགས་བྱ་སྤྱོད་ཀྱི་ཕྱོགས་སྟོན་དུ་བཟུང་བ་དང་། ཐོག་མཐའ་བར་གསུམ་དུ་མར་ཁེ་སིའི་རིང་ལུགས་ཀྲུང་གོ་ཅན་དུ་འགྱུར་བའི་གྲུབ་འབྲས་གསར་ཤོས་ཀྱིས་ཏང་ཡོངས་ལ་དྲག་ཆས་སྤྲས་རྒྱུ་རྒྱུན་འཁྱོངས་བྱས་ནས། ཏང་ཡོངས་ཀྱིས་ཐོག་མཐའ་བར་གསུམ་དུ་གཅིག་གྱུར་གྱི་བསམ་བློ་དང་། སྲ་བརྟན་གྱི་བློ་སྟོབས། མཐུན་སྦྱོར་གྱི་བྱ་སྤྱོད། སྟོབས་ལྡན་གྱི་འཐབ་འཛིང་ནུས་པ་བཅས་མཐའ་འཁྱོངས་བྱེད་ཐུབ་པ་བྱུང་བས་ཡིན།