ངོས་དང་པོ > སྐབས་དོན། > སྣ་ཚོགས། > བང་སོ་འདི་ནས་ཐོན་པའི་དབུ་ཞྭ་དང་གཡུ་ཡི་ཕྲ་བཏབ་པའི་གསེར་ཕོར་ལ་འོད་མདངས་འཚེར།

བང་སོ་འདི་ནས་ཐོན་པའི་དབུ་ཞྭ་དང་གཡུ་ཡི་ཕྲ་བཏབ་པའི་གསེར་ཕོར་ལ་འོད་མདངས་འཚེར།

རྩོམ་པ་པོ།： ཡོང་ཁུངས།：མི་དམངས་དྲ་བ། དུས་ཚོད།：2025-04-11 08:14:38 ཀློག་གྲངས།：

ཁྱུང་འབྲུག་སེང་གེའི་རི་མོས་བརྒྱན་ཞིང་རིན་པོ་ཆེའི་ཕྲ་བཏབ་པའི་རྒྱལ་པོའི་དབུ་ཞྭ་ལ་མུ་ཏིག་གི་ཅོད་པན་བཏགས་པ་ཞིག་འགྲེམས་སྒམ་ནང་བཞག་འདུག ཡུལ་སྐོར་བས་འཆར་ཤེལ་ལ་རེག་ཚེ། རྩ་གསུམ་པར་རིས་བརྒྱུད་ནས་ནོར་བུ་དལ་གྱིས་རང་འཁོར་རྒྱག་བཞིན་པ་མཐོང་ཐུབ།

མཚོ་སྔོན་ཞིང་ཆེན་མཚོ་ནུབ་སོག་རིགས་བོད་རིགས་རང་སྐྱོང་ཁུལ་ཝུའུ་ལམ་རྫོང་ཆོན་ཀོའུ་བང་སོ་ཨང་དང་པོ་ནས་ཐོན་པའི་རྒྱལ་པོའི་དབུ་ཞྭ་འདི་དང་དེ་དང་མཉམ་དུ་ཐོན་པའི་གཡུ་ཡི་ཕྲ་བཏབ་པའི་གསེར་ཕོར་དེ་ལོ་གཉིས་རིང་གི་ཞིག་གསོ་ཞིབ་ཚགས་བྱས་པ་བརྒྱུད། མིག་སྔར་མཚོ་ནུབ་ཁུལ་མི་རིགས་རྟེན་རྫས་བཤམས་མཛོད་ཁང་དུ་འགྲེམས་སྟོན་བྱེད་བཞིན་ཡོད། དམིགས་བསལ་དུ་བཟོས་པའི་འགྲེམས་སྒམ་ནང་དུ། རྒྱལ་པོའི་དབུ་ཞྭའི་ནང་གི་དར་གོས་ལྷག་རོ་ལུས་ཡོད་པ་དང་སླར་གསོ་བྱས་རྗེས་ཀྱི་མུ་ཏིག་ཅོད་པན་ཡང་མཐོང་ཐུབ།

2019ལོར། གནའ་རྫས་རྟོག་ཞིབ་མི་སྣས་ཝུའུ་ལམ་ཆོན་ཀོའུ་རུ་བཙན་པོའི་དུས་སྐབས་ཀྱི་ལྡེབས་རིས་བང་སོ་མྱུར་སྐྱོབ་རང་བཞིན་གྱིས་སྔོག་འདོན་བྱེད་སྐབས། བང་སོའི་དྲ་མིག་ནས་ཤིང་སྒམ་ཞིག་རྙེད་པ་དང་། དེའི་ནང་དུ་རྒྱལ་པོའི་དབུ་ཞྭ་གྲུ་བཞི་མ་ཞིག་དང་གཡུ་ཡི་ཕྲ་བཏབ་པའི་གསེར་ཕོར་ཡོད་པ་རེད།

མཁས་དབང་ལ་ལས། རྒྱལ་པོའི་དབུ་ཞྭ་དེའི་ཅོད་པན་ལ་ཀྲུང་ཡོན་ནང་སའི་ཤུགས་རྐྱེན་ཐེབས་ཡོད་ཅིང་། གསེར་ཕོར་ལ་ཨེ་ཤ་ཡ་དབུས་མའི་སྒྱུ་རྩལ་གྱི་ཉམས་འགྱུར་མཉམ་འདྲེས་བྱས་ཡོད། རྒྱལ་པོའི་དབུ་ཞྭ་སྟེང་གི་གཡུ་དང་། མུ་མེན། ཤེལ། མུ་ཏིག་སོགས་ནི་དར་གོས་ལམ་བུའི་མཚོ་སྔོན་ལམ་གྱི་ཚོང་དོན་འགྲོ་འོང་གི་དོན་དངོས་ར་སྤྲོད་བྱེད་དེ་ཡིན་པར་འདོད།

འབྲེལ་ཡོད་འོས་སྦྱོར།

暂无相关信息roking

འབྲེལ་གཏུག་ཁ་པར།：0974-8512858

འཕྲིན་སྐུར་ཡིག་ཟམ།：amdotibet@163.com