“འགོ་ཁྲིད་མི་སྣའི་གནམ་གཤིས་དབུ་ཚོགས”ལ་ཞུགས་སྐབས་གནང་བའི་གསུང་བཤད།

       རང་བྱུང་ཁམས་ཀྱིས་མིའི་རིགས་བསྐྱངས་དང་སྐྱོང་བཞིན་ཡོད་པས། མིའི་རིགས་ཀྱིས་རང་བྱུང་ཁམས་རྩ་བར་བཟུང་སྟེ་རང་བྱུང་ཁམས་ལ་བརྩི་འཇོག་དང་། རང་བྱུང་ཁམས་ལ་བསྟུན་པ། རང་བྱུང་ཁམས་ལ་སྲུང་སྐྱོང་བཅས་བྱེད་དགོས། གལ་ཏེ་རང་བྱུང་ཁམས་ལ་བརྩི་འཇོག་མི་བྱེད་པ་དང་རང་བྱུང་ཁམས་ཀྱི་ཆོས་ཉིད་དང་རྒྱབ་འགལ་བྱས་ཚེ། རང་བྱུང་ཁམས་ཀྱིས་འཁོན་ལན་སློག་སྲིད། རང་བྱུང་ཁམས་ལ་གཏོར་སྐྱོན་ཆེན་པོ་ཕོག་ན། མིའི་རིགས་འཚོ་སྡོད་དང་འཕེལ་རྒྱས་དེ་ཆུ་འགོ་མེད་པའི་ཆུ་དང་རྩ་བ་མེད་པའི་ཤིང་ལྟ་བུར་འགྱུར་སྲིད་པས། ང་ཚོས་མིག་འབྲས་ལ་གཅེས་སྤྲས་བྱེད་པ་ལྟར་རང་བྱུང་ཁམས་དང་སྐྱེ་ཁམས་ཁོར་ཡུག་ལ་སྲུང་སྐྱོང་བྱས་ནས་མི་དང་རང་བྱུང་ཁམས་ཞི་མཐུན་མཉམ་གནས་ཀྱི་རྣམ་པ་གསར་པ་གྲུབ་པར་སྐུལ་འདེད་གཏོང་དགོས།