རང་ཞིང་གི་འཁྲབ་སྟོན་པ་པདྨ་སྐྱིད་ལ་བུན་ཧྭ་བྱ་དགའ་ཐོབ།

       ཉེ་སྔོན། ཀྲུང་གོའི་སྒྱུ་རྩལ་དུས་ཆེན་སྐབས་བཅུ་བཞི་པའི་མཇུག་སྒྲིལ་མཛད་སྒོ་དང་བུན་ཧྭ་བྱ་དགའ་སྤྲོད་པའི་མཛད་སྒོ་སྐབས་བཅོ་བརྒྱད་པ་ཁྲུང་ཆིན་གྲོང་ཁྱེར་དུ་འཚོགས་ཤིང་། མཚོ་སྔོན་ཞིང་ཆེན་བོད་ཀྱི་ཟློས་གར་ཚོགས་པའམ་རྨ་ལྷོ་ཁུལ་མི་རིགས་གླུ་གར་ཚོགས་པས་འཁྲབ་སྟོན་བྱས་པའི«གྱིམ་ཤིང་ཀོང་ཇོའི»གཙོ་འཁྲབ་པ་པདྨ་སྐྱིད་ལ་མི་སྒེར་གྱི་བུན་ཧྭ་བྱ་དགའ་ཐོབ་པ་དང་། བྱ་དགའ་འདི་ནི་མཚོ་སྔོན་གྱི་ལོ་རྒྱུས་སྟེང་ཆེས་ཐོག་མར་ཐོབ་པའི་བུན་ཧྭ་བྱ་དགའ་ཡིན་པ་རེད།