«ཕྱོགས་ཡོངས་ནས་ཏང་ནན་སྐྱོང་གིས་ཏང་གི་རང་ངོས་གསར་བརྗེ་ལ་བརྟེན་ནས་ལོ་རྒྱུས་རེས་འཁོར་ཡུན་ཚད་ལས་ཐར་བར་བྱེད་པའི་ལམ་ལྷོང་ཐབས་ལམ་འཚོལ་ཞིབ་བྱུང་ཡོད།»

       ནན་པོའི་དགོངས་གཞི་གཙོ་བོ་གཡོ་འགུལ་མི་གཏོང་བ་རྒྱུན་འཁྱོངས་བྱས་ཏེ། སྒྲིག་ཁྲིམས་འཛུགས་སྐྲུན་གྱི་ཆབ་སྲིད་རང་བཞིན་དང་། དུས་རབས་རང་བཞིན། དམིགས་གཏད་རང་བཞིན་བཅས་ཆེ་རུ་གཏོང་དགོས། ངེས་པར་དུ་ཆབ་སྲིད་ཀྱི་སྒྲིག་ཁྲིམས་ལག་བསྟར་བྱས་ཏེ། སྒྲིག་ཁྲིམས་ཁག་ཕྱོགས་ཡོངས་ནས་ནན་པོར་སྐྱོང་བ་དང་། དམ་ནན་མཐར་ཕྱིན་བྱེད་པར་སྐུལ་ཁྲིད་བྱེད་ཅིང་། སྒྲིག་ཁྲིམས་ནི་བཅའ་ཁྲིམས་ལས་ནན་མོ་བྱེད་པ་དང་། སྒྲིག་བསྟར་དང་ཁྲིམས་བསྟར་གཅིག་འབྲེལ་ཡོང་བ་རྒྱུན་འཁྱོངས་བྱས་ཏེ། “རྣམ་པ་བཞི”ཡི་སྲིད་ཇུས་དང་ཐབས་ཇུས་བཀོལ་སྤྱོད་གཏིང་ཟབ་བྱེད་པ། སྒྲིག་ཁྲིམས་ལག་བསྟར་བྱེད་ན་ངེས་པར་ནན་པོ་དང་སྒྲིག་འགལ་བྱས་ཚེ་ངེས་པར་དུ་རྩད་གཅོད་ནན་པོ་བྱེད་པ་བཅས་ཐོག །སྒྲིག་ཁྲིམས་ནན་པོར་བརྟེན་ནས་ཏང་ཡོངས་ཀྱི་དམིགས་འབེན་གཅིག་མཐུན་དང་། རྡོག་རྩ་གཅིག་སྒྲིལ། གོམ་སྟབས་གཅིག་མཐུན་བཅས་ཡོང་བའི་འགན་ལེན་བྱེད་དགོས།