«ཏང་ནང་ཁུལ་གྱི་ཆབ་སྲིད་འཚོ་བ་གཟབ་ནན་བཟོས་ཏེ། ཕྱོགས་ཡོངས་ནས་ཏང་ནན་སྐྱོང་བྱེད་པར་སྐུལ་འདེད་གཏོང་དགོས»

       སྐྱོན་བརྗོད་དང་རང་སྐྱོན་རང་བརྗོད་བྱེད་པ་ནི་ང་ཚོའི་ཏང་གི་ཟུངས་གསོ་ནད་བཅོས་དང་གཟུགས་གཞི་བདེ་ཐང་འཛིན་སྐྱོང་བྱེད་པའི་མཚོན་ཆ་རྣོ་ངར་ཅན་ཞིག་ཡིན་ལ། ཏང་ནང་ཁུལ་གྱི་ཆབ་སྲིད་འཚོ་བར་ཤུགས་རྒྱག་པ་དང་དེ་ཚད་ལྡན་དུ་གཏོང་བའི་བྱེད་ཐབས་གལ་ཆེན་ཞིག་ཀྱང་ཡིན། མགོ་ཁྲིད་ལས་བྱེད་པས་སྣེ་ཁྲིད་བྱེད་པ་དང་མིག་དཔེ་བསྟན་ནས་ཏང་ནང་སྐྱོན་བརྗོད་དང་རང་སྐྱོན་རང་བརྗོད་བྱེད་པའི་དར་སྲོལ་བཟང་པོ་ཞིག་ཆགས་པ་བྱེད་དགོས། མགོ་ཁྲིད་ལས་བྱེད་པས་རང་དང་འབྲེལ་བ་མེད་པའི་དོན་དག་ཡིན་ཕྱིན་བཏང་སྙོམས་སུ་འཇོག་པ་དང་། མི་འགྲིག་པ་ཤེས་བཞིན་དུ་ཁ་རོག་གེར་སྡོད་པའི་ལྟ་བ་ཐ་མལ་བར་སེམས་ཐག་རྦད་ཆོད་ཀྱིས་ངོ་རྒོལ་བྱེད་དགོས།