«ཏང་ནང་ཁུལ་གྱི་ཆབ་སྲིད་འཚོ་བ་གཟབ་ནན་བཟོས་ཏེ། ཕྱོགས་ཡོངས་ནས་ཏང་ནན་སྐྱོང་བྱེད་པར་སྐུལ་འདེད་གཏོང་དགོས»

       ལོ་ཤས་རིང་འབད་བརྩོན་བྱས་པ་བརྒྱུད། ཕྱོགས་ཡོངས་ནས་ཏང་ནན་སྐྱོང་བྱེད་པར་དུས་མཚམས་རང་བཞིན་གྱི་གྲུབ་འབྲས་གལ་ཆེན་ཐོབ་ནས་ཏང་ནང་གི་སྲོལ་བཟང་དར་བཞིན་ཡོད་པ་དང་། ཏང་སྲོལ་ཇེ་བཟང་དུ་འགྲོ་བཞིན་ཡོད་ལ། སྤྱི་ཚོགས་ཀྱི་དར་སྲོལ་ཇེ་བཟང་དུ་འགྲོ་བཞིན་ཡོད། འགྱུར་ལྡོག་འདི་དག་ནི་ཕྱོགས་ཡོངས་ཀྱི་གཏིང་ཟབ་པའི་འགྱུར་ལྡོག་དང་། ཤུགས་རྐྱེན་གཏིང་ཟབ་ཀྱི་འགྱུར་ལྡོག མི་སེམས་ལ་སྐུལ་མ་ཐེབས་པའི་འགྱུར་ལྡོག་བཅས་ཡིན་པས། ཏང་དང་རྒྱལ་ཁབ་ཀྱི་བྱ་གཞག་འཕེལ་རྒྱས་ལ་དྲང་ནུས་ཆེན་པོ་གསོག་འཇོག་བྱས་ཡོད། འདིའི་ཐོག་ནས་ཏང་ཀྲུང་དབྱང་གིས་ཕྱོགས་ཡོངས་ནས་ཏང་ནན་སྐྱོང་བྱེད་པའི་འཐབ་ཇུས་གདམ་ག་བྱས་པ་ནི་རྦད་དེ་ཡང་དག་ཡིན་པ་དང་། ཏང་སེམས་དང་དམངས་སེམས་ཐོབ་ཡོད་པ་གང་ལེགས་མཚོན་ཡོད།