«ཅའོ་ཡུས་ལུའུ་ལྟ་བུའི་རྫོང་ཨུའི་ཧྲུའུ་ཅི་བྱེད་དགོས»

       རྫོང་ཨུའི་ཧྲུའུ་ཅི་ནི་རྫོང་ནང་གི་དབང་ལྡན་མི་སྣ་དང་གྲགས་ཆེན་མི་སྣ་ཡིན་པས་ཀུན་སྤྱོད་ལ་དང་དོད་བྱེད་དགོས་ཏེ། ཀུན་སྤྱོད་ཐད་དམ་ཚིག་ཉམས་པ་ནི་ལས་དོན་ཐད་ནོར་འཛོལ་བྱུང་བ་ལས་ཀྱང་གནོད་ཚབས་ཆེ་བ་རེད། རང་རྒྱལ་དུ་གནའ་ནས་བཟུང་རྫོང་དཔོན་ལ“ལུགས་སྲོལ་བཟང་པོ་དར་སྤེལ་གཏོང་དགོས་པའི”བླང་བྱ་བཏོན་ཡོད། དེ་ལ་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་རང་རྟོགས་ངང་དར་སྤེལ་དང་ཉམས་ལེན་བྱས་ཏེ་ཀུན་སྤྱོད་བློ་སྦྱོང་ལ་ཤུགས་སྣོན་དང་། དགའ་ཕྱོགས་བཟང་པོ་དོན་གཉེར། གྲོགས་པོའི་བར་གྱི་འགྲོ་འོང་ལ་གཟབ་ནན། རང་ཉིད་ཀྱི་འཚོ་བའི་ཕྱོགས་གང་ཅིར་རྟག་ཏུ་སྣང་འཇོག་བཅས་བྱེད་པ་དང་འབྲེལ་རྫོང་ཡོངས་སྣེ་ཁྲིད་ཀྱིས་སྐྱོན་བྲལ་ཡར་བརྩོན་གྱི་སྤྱི་ཚོགས་དར་སྲོལ་ཆགས་པར་བྱེད་དགོས།