བཞི་ལམ་འདི་ནས།ངས་ཁྱེད་ཀྱི་རྐང་རྗེས་བཙལ་ནས་མེ་ཏོག་བཞིན་སྙིམ་པའི་ནང་དུ་འཛིན་འདོད།བཞི་ལམ་འདི་ནས།ངས་ཁྱེད་ཀྱི་དཀའ་སྡུག་གི་མིག་ཆུ་བཙལ་ནས་མུ་ཏིག་བཞིན་སྐེ་རྒྱན་བཟོ་འདོད།བཞི་ལམ་འདི་ནས།ངས་ཁྱེད་ཀྱི་འདས་སོང་གི་དུས་ཚོད་ཡོད་ཚད་བཙལ་ནས་ལང་ཚོའི་བདེ་སྐྱིད་བསྟབས་འདོད།བཞི་ལམ་འདི་ནས།ངས་ཁྱེད་ཁོ་ན་བཙལ་ནས།ང་རང་གི་མི་ཚེ་ཚར་སོང་ན་འདོད།དེ་བས།བཞི་ལམ་འདི་རུ།དུས་རྒྱུན་རླུང་བུ་ཤུར་ཤུར།རླུང་བུ་ཤུར་ཤུར།...

ཕྱི་ལོར་གྲོགས་པོ་ཉི་མ་དུང་རི་རྫོང་ནས་ཁོ་རང་གི་ཕ་ཡུལ་འབའ་རྫོང་ལ་ལས་བསྒྱུར་བྱས་ཤིང་།ང་ཡང་རྫོང་སློབ་གསོ་ཅུའུ་ཡིས་འབྲོག་ཕྱོགས་ཀྱི་ས་ཆ་ཞིག་ལ་སློབ་གྲྭའི་དགེ་རྒན་བྱེད་པར་བཏང་བས་ངེད་གཉིས་ལོ་གཉིས་ལྷག་རིང་ཕན་ཚུན་ངོ་མ་ཐུག་པར་ལུས།ཁར་རྩང་གཟའ་འཁོར་སྔོན་མའི་ནང་གྲོགས་པོས་ང་ལ་ཡི་གེ་ཞིག་བསྐུར་བ་དང་ཡིག་ཀོག་གི་ནང་དུ་ངའི་འཕྲིན་ཡིག་ཕུད་ད་དུང་ཤོག་ལྷེ་འགའ་ཙམ་བཅུག་འདུག་པས།ངས་དང་པོ་ང་རང་གི་འཕྲིན་ཡིག་བཀླགས་ཤིང་།དེ་ནས་རིམ་བཞིན་ཡི་གེ་གཞན་པ་རྣམས་བཀླགས་པ་ཡིན།གྲོགས་པོས་བསྐུར་བའི་ཡི་གེ་ནི་ལོ་གསུམ་གྱི་གོང་ནས་ངེད་གཉིས་བྲག་དཀར་ཆུ་ཚན་དུ་འགྲོ་སྐབས་རྒད་པོ་ཚེ་དབང་ལ་ཁ་བརྡ་བྱས་པའི་སྐོར་གྱི་ཟིན་བྲིས་རེད།ཁ་བྱང་ལ་“བྲག་དཀར་ཆུ་ཚན་དང་རྒད་པོ་ཚེ་དབང་གི་ལོ་རྒྱུས་ཐོར་བུ་”ཞེས་བྲིས་འདུགངས་ཡི་གེ་དེ་ཀློག་སྐབས་ལོ་གསུམ་གྱི་གོང་ནས་རྒད་པོ་ཚེ་དབང་དང་ཁ་བརྡ་བྱས་པའི་སྐོར་ལ་ཕྱིར་དྲན་བྱུང་ཞིང་།ད་དུང་ཁོའི་བཟའ་ཟླ་སྒྲོལ་དཀར་ཇི་ལྟར་འགྱུར་ཡོད་མེད་ཀྱི་སྐོར་ལ་ཡང་བསམ་བློ་ཞིག་གཏོང་དགོས་བྱུང་སོང་།...

ངའི་ཨ་མའི་མིང་ལ་ཀུན་བཟང་སྒྲོལ་མ་ཟེར།ཡུལ་བསེ་ཆང་དུ་སྐྱེས།ད་ལྟ་དགུང་ལོ་དྲུག་ཅུ་ཡིན།ཞིང་མུའུ་བཅུ་དྲུག་ལྷག་གི་བདག་མོ་ཡིན།སྐྱབས་འགྲོ་དང་དམིགས་བརྩེ་མ་འདོན་ཤེས་ལ།དམངས་གླུ་རེ་འགའ་ཡང་ལེན་ཤེས།ཚ་གསུར་ཕུད་རྒྱུ་ལ་ཤིན་ཏུ་དགའ།དེ་ལས་གཞན་དུ།ཡར་ཀླུང་ཁོག་ན་གཉའ་ཁྲི་བཙན་པོའི་མཚན་ཞིག་ཡོད་པ་མི་ཤེས་ལ།ཡུལ་ཨ་རབ་ན་རྡོ་སྣུམ་ཡོད་པའང་མི་ཤེས།ད་དུང་།དམངས་གཙོ་དང་ཚན་རིག་ཅེས་པར་གོ་བ་སྤུ་ཙམ་ཡང་མེད་པས།ཚུལ་འདི།ངས་མོ་ཉིད་མིའི་རིགས་རིག་པར་མཁས་པ་ཞིག་ཡིན་ཟེར་དོན་དང་།སྙན་ངག་འདིའི་དགོས་པའི་ཉིང་དགོས་ཀྱང་ཡིན།...

ད་ནི་ཇི་ཙམ་གླེང་རུང་སེམས་ཁྲལ་དང་གནོང་འགྱོད་ཁོ་ནའི་ཀློང་དུ་དབུགས་རིང་ནར་ནར་འཕེན་བཞིན་སྡོད་རྒྱུ་ལས་ཐབས་གཞན་མ་མཆིས་པས།རྣམ་ཤེས་ཟེར་བ་གྲངས་མེད་བསྐལ་པ་ཡི་དབུས་ནས་འཆི་བ་མེད་པའི་དྲན་རིག་གཅིག་པུ་དེ་ཡིན་པ་བདེན་དུ་བཅུགས་ན།བདག་གི་ཨ་མའི་ཚེ་རབས་གཞན་ཞིག་ནས་དལ་འབྱོར་ལུས་རྟེན་གྱི་ཕུང་པོ་གྲུབ་ནས་བཟུང་ཡོན་ཏན་ཀུན་གྱི་གཞི་མར་གྱུར་པའི་ནོར་བུ་རིན་པོ་ཆེ་འདིར་འཕྲད་ཅིང་སྤྱོད་པའི་བསྐལ་བཟང་ཐོབ་རྒྱུར་སྨོན་ལམ་འདེབས་པ་དེའོ།།...

གང་ལྟར་ཀྱང་ཁྱོད་ལམ་ལ་ཆས་ཟིན།རང་ས་རང་ཡུལ་ནས་རང་ཁ་རང་གསོའི་འཚོ་བར་རྫོགས་ཚིག་བཀོད་དེ།རང་གི་ཅ་ནེ་གཞན་གྱི་ཐོམ་འོག་ཏུ་གཟེད་པའི་མགོ་བརྩམས་སོང་།རང་ཉིད་རང་གི་མགོན་པོ་ནས་གཞན་ངོའི་དཀར་ནག་འཚོ་བའི་སྒོ་ཁྱི་སྟག་ནག་ཐོང་དཀར་གྱི་བརྟུལ་ཞུགས་བསྐྱང་མགོ་བརྩམས་སོང་།དངོས་གནས་རིག་ནུས་འཇོན་གསུམ་ནི་གྲོང་ཁྱེར་དུ་རྐང་འཛུགས་པའི་མ་རྩ་ཡིན་ན།ཁྱོད་ཀྱིས་རང་ངོ་རང་གིས་མི་ཟིན་པར་ལག་སྟོང་མཆན་དུ་བཙིར་ནས་ཆུ་སྣ་གར་ཁྲིད་བྱེད་པ་འདི་ཅི་འདྲའི་མཚར་ཨང་།གང་ལྟར་བརྩེ་མེད་འགྲན་རྩོད་ཀྱི་ལྷུང་ལྷུང་རྦ་རླབས་ཁྲོད།ཁྱོད་ཀྱིས་གཞར་ཡང་རྣམ་རིག་ལྕགས་སྐུད་ལྟར་བསྒྲིམ་སྟེ་ལྷོད་མི་རུང་།ནམ་ཞིག་ཁ་དགོད་ཞོར་ཁོག་རྩིས་འདེབས་པའི་སུ་ཞིག་གིས་ཁྱོད་ཉིད་ཁོག་སྟོང་དུ་འདྲུ་ཡང་སྲིད།...

ཆུང་མའི་ཨ་ཕ་སྟེ།ངའི་གྱོས་པོ་ལགས་ཀྱིས་སྡེ་བའི་ནང་དུ་ཤིང་བཟང་གིས་གྲུབ་པའི་ཁང་པ་གྱན་བཅུ་བདུན་ཕུབ་ཅིང་།ཤིང་ཚོན་དམར་སེར་ལ་བཀྲག་རྩི་བཏང་སྟེ་འོད་ལམ་ལམ་དུ་བྱས་ལ།སུམ་བསྐོར་གྱིས་གྲུབ་པའི་ཁང་ཀླད་ཡོངས་སུ་ཤེལ་ཁྲའི་བླ་གབ་ཀྱང་ཞིབ་ལ་ཚགས་དམ་པ་དེ་འདྲ་བཟོས།ཁང་མིག་དང་ཁྱམས་འོགལྷས་གཅལ་ཡོངས་སུ་དཔེ་གསར་གྱི་མཐིལ་ཤིང་རི་མོ་སྣ་ཚོགས་དང་ལྡན་པ་བཏིངས།དཀྱུས་མའི་དུད་ཚང་ཞིག་དང་ཡེ་མི་འདྲ་བར།རྒྱ་སྒོའི་གཡས་གཡོན་དང་ཡས་མཐའ་དག་ལ།རྫ་ཀྱོ་དམར་པོ་མིན་པའི་སྔོན་པོ།བར་རྒྱན་གྱི་རི་མོ་ལྟ་ན་སྡུག་པ་ཅན་དེ་འདྲ་བརྩིགས།གསོམ་ཤིང་རྐྱང་བས་གྲུབ་པའི་རྒྱ་སྒོ་ཆེན་པོར།སྟག་སེང་ཁྱུང་འབྲུག་དང་མིང་མི་ཐོགས་པའི་གཞའ་རིས་ཀྱི་རིགས་སྣ་ཚོགས་ཏེ།འབུར་རིས་དང་ཀོང་རིས་གྲངས་མེད་སྣོལ་མར་བསྡེབས་པ་དེ་འདྲ་བཟོས་འདུག་པས།སྡེ་མི་མང་པོ་སྐོར་ཚོ་དང་སྐོར་ཚོ་བྱས་ཏེ་བལྟ་རུ་ཡོང་བཞིན་འདུག་སྐད།བདེན་པ་འདྲ་སྟེ།ཁ་ཉིན་ཆུང་མ་དང་ལྷན་དུ་ཨ་ཁུ་ལོ་ལོན་ལ་བལྟ་རུ་སོང་དུས་ཀྱང་།སྡེ་བའི་རྒད་པོ་འགའ་ཁྱམས་འོག་ཏུ་བསྡད་དེ།མཚར་ཉམས་དང་བཅས་ཁང་པའི་བཞུན་ཆ་ལ་དཔྱད་པ་གཏོང་གིན་འདུག...

སྨན་བླ་སྐྱབས(སྨྱུག་མིང་ལ་འབར་རྡེའུ་དང་གངས་བུ་དགའ་སྐྱེད།རྗེ་ར་ལོ་ཚང་སོགས་འབོད)ལགས་ནི།རབ་བྱུང་བཅུ་དྲུག་པའི་ཆུ་ཡོས་ལོའི་བོད་ཟླ་བཅུ་པའི་ཚེས་ཉེར་ལྔ་ཉིན་ཨ་མདོ་མང་རའི་འཇག་རི་སུམ་མདོར་བདུད་ཤུལ་ཀླུ་ཚང་དུ་སྐྱེས།མཚོ་སྔོན་ཞིང་ཆེན་མི་རིགས་གློག་བརྙན་འཕྲིན་སྒྱུར་སྐྲུན་ལྟེ་གནས་ཀྱི་འཁྲབ་གཞུང་རྩོམ་པ་པོ་དང་འཁྲབ་ཁྲིད་པ།སྔ་ཕྱིར་མཚོ་ལྷོ་མི་རིགས་དགེ་འོས་སློབ་གྲྭ་དང་།ཧྲང་ཧའེ་ཟློས་གར་སློབ་གླིང་དང་།མཚོ་སྔོན་དགེ་འོས་སློབ་ཆེན་སོགས་འགྲིམས།གློག་བརྙན་སྐད་སྦྱོར་པ་དང་།འཁྲབ་འཁྲིད་པ།འཁྲབ་གཞུང་རྩོམ་པ་པོ།གར་སྟེགས་མདོ་འཛིན་པ།རླུང་འཕྲིན་འཁྲབ་རྗོད་པ།སྒྲ་བརྙན་རྩོམ་སྒྲིག་པ་བཅས་ཀྱི་ལས་ཀར་འཇུས་མྱོང་ལ།དུས་རབས་ཉི་ཤུ་པའི་ལོ་རབས་བརྒྱད་ཅུ་པ་ནས་གསར་རྩོམ་གྱི་ལས་སུ་ཞུགས་ཏེ།སྒྲུང་གཏམ་དང་།སྙན་ངགལྷུག་རྩོམ།འབོལ་རྩོམ།འཁྲབ་གཞུང་།གཞས་ཚིག་དང་རྡུང་ལེན་གླུ་ཚིག་སོགས་བརྩམས་ཆོས་འབོར་ཆེན་གསར་རྩོམ་མཛད།སྙན་ངག་ཆེད་བསྒྲིགས་དཔེ་དེབ་དང་།ཁ་ཤགས་དང་གར་ཆུང་།བྱིས་སྒྲུང་དང་བཤད་པ་སོགས་ཀྱི་ཆེད་བསྒྲིགས་སྒྲ་ཐག་དང་འོད་འཁོར་བཅུ་གྲངས་ལྷག་པར་དུ་བསྐྲུན།ཁོང་གིས་བརྩམས་པའི་སྒྲུང་གཏམ་དང༌།སྙན་རྩོམ།ལྷུག་རྩོམ་སྐོར་ཞིག་ཕྱོགས་བསྒྲིགས་དཔེ་དེབ་དང་ལྗོངས་ཞིང་ལྔའི་སློབ་གྲྭ་ཆེན་མོའི་རྩོམ་རིག་བསླབ་གཞིར་བདམས་ཡོད་ཅིང་།མདོ་དབུས་ཁམས་གསུམ་གྱི་གཞས་མཁན་མང་པོར་གཞས་ཚིག་བྲིས་མྱོང་བ་དང་།གློག་བརྙན་བོད་འགྱུར་མ་སོགས་ངག་ཐོག་གམ་ཡིག་ཐོག་བརྩམས་ཆོས་མང་པོར་རྒྱལ་ཁབ་རིམ་པ་དང་ཞིང་ཆེན་རིམ་པའི་གཟེངས་རྟགས་ཐོབ་མྱོང་།།...

རྩྭ་ཐང་།ནམ་ཞིག་ཁྱོད་ཉིད་མེད་པར་གྱུར་ན།ས་ཆེན་པོའི་སྙིང་ཁམས་ནད་ཀྱིས་ཟིན་ཞིང་གནམ་སྔོན་པོའི་ཆར་ཆུ་གཏིང་ནས་སྐམ་འགྲོ་བར་མ་ཟད།འཛམ་གླིང་གི་གོ་ལ་འདི་ཡང་རྡུལ་རླུང་ཁོ་ནས་སྒྲིབ་པའི་མྱ་ངན་ཐང་ཆེན་དུ་འགྱུར་འགྲོ་ལ།འབྲོག་སྡེ་ཞེས་པ་ཡང་མིང་གི་ལྷག་མར་གྱུར་འགྲོ་བས།དེར་བརྟེན།ཁྱེད་ཅིས་ཀྱང་གནས་དགོས།ང་ཡི་རྩྭ་ཐང་།ང་ཡི་འཚོ་རྟེན།ང་ཁྱེད་ལ་དགའ་ཞིང་ཁྱེད་ལ་དུངས།...

ཁྱུང་ཆེན་ཞིག་རྒྱང་དུ་འཕུར་སོང་།གཤོག་ཟུང་གི་བདེན་པ་རང་ཡུལ་དུ་བསྐྱུར་ཅིང་།རྟོལ་དུ་མེད་པའི་བར་ཐག་ཅིག་ངེད་ཅག་ལ་བཞག་སྟེ།ཆེས་མཐའི་ལྷིང་འཇགས་ཀྱི་རྨི་ལམ་ལ་དབུ་ཁྱུད་བྲིས།རྟ་རྒོད་ཀྱི་འཚེར་སྐད་གནམ་མཐའ་རུ་བསུས་ཏེ།ཁྱོད་རང་བདེ་ལྡན་གྱི་ཞིང་བཀོད་དུ་བཞུད་སོང་།...

དབྱངས་རྟ་གཉོམ་པོ་ཞིག་གིས།ང་དང་ངའི་སེམས་འགྱུ་ཡང་མོ།ཉི་འོད་འཇམ་པོའི་བཞུར་རྒྱུན་ལ་བསྲེས་ཤིང་།སྤང་ཐང་དུ་ཤག་ཤག་བབས།སེམས་ཀྱི་རི་ལུང་ན།ཡུ་མོ་མ་བུ་ཞིག་བརྩེ་ཞེན་གྱི་ངོགས་སུ།སོས་དལ་ཞིང་བག་ཕེབས་ནས་འདུག...