ཡུལ་ཤུལ་གནའ་བོའི་བྲག་བརྐོས་རི་མོའི་པར་བཤུས་སྒྱུ་རྩལ་འགྲེམ་སྟོན་ལྷ་སར་གཉེར།

       ༢༠༢༦ལོའི་ཟླ༡ཚེས༦ཉིན། ཡུལ་ཤུལ་གནའ་བོའི་བྲག་བརྐོས་རི་མོའི་པར་བཤུས་སྒྱུ་རྩལ་འགྲེམ་སྟོན་དེ་བོད་ལྗོངས་མཛེས་རྩལ་བཤམས་མཛོད་ཁང་དུ་གཉེར། མཛད་སྒོའི་སྟེང་ཡུལ་ཤུལ་ཁུལ་ཨུའི་དྲིལ་བསྒྲགས་པུའུ་དང་ཁུལ་སྲིད་གཞུང་། ཁུལ་རིག་གནས་ཡུལ་སྐོར་རྒྱང་སྒྲོག་བརྙན་འཕྲིན་ཅུའུ། རང་སྐྱོང་ལྗོངས་རིག་དངོས་སྲུང་སྐྱོབ་ཞིབ་འཇུག་ཁང་སོགས་ཀྱི་འབྲེལ་ཡོད་དབུ་ཁྲིད་དག་མཉམ་ཞུགས་གནང་ཡོད།

       ཐེངས་འདིའི་འགྲེམ་སྟོན་སྟེང་གསལ་བདམས་བྱས་པའི་པར་བཤུས་རི་མོ་བརྒྱ་ལྷག་འགྲེམ་སྟོན་གནང་ཡོད་ལ། དེ་དག་ནི་གནའ་བོའི་ལི་ཆས་སྤྱོད་པའི་དུས་རབས་ནས་སྤུ་རྒྱལ་བཙན་པོའི་དུས་སྐབས་ཀྱི་གཡག་དང་ཤྭ་བ། སྐྱ་མི་སོགས་མཐོ་སྒང་གི་ཁྱད་ཆོས་མངའ་བའི་པར་རིས་ཡོད་ལ། རི་དྭགས་རྔོན་པ་དང་ཕྱུགས་འཚོ་བ། ཆོ་ག་གཉེར་བ་སོགས་སྔོན་བྱོན་མེས་པོའི་འཚོ་བའི་སྣང་ཚུལ་ཀྱང་གསལ་ལེར་རྟོགས་ཐུབ་པས། གནའ་བོའི་ཀྲུང་ཧྭའི་ཕུལ་བྱུང་རིག་གནས་ཀྱི་སྣ་མང་གཞི་གཅིག་གི་གནས་བབ་མངོན་པར་ཚོར་ཐུབ་བོ། །