ཟླ2པའི་ཚེས22ཉིན།ཀྲུང་གོའི་བོད་ཇའི་རིག་གནས་ཞིབ་འཇུག་ལྟེ་གནས་ཀྱིས་གཙོ་གཉེར་བྱས་པའི2025ལོའི་རིག་གཞུང་ལོ་ཚོགས་དེ་སི་ཁྲོན་ཁྲེང་ཏུའུ་གྲོང་ཁྱེར་དུ་འཚོགས་ཡོད་པ་དང་།ད་ཐེངས་ཀྱི་ཚོགས་འདུའི་དམིགས་ཡུལ་ནི་མཚོ་བོད་ས་མཐོའི་ནོར་ནག(འབྲི་གཡག)རིག་གནས་དང་ཇ་རྟའི་གནའ་ལམ་རིག་གནས་ཀྱི་རིན་ཐང་ལ་དཔྱད་བསྡུར་གཏིང་ཟབ་བྱས་ཏེ་ནོར་ནག་ཐོན་ལས་སྤུས་ཚད་མཐོ་པོའི་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་རྒྱུ་དང་ཕུལ་བྱུང་སྲོལ་རྒྱུན་རིག་གནས་མཉམ་སྤྱོད་མཉམ་སྐྲུན་གྱི་རྣམ་པ་གསར་པ་འཚོལ་ཞིབ་བྱ་རྒྱུ་དེ་ཡིན་པ་རེད།...

«བརྡ་དཀྲོལ་གསེར་གྱི་མེ་ལོང»ནི་བོད་ཀྱི་ཉེ་དུས་གསར་དུ་བསྒྲིགས་པའི་དག་ཡིག་དང་ཚིག་མཛོད།བརྡ་དཀྲོལ་མང་པོའི་ཁྲོད་དུ་དམིགས་བསལ་གྱི་ཁྱད་ཆོས་དང་ལྡན་པ་ཞིག་ཡིན་ཏེ།བརྡ་དཀྲོལ་འདི་ཉིད་ཀྱི་རྩོམ་སྒྲིག་མཛད་ཚུལ་དང་།འགྲེལ་བཤད་དང་དཔེར་བརྗོད་འགོད་སྟངས་ལ་ཐུན་མིན་གྱི་ཁྱད་ཆོས་མངའ་བས།འདིར་བརྡ་དཀྲོལ་འདི་ཉིད་དཔྱད་གཞིར་བཟུང་ནས་ཚད་ལྡན་མཁས་པའི་གསུང་ལ་ཁུངས་བཅོལ་ཞིང་དག་ཡིག་རིག་པའི་རིགས་ལམ་བེད་སྤྱད་དེ།བརྡ་དཀྲོལ་འདི་ཉིད་ཇི་ལྟར་རྩོམ་སྒྲིག་མཛད་པའི་ཚུལ་དང་།བརྡ་དཀྲོལ་གྱི་མིང་དང་པར་གཞི་པར་ཐེངས།པར་སྐྲུན་བྱ་བར་མཐུན་རྐྱེན་བསྒྲུབས་ཚུལ།བརྡ་དཀྲོལ་རྩོམ་སྒྲིག་བྱ་བའི་ཐོག་མའི་འཆར་སྒོ་དང་མཛད་པའི་དགོས་པ།བརྡ་དཀྲོལ་དུ་འཁོད་པའི་ཐ་སྙད་ཀྱི་ནང་དོན་ཁྱབ་ཁོངས་དང་གོ་རིམ་སྒྲིག་སྟངས།འགྲེལ་བཤད་དང་དཔེར་བརྗོད་འགོད་སྟངས། ཟུར་ལྟའི་ཡིག་ཆའི་གྲངས་འབོར་དང་ནང་དོན་བཅས་ཞིབ་རྒྱས་སུ་གླེངས་ཏེ།བརྡ་དཀྲོལ་འདི་ཉིད་ཀྱི་སྐད་བརྡའི་ཡིག་ཚང་གི་དོན་སྙིང་དང་སྐད་ཡིག་ཡིག་ཚང་གི་རིན་ཐང་ལ་དཔྱད་ཡོད།...

ད་ལྟ་བ་བྲིས་འདུག་པ་ཅུང་མང་ཞིང་དག་པར་སྣང་བས།ལྟ་རུ་འགྲོ་ཞེས་པའི་ལྟ་སོགས་རྣམ་དབྱེ་བཞི་པའི་བྱ་བའི་དོན་གྱི་ཡུལ་དུ་གྱུར་པའི་བྱ་བའི་མིང་ལ་ད་ལྟ་བ་བྲིས་ན་བརྡ་སྤྲོད་ཀྱི་གཞུང་ལུགས་དང་བོད་སྐད་ཀྱི་ཆོས་ཉིད་དང་མཐུན་པར་འདོད་དོ།།...

དཔྱད་རྩོམ་འདིའི་ནང་དུ་ཨ་མདོའི་ས་ཁུལ་འགའི་ཡུལ་སྐད་ཁྲོད་དུ་མིང་གི་སྐབས་སུ་རྗེས་འཇུག་ག་དང་ཡང་འཇུག་ས་ཁོ་ནའི་རྗེས་སུ་ཡོད་པའི་པ་སྒྲ་དེ་དཔའ(hwa)ཡི་སྒྲ་དང་།ཤ(xha)སྒྲ།ག(kwa)སྒྲ་སོགས་སུ་འགྱུར་བ་དང་།རྗེས་འཇུག་གཞན་དག་དང་བྱ་ཚིག་གི་སྐབས་སུ་གོང་གསལ་གྱི་སྒྲ་དེ་ལྟར་མི་འགྱུར་བའི་ཚུལ་གླེང་ཡོད།...

རང་རེའི་ཡུལ་གྱི་ཚད་མ་རིག་པའི་བྱུང་འཕེལ་ལ་གཞུང་ལྟ་རེ་བྱས་ཚེ།བསྟན་པ་ཕྱི་དར་ལ་རྨ་དགེ་བའི་བློ་གྲོས་དང་ཁྱུང་པོ་གྲགས་སེང་།རྔོག་བློ་ལྡན་ཤེས་རབ་ཡབ་སྲས་སོགས་སྔོན་བྱོན་མཁས་པའི་ཚོགས་ཀྱིས་གཞུང་འགྲེལ་དང་འཆད་ཉན་གྱི་རྒྱུན་རིང་དུ་མཛད་པས་ཚད་མ་རིག་པའི་སྲོལ་གསར་དུ་ཕྱེ་ཞིང་ཤིན་ཏུ་དར་བར་མཛད་ཐོགགྲུབ་མཐའ་ཐམས་ཅད་ལ་ཁྱབ་པར་རྨང་ལེགས་པོ་བཏིང་བར་མ་ཟད།དགོངས་འགྲེལ་གྱི་བསྟན་བཅོས་མང་དུ་མཛད་ནས།བོད་དར་ཚད་མ་རིག་པར་འཕེལ་རྒྱས་བླ་མེད་བྱུང་ཞིང་ཚད་མ་རིག་པའི་འཕེལ་རྒྱས་ལ་སྒུལ་ཤུགས་གསར་བ་སྦྱིན་པ་རེད།...

གྲངས་རིག་གི་རྩ་བའི་ཆོས་ཉིད་དང་ལག་ལེན་རིམ་པ་ནས་དེའི་གསར་གཏོད་རིག་པ་དང་གཏན་ཚིགས་བསམ་གཞིགབརྒྱུད་རིམ།མཛེས་དཔྱོད་དོན་སྙིང་དང་བསམ་བློའི་འཕེལ་རིམ།རིན་ཐང་དང་ཐག་གཅོད་ཐབས་ལམ་བཅས་བསྡུས་ཏེ་བསྟན་ཡོད།...

དེས་ན་ཚིག་གི་གྲུབ་ལུགས་ལ་བལྟས་ན།ལས་སུ་བྱ་བའི་ལ་དོན་སྦྱར་སའི་གཞི་ནི་དངོས་པོའི་མིང་ཡིན་ཞིང་དངོས་པོའི་མིང་གི་རྗེས་སུ་ལ་དོན་གྱི་ཕྲད།དེའི་རྗེས་སུ་བྱ་བའི་ཚིག་སྦྱར་བ་ཤ་སྟག་ཡིན།དགོས་ཆེད་ལ་གཙོ་བོ་ལ་དོན་སྦྱར་སའི་གཞི་ནི་བྱ་ཚིག་ཅིག་ཡིན་པར་མཁས་པ་ཕལ་ཆེར་ཞལ་མཐུན་ཞིང་།གཞན་དུ་ནི་ཉན་ཤུལ་མཁྱེན་རབ་འོད་གསལ་ཚང་གིས“ཆེད་ཕྱིར་སླད་དོན་བཅས་ཀྱྱི་སྒྲ་དངོས་སུ་ཡོད་པ་དང་།བྱ་བའི་དོན་གྱི་ཡུལ་ཚིག་ཟིན་དུ་ཡོད་པ་རྣམས་བཞི་པ་དགོས་ཆེད་ཡིན”ཞེས་ཁྱད་པར་ཞིབ་ཏུ་ཕྱེ་པ་དང་།དེའི་ཁར་ཚིག་སྡུད་ཡིན་མིན་ལ་བརྟག་པའང་གལ་ཆེ་བར་སེམས།འདི་དག་ལ་མ་བརྟེན་པར་བྱ་བའི་ཡུལ་ལ་ཕན་ཐོགས་ཡོད་མེད་ཙམ་གྱིས་ཁྱད་པར་འབྱེད་དགོས་ཟེར་ན་འགལ་འདུ་དང་རྙོག་འཛིང་ལས་ཐར་བའི་དུས་མེད་དོ།།...

«མི་ཡུལ་གྱི་ཐོབ་ཤོར»(མིང་གཞན་ལ«མིའི་ཐོབ་ཐང་ཤོར་བ»ཟེར།)ཞེས་པ་ནི་ཉི་ཧོང་གི་བརྩམས་སྒྲུང་རྩོམ་པ་པོ་དཱ་ཙའེ་ཨོ་ས་མུ(太宰治)ལགས་ཀྱིས་གསར་རྩོམ་མཛད་པའི་རང་རྣམ་ཕྱེད་མའི་བརྩམས་སྒྲུང་ཞིག་ཡིན།༡༩༤༨ལོར«རྒྱང་ལྟ»ཞེས་པའི་དུས་དེབ་ཐོག་བསྟུད་མར་ཐེངས་གསུམ་ལ་འགོད་པའི་བརྩམས་སྒྲུང་གི་ལམ་ནས་སྤེལ།...

དེབ་འདི་གཉིས་ནི་བོད་ཀྱི་རྩོམ་རིག་གསར་གྱི་ལོ་རྒྱུས་ཁྲོད་དུ་བོད་པ་རང་གིས་བོད་ཡིག་གི་ལམ་ནས་བྲིས་པའི་སྒྲུང་གཏམ་གསར་རྩོམ་ཐད་ཀྱི་གཞུང་ལུགས་ཐོག་མ་རུ་བགྲངས་ཆོག་ཅིང་།དེའང་སྟོང་ཆ་ཙམ་ཞིག་བསྐངས་པའི་ཁྲལ་དང་མིང་ཙམ་ལས་ཡོངས་སུ་འདས་ཏེ།རྩོམ་རིག་གསར་རྩོམ་དང་ལྷག་པར་སྒྲུང་གཏམ་གསར་རྩོམ་ལ་འཇུག་པའི་བློ་གྲོས་གསར་བུ་བ་དག་ལ་མཚོན་ན།“བཀླགས་མ་ཐག་རྟོགས་པ་དང་།རྟོགས་མ་ཐག་གསར་རྩོམ་ལ་ཕན”པར་མ་ཟད།དེབ་འདི་གཉིས་ནི་རིག་གཞུང་གི་ཁོངས་སུ་འདུ་ཡང་།སླ་མོ་དཀའ་མོའི་འགྲེལ་བར་དགའ་བའི་སྲོལ་རྒྱུན་ལྟར་གཞུང་ལུགས་རང་བཞིན་གྱི་དགག་བཞག་སྤོང་གསུམ་དང་།གཞུང་ལུགས་ལྟར་གྱི་རྩོད་ཉོག་རང་བཞིན་ཅན་གྱི་ཡིག་ཚོགས་སྤུངས་པ་ཏེ།“གོ་སླ་ཞིང་འཛིན་བདེ་བ།གནད་གཙོ་བོ་ཐམས་ཅད་དཔེར་བརྗོད་ཀྱིས་གསལ་བཤད་བྱས་ཡོད་པའི་དཔེ་དེབ་ཞིབ་ཆ་ཅན་ཞིག”ཡིན་པའི་ངེས་ཤེས་དང་བསམ་ཚུལ་ཞིག་བྱུང་ངོ་།།...