སྐབས་བཅུ་དགུ་པའི་ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་མཉམ་སྡེབ་སློབ་སྦྱོང་ཐེངས་སོ་གཅིག་པའི་ཐོག་གནང་བའི་གསུང་བཤད།

       འདས་ཟིན་པའི་ལོ་རྒྱུས་ལ་ཕྱིར་མིག་ལྟ་བ་དང་མདུན་ཕྱོགས་ཀྱི་ལམ་བུར་རྒྱང་ལྟ་བྱེད་སྐབས། ང་ཚོས་ངེས་པར་དུ་གསར་བརྗེའི་ཁྲག་རྒྱུན་ཐོག་མཐའ་བར་གསུམ་དུ་རྒྱུན་འཛིན་བྱས་ཏེ། ཏང་གི་འབད་འཐབ་ལོ་རྒྱུས་དང་རླབས་ཆེན་གྲུབ་འབྲས་ལ་བརྟེན་ནས་བློ་སྟོབས་ལ་སྐུལ་ལྕག་དང་ཁ་ཕྱོགས་ལ་ཁྲིད་སྟོན་དང་། ཏང་གི་གཟི་བརྗིད་སྲོལ་རྒྱུན་དང་སྤྱོད་ཚུལ་བཟང་པོར་བརྟེན་ནས་དད་སེམས་བརྟན་དུ་གཏོང་བ་དང་སྟོབས་ཤུགས་གཅིག་ཏུ་སྒྲིལ་བ། ཏང་གི་ལོ་རྒྱུས་ཀྱི་ཉམས་མྱོང་དང་ལག་ལེན་ལ་བརྟེན་ནས་བློ་འབྱེད་ཀྱི་བློ་གྲོས་གསར་གཏོད་དང་། ཀུན་སྤྱོད་ལ་ཞུན་བརྡར། སྔ་འཛིན་ཕྱི་གཏོད། གསར་འབྱེད་མདུན་སྐྱོད་བཅས་བྱས་ཏེ་གསར་བརྗེའི་སྔོན་གཤེགས་དཔའ་བོས་རང་སྲོག་དོར་ནས་ཐོབ་པའི་གསར་བརྗེའི་རྒྱལ་སྲིད་སྲུང་སྐྱོང་ཡག་པོ་དང་འཛུགས་སྐྲུན་ཡག་པོ་བྱས་ཏེ་གསར་བརྗེའི་སྔོན་བྱོན་པ་ཚོའི་རེ་སྒུག་ཆུད་ཟོས་སུ་མི་གཏོང་བ་དང་ལོ་རྒྱུས་དང་མི་དམངས་ལ་ངོ་གནོང་མི་དགོས་པའི་བྱས་རྗེས་གསར་པ་ཧུར་ཐག་འཇོག་དགོས།