“འགོ་ཁྲིད་མི་སྣའི་གནམ་གཤིས་དབུ་ཚོགས”ལ་ཞུགས་སྐབས་གནང་བའི་གསུང་བཤད།

       སྐྱེ་ཁམས་ཁོར་ཡུག་ནི་རྒྱལ་ཁབ་ཁག་གི་མི་དམངས་ཀྱི་བདེ་རྩ་དང་འབྲེལ་བ་ཡོད་པས། ང་ཚོས་ངེས་པར་དུ་རྒྱལ་ཁབ་ཁག་གི་མི་དམངས་ཀྱིས་མཛེས་སྡུག་ལྡན་པའི་འཚོ་བར་བཅངས་པའི་རེ་འདོད་དང་། ཁོར་ཡུག་ལེགས་པོར་བཅངས་པའི་རེ་སྒུག བུ་རབས་ཚ་རྒྱུད་ལ་འགན་འཁུར་བ་བཅས་ལ་བསམ་གཞིག་གང་ལེགས་བྱས་ཏེ་ཁོར་ཡུག་སྲུང་སྐྱོང་དང་། དཔལ་འབྱོར་འཕེལ་རྒྱས། ལས་ཞུགས་གསར་གཏོད། དབུལ་ཕོངས་སེལ་བ་བཅས་ལ་མཐུན་སྦྱོར་བྱས་ནས་ཕན་འབྲས་ཆེ་རུ་གཏོང་བའི་ལམ་བུ་ཞིག་འཚོལ་ཞིབ་དང་། འབྱུང་འཕྲོད་ཀྱི་ཕྱོགས་སུ་སྒྱུར་རིང་སྤྱི་ཚོགས་དྲང་གཞག་དྲང་བདེན་ཡོང་གང་ཐུབ་བྱས་ནས་རྒྱལ་ཁབ་ཁག་གི་མི་དམངས་ཀྱི་ཐོབ་སྣང་དང་། སྐྱིད་སྣང་། བདེ་འཇགས་ཚོར་སྣང་བཅས་ཟབ་ཏུ་གཏོང་དགོས།