«སྐབས་བཅོ་བརྒྱད་པའི་ཀྲུང་དབྱང་ཆབ་སྲིད་ཅུས་ཀྱི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བརྒྱ་དང་བཅུ་དགུ་པའི་ཐོག་གི་ཀྲུང་གོའི་གུང་ཁྲན་ཏང་གི་སྲིད་དོན་གཙང་སྐྱོང་གི་ཚད་གཞི་དང་ཏང་གི་སྒྲིག་ཁྲིམས་ཀྱི་ཆད་གཅོད་སྲོལ་ཡིག་བཟོ་བཅོས་མ་ཟིན་ལ་གྲོས་ཞིབ་བྱེད་སྐབས་ཀྱི་གསུང་བ

       སྒྲིག་ཁྲིམས་འཛུགས་སྐྲུན་ལ་ཤུགས་རྒྱག་རྒྱུ་ནི་ཕྱོགས་ཡོངས་ནས་ཏང་ནན་སྐྱོང་བྱེད་པའི་རྩ་བཅོས་ཐབས་ཇུས་ཤིག་ཡིན། ང་ཚོའི་ཏང་ནི་གསར་བརྗེའི་ཕུགས་བསམ་དང་ལྕགས་ལྟར་བཙན་པའི་སྒྲིག་ཁྲིམས་དམ་ནན་དང་སྒྲིག་ཁྲིམས་ལ་བརྟེན་ནས་སྒྲིག་འཛུགས་བྱས་པའི་མར་ཁེ་སིའི་རིང་ལུགས་ཀྱི་སྲིད་ཏང་ཞིག་ཡིན་ཞིང་། རྩ་འཛུགས་དམ་ནན་དང་སྒྲིག་ཁྲིམས་དམ་ནན་ནི་ཏང་གི་སྲོལ་རྒྱུན་བཟང་པོ་དང་ཆབ་སྲིད་ཀྱི་དགེ་མཚན་ཡིན་ལ། ང་ཚོའི་སྟོབས་ཤུགས་གནས་ས་ཡང་ཡིན། ཕྱོགས་ཡོངས་ནས་ཏང་ནན་སྐྱོང་བྱེད་པར་གཙོ་གནད་དེ་སྒྲིག་ཁྲིམས་འཛུགས་སྐྲུན་ལ་ཤུགས་རྒྱག་རྒྱུར་ཐུག་ཡོད། ད་ལྟ་ང་ཚོས་ནན་བཤད་བྱེད་དགོས་པ་ནི། ཏང་སྲོལ་དང་ཏང་གི་སྒྲིག་ཁྲིམས་ཀྱི་གཟེབ་དྲ་ཇེ་དམ་དུ་བཏང་ནས། ཏང་གི་སྒྲིག་ཁྲིམས་དེ་ཏང་ཡོན་ཡོངས་དང་ལྷག་པར་དུ་ཏང་ཡོན་འགོ་ཁྲིད་ལས་བྱེད་པའི་སེམས་སུ་བརྟན་པོར་ངེས་པར་བྱེད་དགོས།