«སྒྲིག་ཁྲིམས་འཛུགས་སྐྲུན་ལ་ཤུགས་རྒྱག་པ་དང་། སྒྲིག་ཁྲིམས་བརྩི་བ་དང་སྒྲིག་ལམ་སྲུང་བ་དེ་སྔར་ལས་གལ་ཆེ་བའི་གོ་གནས་སུ་འཇོག་དགོས།»

       ང་ཚོའི་ཏང་གི་ཏང་ནང་གི་སྒྲིག་ལམ་དེ་ནི་ཏང་གི་རྩ་འཛུགས་རིམ་པ་ཁག་དང་ཏང་ཡོན་ཡོངས་རྫོགས་ཀྱིས་ངེས་པར་དུ་བརྩི་སྲུང་ཞུ་དགོས་པའི་ཚད་གཞི་དང་བསྲུང་བྱ་རེད། ཏང་གི་སྒྲིག་ལམ་སྤྱིའི་ཁོངས་སུ་ཅི་ཞིག་ཚུད་ཡོད་དམ་ཞེ་ན། དང་པོ། ཏང་གི་སྒྲིག་ཡིག་ནི་ཏང་ཡོངས་ཀྱིས་ངེས་པར་དུ་བརྩི་སྲུང་ཞུ་དགོས་པའི་སྤྱིའི་སྒྲིག་ཡིག་ཡིན་ལ་སྤྱིའི་སྒྲིག་ལམ་ཡང་ཡིན། གཉིས་པ། ཏང་གི་སྒྲིག་ཁྲིམས་ནི་ངེས་པར་དུ་བརྩི་སྲུང་ཞུ་དགོས་པའི་སྡོམ་འཆིང་ཡིན་ལ། དེ་ལས་ཀྱང་ཆབ་སྲིད་ཀྱི་སྒྲིག་ཁྲིམས་ནི་ཆབ་སྲིད་ཀྱི་ཁ་ཕྱོགས་དང་། ཆབ་སྲིད་ཀྱི་ལངས་ཕྱོགས། ཆབ་སྲིད་ཀྱི་གླེང་ཕྱོགས། ཆབ་སྲིད་ཀྱི་བྱ་སྤྱོད་བཅས་ཀྱི་ཕྱོགས་སུ་ཏང་ཡོངས་ཀྱིས་ངེས་པར་དུ་བརྩི་སྲུང་ཞུ་དགོས་པའི་སྡོམ་འཆིང་ཡིན། གསུམ་པ། རྒྱལ་ཁབ་ཀྱི་བཅའ་ཁྲིམས་ནི་ཏང་ཡོན་དང་ལས་བྱེད་པས་ངེས་པར་དུ་བརྩི་སྲུང་ཞུ་དགོས་པའི་སྒྲིག་ལམ་ཡིན་ལ། བཅའ་ཁྲིམས་ནི་ཏང་གིས་མི་དམངས་ལ་འགོ་ཁྲིད་བྱས་ནས་གཏན་ལ་ཕབ་པ་ཡིན་པས། ཏང་ཡོངས་ཀྱིས་ངེས་པར་དུ་མིག་དཔེ་བསྟན་ནས་ལག་བསྟར་བྱེད་དགོས། བཞི་པ། ཏང་གི་དུས་ཡུན་རིང་པོའི་ལག་ལེན་ལས་བྱུང་བའི་ཕུལ་བྱུང་སྲོལ་རྒྱུན་དང་ལས་ཀའི་གོམས་སྲོལ་བཅས་ཡོད།