འཇིག་རྟེན་གནམ་འོག་ལས་ཀུན་ལས།།ཁྲིམས་འཛུགས་མི་དཀའ་ཁྲིམས་བསྟར་དཀའ།།...

འཇིག་རྟེན་དགེ་བའི་ཁྲིམས་བཙུགས་ན།།གནམ་འོག་ཐམས་ཅད་བདེ་བར་འགྱུར།།རྒྱལ་ཁབ་དགེ་བའི་ཁྲིམས་བཙུགས་ན།།རྒྱལ་ཁམས་གང་དེ་བདེ་བར་འགྱུར།།...

གང་ཞིག་རྒྱལ་སྲིད་སྐྱོང་མཁན་རྣམས།།ཡུལ་གྱི་ཆོས་དང་རྒྱལ་ཁབ་ཀྱི།།རྩ་བར་མཐུན་པའི་ཁྲིམས་བཙུགས་ན།།འབངས་དང་རྒྱལ་སྲིད་སྐྱོང་བ་བདེ།།ཡུལ་གྱི་ཆོས་དང་རྒྱལ་ཁབ་ཀྱི།།རྩ་བར་འགལ་བའི་ཁྲིམས་བཙུགས་ན།།འབངས་ཀྱི་སྲིད་ལུགས་འཆོལ་བར་འགྱུར།།ལས་ལ་འབད་ཀྱང་འབྲས་བུ་མེད།།...

ངོ་ཚ་ཁྲེལ་དང་མི་ལྡན་པ།།དེ་ཡིས་མི་བྱེད་གང་ཡང་མེད།།...

གོ་སྐབས་ནམ་མཁའི་གློག་དང་འདྲ།།རྙེད་པ་དཀའ་ཡང་འཇིགས་པ་སླ།།...

སོ་སོར་གྱེས་ནས་སྟོབས་ཤུགས་ཉམས།།གཅིག་ཏུ་བསྡུས་ན་སྟོབས་ཤུགས་ཆེ།།...

ཆུ་མ་ཡོང་གོང་གི་རགས།དགྲ་མ་ཡོང་གོང་གི་དོགས།...

ནམ་མཁའ་ས་གཞི་མཐའ་ཡས་ཀྱང་།།​​​​​​​འབངས་ནི་སྲིད་ཀྱི་རྩ་བ་ཡིན།།...

ལས་ཀྱི་མདོ་གནད་གོང་ནས་འཛིན།།​​​​​​​བྱེ་བྲག་བྱ་བ་འོག་ནས་སྒྲུབ།།...

སྒྲུབ་ལུགས་ཐབས་ལ་མཁས་ན་ཡང་།།དུས་དང་མ་བསྟུན་ཕམ་པར་འགྱུར།།...

རང་རྒྱུས་ལོན་ན་མཛངས་པ་ཡིན།།རང་ཚོད་ཟིན་ན་དཔའ་བོ་ཡིན།།...

ཆུ་ཡིས་གྲུ་གཟིངས་འདེགས་ནུས་ལ།།དེ་ཉིད་མགོ་རྟིང་སློག་ཀྱང་ནུས།།...

གོར་མ་རྡོ་ནི་བཅག་ན་ཡང་།།སྲ་བའི་རང་གཤིས་འཇོམས་ནུས་མིན།།རྒྱ་མཚལ་རྡུལ་དུ་འཐག་ན་ཡང་།།དེ་ཡི་དམར་མདངས་བསྒྱུར་དུ་མེད།།...

སློབ་མཁས་ན་གནས་ལུགས་རྟོགས།།སྒྲུབ་མཁས་ན་དཀའ་གནད་ཤེས།།...

བྱས་རྗེས་འཇོན་ཐང་ལས་བྱུང་།།བྱ་གཞག་འཇོན་ཐང་ལས་འཕེལ།།...

མི་སེམས་ཐོབ་ན་རྒྱལ་ཁབ་འཐོབ།།མི་སེམས་ཤོར་ན་རྒྱལ་ཁབ་ཤོར།།...

མི་ལོ་ཉིས་བརྒྱ་འཚོ་ནུས་ན།།ལེ་དབར་སུམ་སྟོང་རྐྱལ་བར་ཕོད།།...

ཕུགས་འདུན་མེད་པའི་མི་དེ་ཡིས།།བྱ་བ་གང་ཡང་འགྲུབ་མི་འགྱུར།།...

མེ་ལོང་གཙང་མས་རང་གཟུགས་གསལ།།འདས་པའི་དོན་ལས་ད་ལྟ་རྟོགས།།...

གཅིག་ལ་གཅིག་བརྟེན་དང་གཅིག་ངོ་གཅིག་བརྒྱན།...

བཀའ་བཞིན་མ་བསྒྲུབས་ན།།སྲིད་ལུགས་འཆོལ་བར་འགྱུར།།...

བདེ་བའི་དུས་སུ་ཉེན་ཟོན།འཚོ་བའི་དུས་སུ་འཇིགས་ཟོན།འཇགས་པའི་དུས་སུ་ཟིང་སོན།...

གཡང་ཊི་མ་བརྐོས་ན།།ཡོལ་གོར་ཇི་ལྟར་འགྱུར།།མི་ཡིས་མ་སྦྱངས་ན།།བདེན་དོན་ག་ལ་ཤེས།།...

ཆུང་བའི་དུས་ནས་ཚེ་གཅིག་དོན་ལ་འབུངས།།དུས་ཚོད་རིན་ཆེན་སྐད་ཅིག་བརླག་མི་བྱ།།...

དཀའ་བ་མ་སྤྱད་གནའ་དེང་དཔའ་བོ་མེད།།ལང་ཤོར་བུ་ལ་སྐྱེས་ཆེན་དམ་པ་དཀོན།།...