སྒེར་སེམས་ཆེ་ན་འཁྲུག་པའི་རྒྱུ།།ཁྲིམས་བཞིན་བསྐྱངས་ན་རྒྱལ་ཁམས་བདེ།།...

དཔོན་གཉེར་ཐབས་ལ་གནད་གསུམ་སྟེ།།སྤྱོད་གཙང་ཡིད་གཟབ་བརྩོན་འགྲུས་སོ།།...

རྩི་རྐང་ཁེར་སྐྱེས་གཅོད་སླ་ཡང་།།རྩི་མང་བསྡོམས་ན་དེ་ལྟ་མིན།།...

བཟང་སྤྱོད་རྒྱུད་ལ་འཇགས་པ་དང་།།འབངས་ལ་བླང་དོར་གནས་ཀུན་བསྟན།།སྐྱོན་སེལ་ལེགས་རྫོགས་ཀུན་འཛོམས་པ།།བསླབ་ཆེན་གཞུང་གི་སྙིང་པོ་ཡིན།།...

ཁང་བརྩེགས་དགུང་ལ་ཟུག་པ་དེ།།ཤིང་སྡོང་གཅིག་གིས་བསྐྲུན་པ་མིན།།རྒྱ་མཚོ་ཆེན་པོ་ཆུ་ཡི་གཏེར།།གཙང་པོ་གཅིག་གིས་གྲུབ་པ་མིན།།...

རླུང་འཚུབ་ལྡང་ཞིང་སྤྲིན་ནག་ལང་ལོང་འཁྲུགས།།རྒྱལ་ཁམས་བདེ་འཁོད་ཕ་ཡུལ་ལོག་པའི་རྗེས།།ཕྱོགས་བཞི་སྲུང་བའི་དཔའ་རྒོད་བདོག་པར་སྨོན།།...

བྱམས་ལྡན་ཨ་མའི་ལག་གི་བལ་སྐུད་དེ།།ཡུལ་མཐའ་འགྲིམ་པའི་བུ་ཕྲུག་ཁོ་བོའི་ལྭ།།ཡུན་རིང་ཕྱི་འཁོར་མེད་པར་བསམ་ནས་ནི།།ཁབ་སྐུད་ཡང་ཡང་བརྩེགས་པ་གྱེས་པའི་ལས།།རྩྭ་རྐང་ཉག་གཅིག་ལྟ་བུའི་བུ་སེམས་ཀྱིས།།དཔྱིད་དཔལ་གསུམ་འདྲའི་དྲིན་ལན་འཇལ་ནུས་སམ།།...

ཁུག་མ་ཆུང་ན་ཆེན་པོ་ཤོང་མི་སྲིད།།འཐེན་ཐག་ཐུང་ན་ཁྲོམ་ཆུ་ག་ལ་ལོན།།...

རྩྭ་ལྡུམ་ཡུར་འཇོར་བརྒྱབ་ན་ལོ་ཏོག་རྒྱས།།མི་ངན་ཁྲིམས་ལ་སྦྱར་ན་མང་ཚོགས་དགའ།།...

སྲིད་གཞུང་ལེགས་པོར་སྐྱོང་དགོས་ན།།ཐོག་མར་དཔོན་རིགས་ལེགས་པོར་སྐྱོང་།།བཟང་ངན་བླང་དོར་འབྱེད་པའི་གནས།།གཙོ་བོར་འཛིན་པ་ཤིན་ཏུ་གལ།།...

ནམ་ཡང་འགྱུར་བ་མེད་པའི་ལམ་ལུགས་དེ།།འཕོ་འགྱུར་སྐྱེན་པའི་སྤྱི་ཚོགས་ལ་མི་འཕྲོད།།རྐང་པའི་འོག་གི་བགྲོད་ལམ་གཅིག་པུ་དེ།།ཕུགས་བསམ་གྲངས་མེད་ཕྱོགས་ལ་འབྱོར་ཐབས་མེད།།རྒྱ་མཚོར་སྐྱོད་པའི་གྲུ་ལ་རྟགས་བརྒྱབ་ཀྱང་།།མཚོ་ལ་ལྷུང་བའི་རལ་གྲི་རྙེད་མི་སྲིད།།...

སྙིང་རྗེ་ཡི་སེམས་བདོག་ཚེ།།བྱམས་སྐྱོང་གི་འགོ་ཚུགས་སོ།།...

རྩི་ཤིང་ལོ་འདབ་རྒྱས་པའི་དུས།།དཔྱིད་ཀྱི་དཔལ་ཡོན་ལྟ་ན་སྡུག།...

འཇོན་ཐང་ནི་ཀུན་སྤྱོད་ཀྱི་རྟེན་གཞི་ཡིན།།ཀུན་སྤྱོད་ནི་འཇོན་ཐང་གི་སྤྱི་འདོམས་ཡིན།།...

མི་ལ་སྐྱོན་ཆ་གང་ཡོད་མི་ཤེས་ན།།མི་ལ་ཡོན་ཏན་གང་ཡོད་མི་ཤེས་ཤིང་།།ཡོན་ཏན་ནང་གི་སྐྱོན་ཆ་མི་ཤེས་པ།།སྐྱོན་ཆའི་ནང་གི་ཡོན་ཏན་མི་ཤེས་ན།།མི་ནི་བཀོལ་སྤྱོད་བྱེད་པ་མི་འཐུས་ལ།།མི་ལ་བསླབ་བྱ་གཏོང་བ་མི་འཐུས་སོ།།...

ཚོན་མདོག་བཀྲ་ཞེས་བསྔགས་པ་བརྗོད་མི་འཚལ།།དྲི་བསུང་འཇིག་རྟེན་ཀུན་ལ་ཁྱབ་པར་མོས།།...

མ་ཐོས་པ་ལས་ཐོས་ན་དགའ།།ཐོས་པ་ལས་ཀྱང་མཐོང་ན་དགའ།།མཐོང་པ་ལས་ཀྱང་ཤེས་ན་དགའ།།ཤེས་པ་ལས་ཀྱང་ལག་ལེན་དགའ།།...

མི་ལ་གཞུང་སེམས་ལྡན་གྱུར་ན།།ཉ་མོ་ཆུ་དང་འཕྲད་པ་བཞིན།།...

བྱམས་བརྩེ་དྲང་བདེན་བློ་དཀར་དང་།།ཡིད་རྟོན་བཅས་ལ་བློ་ཕྱོགས་ཤིང་།།དགེ་བ་སྒྲུབ་པར་སྤྲོ་བ་ལས།།སུན་པའི་སྣང་བ་ཀུན་ནས་དབེན།།...

ཆུ་ལས་གཟུགས་བརྙན་གསལ་བ་བཞིན།།དམངས་ལས་ཆབ་སྲིད་སྐྱོང་ལུགས་ཤེས།།...

མི་ཡི་འཇོན་ཐང་ཆེ་ཆུང་དེ།།སྦྱངས་པ་ཉིད་ལས་བྱུང་བ་ཡིན།།...

བློན་མང་ཤོག་ཁག་བསྒྲིགས་ན།།ནང་འཁྲུག་འབྱུང་བར་ངེས་སོ།།...

དཔྱིད་ཀྱི་འདབ་ཆགས་མ་གསོད་ཀྱེ།།བྱིའུས་ཚང་ནས་ཨ་མར་སྒུག།...

འབངས་ཀྱི་ཆག་སྒོ་སེལ་བ་ནི།།རང་གི་སེམས་ནད་བསྐྲད་པ་ཡིན།།...

དཔེ་རབ་ལ་བྱས་ན་འབྲིང་ཙམ་འབྱུང་།།དཔེ་འབྲིང་ལ་བྱས་ན་ཐ་མ་ཙམ།།...