དུས་དཔག་བབ་བསྟུན་བྱེད་པར་གཅེས།།བསམ་བློ་བཞི་གསུམ་བཅུ་གཉིས་བཏང་།།དེ་ནས་ལག་བསྟར་བྱས་པ་ན།།སྲིད་ན་མི་འགྲུབ་དོན་གཅིག་མེད།།...

ཆེ་ཆུང་དང་ནི་དལ་བྲེལ་ལ།།ལེགས་པར་བརྟག་ནས་བཀོད་སྒྲིག་བྱ།།གོང་འོག་ཕྱི་ནང་འབྲེལ་མཐུད་ནས།།གོ་རིམ་འཁྲུལ་མེད་ལག་ལེན་བསྟར།།...

མཚོ་མོའི་ནང་དུ་འཛུལ་ཙམ་བྱས་ན་ཞ་སྨི་མཐོང་།།དེ་ནས་གཏིང་དུ་འཛུལ་ན་ཉ་དང་སྦལ་རིགས་མཐོང་།།དེ་ལས་གཏིང་ནས་གཏིང་དུ་འཛུལ་ན་ཀླུ་མོ་མཐོང་།།...

གཞོན་དུས་སློབ་ལ་བརྩོན་པ་དེ།།ཞོགས་པའི་ཉི་མའི་འོད་ཟེར་བཞིན།།དར་དུས་སློབ་ལ་བརྩོན་པ་ནི།།ཉིན་གུང་ཉི་མའི་རང་མདངས་བཞིན།།རྒས་དུས་སློབ་ལ་བརྩོན་པ་ནི།།མུན་སེལ་སྒྲོན་མེ་བཞིན་དུ་གསལ།།...

ཆུ་ཡི་གཤིས་ཀ་ཤིན་ཏུ་མཆོག།སྤྱོད་པ་བཟང་པོས་ཆོས་ཀུན་ཐེག།...

སྨན་པ་མཁས་པས་ན་སོའི་གནས་དེ་གསོ།།སྐྱོན་སེལ་མཁས་པས་སྐྱོན་གྱི་འབྱུང་ཁུངས་འཚོལ།།...

རྒྱལ་སྲིད་ལེགས་པར་སྐྱོང་མཁན་གང་དེ་ཡིས།།འབངས་ལ་ཕ་མས་ཕྲུ་གུར་གཅེས་པ་བཞིན།།གཅེན་པོས་གཅུང་པོར་གཅེས་པ་ཇི་བཞིན་དུ།།གང་ལ་འཁྱག་ལྟོགས་མནར་ཚུལ་ཐོས་པ་དང་།།དཀའ་སྡུག་མྱངས་ཚུལ་མཐོང་དུས་ཡིད་སེམས་སྐྱོ།།...

གནོད་འཚེ་སེལ་མཁས་ཐོག་མར་རྩ་བ་འཇོམས།།ནད་གཞི་གསོ་མཁས་ཐོག་མར་འབྱུང་ཁུངས་གཅོད།།...

ཚིག་ཚོགས་ཟོར་ཡང་བཟོ་བ་དེ།།སྟོན་ཟླ་གསུམ་པའི་རྐང་འཐུང་བཞིན།།གསར་ལམ་འབྱེད་པའི་ཕན་ཡོན་ནི།།དབོ་ཟླའི་མེ་ཏོག་བཞིན་དུ་སྡུག།...

རི་ཀླུང་ཐམས་ཅད་མཚན་མོར་བད་ཀྱིས་མནན།།སྟོན་མདོག་བྱུག་པའི་ཤིང་ལོ་དམར་སེར་རྒྱས།།...

སྲོག་ལན་སྲོག་གིས་འཇལ།།རྐུ་རྨས་ཉེས་ཆད་གཅོད།།...

མི་གསུམ་འགྲོགས་དུས་བདག་གི་བཤེས།།རུང་བ་ཞིག་ནི་ངེས་པར་བདོག།གང་གི་ཡོན་ཏན་ལེན་པ་དང་།།སྐྱོན་གྱི་ཆ་རྣམས་སྤང་བར་བྱ།།...

ཆུ་ལ་ཆུ་སྦྱར་སུ་ཡིས་བཏུང་།།དབྱངས་ལ་གདངས་གཅིག་སུ་ཡིས་ཉན།།...

ཀུན་སྤྱོད་ལེགས་པོ་མེད་གྱུར་ན།།ལུས་སྟོབས་བློ་རིག་རྒྱས་ནའང་།།​​​​​​​སྡིག་གི་ལས་ཀྱི་གྲོགས་སུ་འགྱུར།།...

གྲི་ཡི་ཐོགས་ལུགས་མ་བྱང་ན།།ཁྲག་གི་འཇིགས་པ་ཡོང་ངེས་ཡིན།།གྲུ་ཡི་སྒྱུར་སྟངས་མ་བྱང་ན།།ཆུ་ལ་འབྱིང་བའི་འཇིགས་པ་ཡོད།།མདའ་རྩལ་སྐྱ་རྩལ་མ་བྱང་བས།།འཛིང་བ་མི་ཕམ་གཅིག་ཀྱང་མེད།།...

ཐོས་པ་ལས་མཐོང་བ་དགའ།།མཐོང་བ་ལས་སྒྲུབ་པ་དགའ།།...

སྨྲ་བ་མང་ན་ཕམ་པའི་རྒྱུ།།ཁོག་ཏུ་ཉར་ན་མཁས་པའི་རྟགས།།...

འདས་པའི་ལས་དོན་གཞིར་བཟུང་ཞིང་།།མ་འོངས་ལས་ལ་ཚོད་དཔག་བྱེད།།རྒྱུན་གྱི་བྱ་བར་དཔེ་བཞག་ནས།།ད་གཟོད་བློ་ཐག་གཅོད་པར་བྱ།།...

སྲིབ་ཁོ་ནས་སྣོད་བཅུད་མི་འབྱུང་ལ།།གདགས་གཅིག་པུ་ལས་ཀྱང་མི་འབྱུང་ངོ་།།...

དཔོན་གྱི་སྲིད་སྐྱོང་གཙང་གྱུར་ན།།ཉི་ཟླ་གཡས་གཡོན་བསྐོར་ནས་རྒྱུ།།སྒོ་ཁྱམས་ཡངས་པོར་ཕྱེས་གྱུར་ན།།རི་ཀླུང་ལག་པའི་མཐིལ་ནས་བལྟ།།...

རགས་ཁ་གྲོག་ཚང་ལས་ཤོར།།རླུང་སྒོ་ཁབ་རྩེ་ལས་ཤོར།།...

རི་བོ་ཐའེ་ཧྲན་འཛེགས་ནས་མར་བལྟས་ཚེ།།མུ་འབྲེལ་རི་རྒྱུད་རྩ་ལག་གསལ་པོར་མཐོང་།།...

སྒེར་སེམས་ཆེ་ན་འཁྲུག་པའི་རྒྱུ།།ཁྲིམས་བཞིན་བསྐྱངས་ན་རྒྱལ་ཁམས་བདེ།།...

དཔོན་གཉེར་ཐབས་ལ་གནད་གསུམ་སྟེ།།སྤྱོད་གཙང་ཡིད་གཟབ་བརྩོན་འགྲུས་སོ།།...

རྩི་རྐང་ཁེར་སྐྱེས་གཅོད་སླ་ཡང་།།རྩི་མང་བསྡོམས་ན་དེ་ལྟ་མིན།།...