བློ་ཁ་མཐུན་པའི་བསམ་སྤྱོད་ཀྱིས།།ཐོག་མཐའ་བར་གསུམ་རྒྱུན་བསྐྱངས་ན།།དེ་ནི་དམ་པའི་གྲོགས་མཆོག་ཉིད།།...

གནམ་གྱིས་དངོས་རིགས་སྐྱེད་པར་དུས་ཡོད་ལ།།ས་ཡིས་རྒྱུ་ནོར་སྤེལ་བར་ཚད་ཡོད་མོད།།མི་ཡི་འདོད་ཞེན་གང་དེར་ཚད་མེད་དོ།།...

གནམ་འོག་བྱུར་རྐྱེན་སེལ་ཐབས་དཀའ་བ་གང་།།ཕྱི་ཚུལ་འཇགས་པར་སྣང་ཞིང་དོན་དམ་དུ།།དཔག་དཀའི་བག་ལ་ཞ་བའི་རྐྱེན་ངན་ལགས།།ལྟད་མོར་བལྟས་ནས་སེལ་ཐབས་མ་བཙལ་ན།།བྱུར་ཆགས་འཕེལ་ནས་ཟློག་ཐབས་མེད་པར་འགྱུར།།...

བྱ་བ་ཐམས་ཅད་གྲོས་ཀྱིས་འགྲུབ།།རང་ཤེད་ཚ་བས་འགྲུབ་མི་འགྱུར།།...

ཆེན་པོའི་འཕྲིན་ལས་སུ་ལ་བསྐོས་པ་དེར།།ཐོག་མར་ལུས་དང་སེམས་ནི་ངལ་བར་བྱེད།།བཀྲེས་སྐོམ་ཕོངས་གསུམ་གྱིས་ནི་གདུང་བར་བྱེད།།བྱ་བ་སྤྱོད་པ་ཀུན་ཀྱང་དཀྲུག་པར་བྱེད།།དེ་ནས་གང་དེའི་བློ་ནི་བརྟན་འགྱུར་ལ།།བག་ལ་ཉལ་བའི་སྟོབས་ནི་མངོན་པར་འགྱུར།།...

དཔའ་བོའི་བརྗིད་ཉམས་གནམ་འོག་གང་།།ཇི་སྲིད་བར་དུ་གནས་པར་ངེས།།...

འབྲས་ལྡན་ཤིང་གིས་མ་བོས་ཀྱང་།། མི་རྣམས་དེ་ལ་ངང་གིས་འཁོར།།...

དགའ་སྤྲོའི་གཏམ་གླེང་བྱེད་ཞོར་དུ།།དོན་ཆེན་ངང་གིས་འགྲུབ་པར་བྱེད།།...

རི་བོ་ཐའེ་ཧྲན་མཐོ་ནའང་།།རྒྱབ་གཏད་བྱས་ཚེ་ག་ལ་མཐོང་།།སྤུ་ཡི་རྩེ་མོ་ཉག་ཕྲ་ཡང་།།ཞིབ་ཏུ་བལྟས་ན་གསལ་པོར་མཐོང་།།...

སློབ་ཆེན་ཞེས་པ་ཕྱི་བཀོད་མཛེས་པས་མིན།།རིག་པའི་སློབ་དཔོན་ཆེན་པོ་ཡོད་པས་ཡིན།།...

དུས་ཀྱི་འགྲོས་དང་བསྟུན་ནས་ལས་གཉེར་ན།།ཕྱི་རོལ་མཐུན་རྐྱེན་འཛོམས་པས་དོན་ཀུན་འགྲུབ།།ཆོས་ཀུན་ཁྱད་ཆོས་སྤྱད་པས་ཕན་འབྲས་སྨིན།།...

ལུགས་བཞི་མ་འདྲོངས་ན།།རྒྱལ་ཁབ་འཇིག་པར་འགྱུར།།...

ཤིང་གི་རང་བཞིན་ལ་བསྟུན་ནས།།དེ་ཉིད་སྐྱེ་ཞིང་འཚར་དུ་འཇུག།...

ཆུའི་གཏིང་ཚད་མ་ཟབ་ན།།གྲུ་འདེགས་པའི་ནུས་པ་མེད།།...

བདེན་དོན་ཡུན་རིང་སྤྱོད་པའི་ངེས་པ་མེད།།ནོར་བའི་ཆ་ཡང་སྤྱོད་པའི་སྐབས་དང་ལྡན།།...

བྱ་བ་སྒྲུབ་སྐབས་གང་ལ་གང་འཚམ་གྱིས།།འོས་མཐུན་བབ་བསྟུན་བྱ་རྒྱུ་ཤིན་ཏུ་གལ།།...

བྱ་བ་རེ་རེར་ཐབས་རེ་ཡོད།།དེ་ལ་མཁས་ན་ལས་ཀུན་འགྲུབ།།...

དཔོན་གནས་སྐྱོང་ཞོར་སེམས་ཤུགས་ཡོད་ན་སློབ་ལ་བརྩོན།།སློབ་གཉེར་བྱེད་ཞོར་སེམས་ཤུགས་ཡོད་ན་དཔོན་གནས་སྐྱོང་།།...

དཔེ་ཆ་བ་ནི་ཁོག་ཡངས་བློ་རྩ་བརྟན་དགོས་དོན།།གང་དེའི་ལས་འགན་ལྕི་ཞིང་བཤུལ་ལམ་རིང་པས་ཕྱིར།།...

བཤེས་གཉེན་ཞེས་པར་བརྗོད་དོན་ནི།།ལུགས་རྒྱུན་སློབ་ཅིང་ཤེས་བྱ་ཁྲིད།།དོགས་པ་འབའ་ཞིག་སེལ་ཕྱིར་རོ།།...

བཤེས་གཉེན་ཞེས་པ་དོན་དམ་ལ་བརྟེན་ཏེ།།སློབ་མར་སློབ་གསོ་གཏོང་ཞིང་དེ་ཉིད་ལས།།མངོན་པར་སྤྱོད་ལམ་སློབ་མར་སྟོན་པ་ཉིད།།...

དམ་པས་རྒྱལ་ས་འདེམས་པའི་ཡུལ་གང་དེ།།ངེས་པར་ས་ཁོད་ཡངས་ཤིང་ས་གཤིས་ཞིམ།།རི་ལ་བསྟེན་ཞིང་གཡས་གཡོན་ཆུ་ཡིས་བསྐོར།།...

སྐྱེས་བུ་དམ་པ་ཀུན་གྱིས་བཅངས་པའི་འདོད་ཚུལ་ནི།།མི་སེར་ཕལ་བའི་འདོད་ཚུལ་ཡིན་གྱི་གཞན་དུ་མེད།།...

སྐྱེས་བུ་དམ་པས་ཕལ་བ་བཞིན་དུ་དཀའ་བ་སྤྱད།།དོན་གཉེར་ཅན་གྱིས་སྐྱེས་བུ་ཕལ་པའི་ངང་ཚུལ་འཛིན།།...

དོན་དག་ཆུང་ཡང་གཟབ་གཟབ་བྱས་གྱུར་ན།།དཀའ་སྡུག་ཆེ་བའི་གནད་ལས་འབྱོལ་བར་ནུས།།སྐྱོན་ཆ་ཆུང་ཡང་གཟབ་ནན་བྱས་གྱུར་ན།།བགེགས་དང་བར་ཆད་ཀུན་ནས་འབྱོལ་བར་ནུས།།...