ངོས་དང་པོ > མི་སྣ། > སྒྱུ་རྩལ་པ། > གེ་སར་སྒྲུང་གི་རྒྱུན་འཛིན་པ་བསྟན་འཛིན་གྲགས་པ།

གེ་སར་སྒྲུང་གི་རྒྱུན་འཛིན་པ་བསྟན་འཛིན་གྲགས་པ།

རྩོམ་པ་པོ།： ཡོང་ཁུངས།：ཁམས་པའི་བརྙན་འཕྲིན། དུས་ཚོད།：2026-01-28 08:19:39 ཀློག་གྲངས།：

ཕ་ཡུལ་མཚོ་སྔོན་ཞིང་ཆེན་མགོ་ལོག་ཁུལ་གཅིག་སྒྲིལ་རྫོང་ནས་ཡིན་པའི་བསྟན་འཛིན་གྲགས་པ་ནི་ཞིང་ཆེན་རིམ་པའི་གླིང་གེ་སར་གཏེར་སྒྲུང་དང་གཉན་པོ་གཡུ་རྩེའི་ལྷ་སྒྲུང་རྒྱུན་འཛིན་པ་ཞིག་ཡིན་ལ། ཁོང་གིས་ད་ལྟ་མཚོ་སྔོན་ཞིང་ཆེན་གེ་སར་ཆེད་མཁས་ཨུ་ལྷན་གྱི་ཨུ་ཡོན་དང་། མགོ་ལོག་ཁུལ་གེ་སར་ཞིབ་འཇུག་ལྟེ་གནས་ཀྱི་གདན་ཞུའི་ཞིབ་འཇུག་པ་སོགས་ཀྱི་འགན་བཞེས་ཡོད།

སྤྱི་ལོ༢༠༠༨ལོར་མགོ་ལོག་ཁུལ་གེ་སར་བྱ་བའི་གཞུང་ལས་ཁང་དང་ཁུལ་གེ་སར་ཞིབ་འཇུག་ཁང་གིས་བསྟན་འཛིན་གྲགས་པ་ལ་གེ་སར་གཏེར་སྒྲུང་པ་དང་ཁུལ་གེ་སར་ཞིབ་འཇུག་ཁང་གི་གདན་ཞུའི་ཞིབ་འཇུག་པའི་དཔང་ཡིག་གནང་བ་དང་། སྤྱི་ལོ༢༠༡༠ལོར་རྒྱལ་ཡོངས་གེ་སར་བྱ་བའི་འགོ་ཁྲིད་ཚན་ཆུང་གཞུང་ལས་ཁང་གིས་དག་སྣང་གཏེར་སྒྲུང་པའི་མཚན་སྙན་གནང་བ་སོགས་རྒྱལ་ཁབ་རིམ་པ་དང་ཞིང་ཆེན་རིམ་པའི་མཚན་སྙན་དང་བྱ་དགའ་གང་མང་ཐོབ།

བསྟན་འཛིན་གྲགས་པས་ད་ལྟའི་བར་དུ་གླིང་གེ་སར་རྒྱལ་པོའི་སྒྲུང་ལས་གཏེར་སྒྲུང་གི་རིགས་དང་གཉན་པོ་གཡུ་རྩེའི་དམངས་ཁྲོད་གཏམ་རྒྱུད་དམ་ལྷ་སྒྲུང་སོགས་དེབ་སུམ་ཅུ་ལྷག་པར་སྐྲུན་འགྲེམ་སྤེལ་བྱས་ཤིང་། ཁོང་ཉིད་རྒྱུན་པར་སློབ་གྲྭ་དང་དམངས་ཁྲོད་དུ་བསྐྱོད་ནས་གེ་སར་སྒྲུང་དང་དམངས་ཁྲོད་རིག་གནས་འཁྲབ་སྟོན་དང་སྒྲོག་འགྲེལ་བྱས་ཏེ། དུས་རབས་ཀྱི་འགྲོས་དང་བསྟུན་ནས་གེ་སར་རིག་གནས་དང་གཉན་པོ་གཡུ་རྩེའི་གཏམ་རྒྱུད་འཛིན་སྐྱོང་སྤེལ་གསུམ་ལ་འབད་འབུངས་བྱེད་བཞིན་ཡོད།