དབུགས་རྔུབ་འབྱིན་དཀའ་བ།མགོ་ན་བ།མིད་པ་ན་བ།སྣ་ཁུག་འགག་པ།ལུས་པོ་ཡོངས་ལ་ན་ཟུག་རྒྱག་པ།ངལ་དུབ་ཆེ་བའི་སྣང་བ་ཡོང་བ།ཚ་བ་རྒྱས་པ།ནད་པ་འགའ་ཤས་ལ་སྐྱུག་པ་ཤོར་བ་དང་གྲོད་པ་བཤལ་བའང་ཐོན་སྲིད་པ།གོང་གི་བཀའ་མོལ་འདི་ནི་རྒྱལ་ཁབ་འགོས་ནད་ཞིབ་འཇུག་ལྟེ་གནས་དང་།ཧྥུ་ཏན་སློབ་ཆེན་གྱི་ཞོར་གཏོགས་ཧྭ་ཧྲན་སྨན་ཁང་འགོས་ནད་ཚན་ཁག་གི་ཀྲུའུ་རེན་སྐུ་གཞོན་ཝང་ཤིན་ཡུས་ལགས་ཀྱིས་གསུངས་པའོ།།...

ན་ཚར་བའི་མི་རྣམས་ཀྱིས་མུ་མཐུད་སྐུ་གཟུགས་ཡག་པོ་གསོ་དགོས།དེའི་རྒྱུ་མཚན་ནི་ཏོག་གསར་ཕོག་ཚར་ན་ལུས་པོ་ཡོངས་སུ་གསོ་ཐུབ་པར་དུས་ཡུན་ཟླ་བ་གསུམ་ཙམ་དགོས་པ་དང་།ད་ཐེངས་ཡག་པོ་གསོ་ཐུབ་ན་རྗེས་མ་ངོ་བོ་འགྱུར་བའི་ནད་དུག་གསར་པ་ཐོན་རུང་འགོག་ནུས་ངེས་ཅན་ལྡན་པ་ཞིག་ཡིན།འོན་ཏེ།ཤེས་དགོས་པ་ཞིག་ལ་ད་ལྟ་ན་ཚར་བ་ཡིན་ནའང་ཏོག་གསར་གྱི་ངོ་བོ་འགྱུར་བའི་དུག་སྲིན་མུ་མཐུད་ཕོག་ཉེན་ཆེན་པོ་ཡོད་ཚུལ་གཞུང་ཕྱོགས་ནས་ཀྱང་གསུངས་འདུག...

སྙུང་གཞི་དྲག་སྐྱེད་གང་འཚམ་བྱུང་བའི་དུས་སུ་ལྷོད་གཡེང་སྤུ་ཙམ་མེད་པར།མུ་མཐུད་ངལ་གསོ་ཡག་པོ་བྱས་ཏེ་སྐུ་གཟུགས་རིམ་གྱིས་གསོ་རྒྱུ་ལས་ངལ་དུབ་ཆེ་བའི་ལས་ཀ་དང་འགུལ་སྐྱོད་ཤུགས་ཆེན་བྱེད་མི་ཉན་པའོ།།...

ཡང་བསྐྱར་གདགས་གཤིས་མངོན་པའི་མི་ཚོགས་ལ་སྤྱིར་བཏང་ནད་རྟགས་མེད་དེ་ཉིང་སྐྱུར་བརྟག་འབྲས་ལས་གདགས་གཤིས་ཡིན་པ་དེ་ཙམ་ཡིན་ལ།ནད་པ་སྐོར་ཞིག་ལ་གློ་ལུ་བྱེད་པ་སོགས་ཀྱི་ནད་རྟགས་ཡོད།ནད་དུག་ནད་པ་དང་ཁ་འབྲལ་བཞིན་ཡོད་པས་ཡང་བསྐྱར་གདགས་གཤིས་མངོན་པར་འགོས་ཁྱབ་རང་བཞིན་ཤིན་ཏུ་དམའ།...

...

པྲོག་གསར་གློ་ཚད་འགོས་ནས་ཉིན་བདུན་འགོར་རྗེས།ནད་རྟགས་ཡང་མོ་ཅན་གྱི་ནད་པ་མང་ཆེ་བའི་ཉིར་སྐྱུར་བརྟག་འབྲས་སྲིབ་གཤིས་སུ་གྱུར་འགྲོ་ལ།ལུས་སྟེང་གི་ནད་དུག་འདུས་ཚད་ཀྱང་ཧ་ཅང་དམའ་བས་འགོས་མཆེད་བྱེད་པའི་ཉེན་ཁ་ཕལ་ཆེར་མེད།སྐབས་འདིར་ཁྱེད་ལ་མིད་པ་མི་བདེ་བ་དང་གློ་ལུ་བ་ལ་སོགས་པའི་ནད་རྟགས་གང་ཡང་མེད་ན།གཞི་ནས་དྲག་སྐྱེད་བྱུང་སྟེ་བདེ་ཐང་དུ་གྱུར་བ་མཚོན་པས་ལས་རྐང་ལ་ཕྱིར་ལོག་ཆོག་པ་ཡིན།གལ་ཏེ་ཉིང་སྐྱུར་བཤེར་འཇལ་བྱེད་སྟབས་མི་འགྲིག་ན།བསྟུད་མར་ཉིན་གསུམ་གྱི་འགོག་ཟུངས་བཤེར་འཇལ་མཇུག་འབྲས་སྲིབ་གཤིས་ཡིན་ན་འགོས་མཆེད་རང་བཞིན་ཕལ་ཆེར་མེད་པ་མཚོན་པས།སྐབས་འདིར་ཁྱེད་ཀྱི་ལུས་ཕུང་གི་གནས་ཚུལ་བཟང་ན་སྒོ་ཕྱི་ལ་བསྐྱོད་ཆོག་པ་ཡིན།...

ཆམ་རིམས་ཡིན་ན་གཙོ་བོ་དབུགས་ལམ་གྱི་ནད་གཞི་ཡིན་པ།པྲོག་གསར་ཡིན་ན་གཙོ་བོ་ལུས་པོ་ཡོངས་ལ་ནད་རྟགས་དོན་པ།...

མཚོ་སྔོན་ཞིང་ཆེན་པྲོག་གསར་གློ་ཚད་ནད་དུག་བོད་སྨན་གསོ་བཅོས་ཆེད་མཁས་ཚོ་ཆུང་གིས་མཚོ་སྔོན་གྱི་ས་གནས་ཁྱད་ཆོས་དང་ནད་ཀྱི་ཁྱད་གཤིས་དང་བསྟུན་ནས།«མཚོ་སྔོན་ཞིང་ཆེན་གྱི་པྲོག་གསར་ནད་དུག་འགོས་པ་ཅན་གྱིས་ཁྱིམ་ནས་བོད་སྨན་བསྟེན་ཐབས»ཞེས་པ་གཏན་འབེབས་བྱས་ཏེ།པྲོག་གསར་ནད་དུག་འགོས་པ་ཚོས་བོད་སྨན་ཇི་ལྟར་བསྟེན་ཐབས་དང་བཅོས་ཐབས་ཐད་མཛུབ་སྟོན་བྱས་པ་གཤམ་གསལ་ལྟར།...