«“ཐོག་མའི་བསམ་འདུན་མི་བརྗེད་པར་འགན་འཁྲི་ཡིད་ལ་བརྟན་པོར་འཆང་བ”ཡི་བརྗོད་དོན་གཙོ་བོའི་སློབ་གསོའི་ལས་དོན་ཚོགས་འདུའི་ཐོག་གནང་བའི་གསུང་བཤད།»

       བསམ་བློར་བརྟེན་ན་སུ་ཏང་འཛུགས་སྐྲུན་དང་རིགས་པའི་གཞུང་ལུགས་ལ་བརྟེན་ནས་ཏང་སྟོབས་ལྡན་དུ་གཏོང་བ་རྒྱུན་འཁྱོངས་བྱེད་དགོས་ཤིང་། སློབ་སྦྱོང་བསམ་གཞིགས་བེད་སྤྱོད་གསུམ་གཅིག་འབྲེལ་བྱེད་པ་དང་། ཤེས་ཡོན་དད་སེམས་བྱ་སྤྱོད་གསུམ་གཅིག་གྱུར་ཡོང་རྒྱུ་རྒྱུན་འཁྱོངས་བྱས་ཏེ། རྒྱ་ཆེའི་ཏང་ཡོན་ལས་བྱེད་པས་ཕྱོགས་དང་མ་ལག་ཚང་བའི་སྒོ་ནས་སློབ་སྦྱོང་དང་། བསམ་གཞིགས་གཏིང་ཟབ་བྱས་ནས་སློབ་སྦྱོང་། དོན་དངོས་དང་ཟུང་འབྲེལ་བྱས་ནས་སློབ་སྦྱོང་བཅས་བྱེད་པར་སྐུལ་འདེད་གཏོང་རྒྱུ་དང་། རྒྱུན་ཆད་མེད་པར“འདུ་ཤེས་བཞི”ཆེ་རུ་སྐྱེད་པ་དང་། “གདེང་ཚོད་བཞི”བརྟན་དུ་གཏོང་བ། “སྲུང་སྐྱོང་གཉིས”བྱེད་ཐུབ་པ་བཅས་བྱ་རྒྱུ་དང་། དད་མོས་ཀྱི་རྨང་གཞི་བརྟན་པོ་འདིང་བ་དང་། བློ་སྟོབས་ཀྱི་ཀལ་འབེལ་པོ་གསབ་པ། བསམ་བློའི་ཁ་ལོ་བརྟན་པོ་སྒྱུར་བ་བཅས་བྱེད་དགོས།