«མང་ཚོགས་ལམ་ཕྱོགས་ནི་རང་གི་སྲོག་རྩ་དང་རྩ་བའི་བྱ་བའི་ལམ་ཕྱོགས་ཡིན»

       སྐྱིད་འདོད་རིང་ལུགས་ཀྱི་མངོན་ཚུལ་ནི། གཙོ་བོར་བསམ་པ་ལེ་ལོའི་དབང་དུ་གྱུར་ཅིང་བརྩོན་སེམས་མེད་པ་དང་། ཁེ་གྲགས་གཉེར་ཞིང་ལོངས་སྤྱོད་ལ་རྔམ་པ། རྒྱས་སྤྲོས་ལ་དད་དོད་ཆེ་ཞིང་རྩེད་འཇོ་ལ་མགོ་འཁོར་བ་བཅས་རེད། ལ་ལ་ཞིག་བློ་སྟོབས་ཉམས་པ་དང་དད་སེམས་ཤོར་ནས། སྐབས་འཕྲལ་སྐྱིད་འདོད་ཀྱི་མི་ཚེའི་རིང་ལུགས་འཛིན་ཅིང་། “ཆང་ཞིམ་པོ་ཡོད་ན་དེ་རིང་འཐུང་བ”དང་། “འདོད་དོན་འགྲུབ་དུས་དགའ་བདེའི་དཔལ་ལ་རོལ”གྱི་ཡོད། འགའ་ཞིག་དངོས་པོའི་ལོངས་སྤྱོད་ལ་དགའ་ཞིང་། མ་རབས་ཐ་ཤལ་ལ་སྤྲོ་བ་དང་། རྩེད་མོ་ལ་མགོ་འཁོར་ནས་བློ་སྟོབས་ཉམས་པ། ཇ་ཆང་གི་འཚོ་བས་མྱོས་ཤིང་། འདོད་སྲེད་ལོངས་སྤྱོད་ལ་ཆགས་པ་དང་། འཆལ་སྤྱོད་ལ་བག་མེད་དུ་འཇུག་པ་སོགས་བྱེད། ཁ་ཅིག་གིས་ཡང་དགའ་ལྗིད་སྐྲག་དང་། མིག་མདུན་ཙམ་ལ་ཡིད་ཚིམ་ནས་སྡོད་པ། དཀའ་ཁག་སྤྱོད་མི་འདོད་ཅིང་ཤུགས་མི་རྒྱག་པ། ད་ཡོད་ཀྱི་ཡོན་ཏན་དང་ཤེས་བྱ་ལ་བློ་ཚིམ་ཞིང་། བླངས་ཟིན་པའི་གྲུབ་འབྲས་ཀྱིས་ཡིད་མྱོས་ནས་སྡོད་པ། དམིགས་འབེན་གསར་པ་མི་འཛུགས་ཤིང་། སྒུལ་ཤུགས་གསར་པ་མེད་པར། “སྦང་ཇ་འཐུང་ཞིང་ཚགས་པར་ལྟ། །པུས་མོའི་ཁ་ལ་པུས་མོ་བརྩེགས། །ལས་ལ་མི་བརྩོན་བག་ནི་ཡངས། །ཆོ་མེད་གཏམ་གྱིས་ཉི་མ་འཁྱོལ། །”ཞེས་ཟེར་བ་ལྟར་ཡིན།