«གཏན་འབེབས་དོན་ཚན་བརྒྱད་ནི་སྤྱོད་ཚུལ་ལེགས་བཅོས་བྱེད་པའི་འཇུག་སྒོ་དང་སྐུལ་སློང་གི་བཀའ་བརྡ་ཡིན»

       མི་ཁ་ཤས་ཀྱིས་གཏན་འབེབས་དོན་ཚན་བརྒྱད་ལག་བསྟར་བྱེད་པ་ནི་རླུང་འཚུབ་ལངས་པ་ཙམ་བཞིན་ཕྱི་ཚུལ་ཙམ་དུ་འགྱུར་སྲིད་པར་སེམས་ཁྲལ་བྱེད་ཀྱི་ཡོད་ལ། སེམས་ཁྲལ་དེ་རིགས་ནི་གནས་ལུགས་མེད་པ་ཞིག་མ་རེད། ལས་བྱེད་པ་དང་མང་ཚོགས་ཀྱི་དོགས་གནད་དེ་སེལ་ཐུབ་མིན་གྱི་འགག་རྩ་ནི་ང་ཚོས་ཇི་ལྟར་སྒྲུབ་པར་རག་ལས་ཡོད། གཏན་འབེབས་དོན་ཚན་བརྒྱད་ཁྱབ་བསྒྲགས་བྱས་པ་ནི་མགོ་ཚུགས་པ་དང་གཞི་བཙུགས་པ་ཙམ་ཡིན་པས། ད་དུང་འབད་བརྩོན་ཆེན་པོ་བྱེད་དགོས། ང་ཚོས་རྡོ་ལ་རྐང་རྗེས་དང་ལྕགས་ལ་ལག་རྗེས་འཇོག་ཐུབ་པའི་ངར་ཤུགས་ཀྱིས་དམ་འཛིན་བྱས་ནས། མགོ་མཇུག་ཡོད་པ་དང་རྒྱུ་བཟང་འབྲས་བཟང་ཐོན་པ་ཞིག་བྱེད་དགོསཔ་ལས། མགོ་མཇུག་ཡ་མ་ཟུང་དུ་གྱུར་བའི་སྣང་ཚུལ་ལ་བཀག་འགོག་བྱེད་དགོས་པ་དང་། ཏང་ཡོངས་དང་མི་དམངས་ཡོངས་ལ་ལྟ་སྐུལ་བྱེད་དུ་འཇུག་དགོས་ཤིང་། མི་དམངས་མང་ཚོགས་ལ་མིག་མཐོང་ལག་ཟིན་གྱི་ཕན་འབྲས་དང་འགྱུར་ལྡོག་རྒྱུན་ཆད་མེད་པར་མཐོང་དུ་འཇུག་དགོས།