མི་མེད་གནམ་གྲུའི་བརྙན་མིག་ནས་ཐུར་དུ་བལྟས་ཚེ།མཚོ་ངོས་ནི་གནམ་སའི་བར་མཚམས་སུ་མངོན་པར་སྤྲས་པའི“གཡུ་ཡི་སྐ་རགས”ཤིག་དང་འདྲ་བར།ཐུན་མོང་མ་ཡིན་པའི་རང་བྱུང་མཛེས་ལྗོངས་ཤིག་ཏུ་གྱུར་ཡོད་ལ།གཞན་དང་མི་འདྲ་བའི་སྒེག་ཉམས་མངོན་ཡོད།ད་ལོའི་དགུན་ཁར་དྲོད་ཚད་ཅུང་མཐོ་བའི་རྐྱེན་གྱིས།མཚོ་སྙིང་ད་དུང་འཁྱགས་པས་ཡོངས་སུ་བསྡམས་མེད་ལ།མཚོ་ངོས་སུ་སྔོ་ཞིང་དྭངས་པའི་ནམ་མཁའ་ལྡོག་འཕྲོ་བྱས་པས་མཚོ་མོ་དང་ནམ་མཁའ་གཞི་གཅིག་ཏུ་འདྲེས།འཁྱགས་པས་བསྡམས་པའི་མཚོ་ངོས་སུ་མཚར་ཉམས་མངོན་ཞིང་།མཚོ་འགྲམ་དུ་རླུང་བུས་ཁུར་ནས་ཕྱོགས་གཅིག་ཏུ་སྤུངས་པའི་འཁྱག་རོམ་རྡོག་པོ་དྭངས་ཤིང་གསལ།ཉི་མ་ནུབ་ཁར།མཚོ་ངོས་ནི་ཉི་ནུབ་ཀྱི་འོད་ཟེར་ཁྲོད་རི་མོ་ལྟར་མཛེས་ལ་ལྟ་བས་མི་ངོམ།...

ཀླུ་ནང་གི་ཆ་སྙོམས་ས་བབ་སྨི3385ཟིན་པ་དང་།གནས་འདིར་དབྱར་དུས་ཀྱི་སྤྲིན་དཀར་རྦབ་ཆུ་རི་རྩེ་རུ་རྒྱུད་པ་དང་མཚུངས་ཤིང་།སྤང་ལྗོངས་སྔོ་ཐིང་ཐིང་ས་གཞི་ཡོངས་སུ་ཁེབས་པ།འབྲོག་པའི་དགུན་སར་གངས་རི་དང་གནམ་སྔོན་པོ་ཕན་ཚུན་སྦྲེལ་ཞིང་གངས་རི་རྩེ་རུ་སྤྲིན་སྨུག་འཐིབ་པས“དག་པའི་ཞིང་ཁམས”སུ་གྱུར་ཡོད།།...

སྟོད་མངའ་རིས་ཀྱི་ས་བབ་མཐོ་ལ་གྲོང་དང་གྲོང་རྡལ་ཉུང་ཡང་།གནས་དེར་ཏི་སིའི་རི་རྒྱུད་ཀྱི་གཙོ་རི་གངས་རིན་པོ་ཆེ་དང་།མཚོ་མ་ཕམ་སོགས་ཡུལ་སྐོར་གནས་མཆོག་ཁྱད་དུ་འཕགས་པ་དང་།གནའ་ཤུལ་གྲགས་ཅན་གྱི་ལོ་རྒྱུས་ནོར་བུའི་ཕྲེང་བ་ལུང་རིགས་ཀྱི་སྲད་བུར་བསྟར་བ།འབྲོང་དང་།རྐྱང་སོགས་ནང་བཅུད་ཀྱི་སེམས་ཅན་ཞི་ལྷོད་དུ་འཚོ་ཞིང་གནས་པའི་ཡུལ་ལུང་ཉམས་དགའ་བ་ཞིག་ཡིན་རྐྱེན།སྐྱེ་བོ་དུ་མས་འདུ་འཛི་ཆེ་བའི་གྲོང་ནས་རྒྱང་དུ་གྱེས་ཏེ་སྟོད་མངའ་རིས་ཀྱི་གནས་རི་གནས་མཚོ་དང་ཐུན་མིན་གྱི་ཡུལ་གོམས་གཤིས་ལུགས་མྱོང་རོལ་དང་།འཛམ་གླིང་གི་ཡང་རྩེའི་ཡང་རྩེར་ཆགས་པའི་གནས་མཆོག་འདིས་སྦྱིན་པའི་ཐུན་མོང་མ་ཡིན་པའི་ཚོར་སྣང་ཉམས་སུ་མྱོང་བར་འགྲོ་མུས་རེད།...

མཚོ་སྔོན་པོ་ནི་རང་རྒྱལ་ཀྱི་སྐམ་སའི་མཚོ་དང་པོ་ཡིན་ཞིང་།དེ་ནི་རང་བྱུང་ཁམས་ཀྱིས་མདོ་དབུས་མཐོ་སྒང་ལ་སྦྱིན་པའི་རིན་པོ་ཆེའི་མེ་ལོང་ཞིག་ཡིན་པ་མ་ཟད།རྣམ་པར་བཀྲ་བའི་ཁ་མདོག་འདུས་ནས་དུས་ཚིགས་དང་ས་གནས།ཟུར་མང་པོ་ནས་མཛེས་བའི་ཡུལ་ལྗོངས་སྣ་ཚོགས་གྲུབ་ཡོད།དགུན་དུས་ཀྱི་མཚོ་སྔོན་པོར་རིམ་བཞིན་དར་ཆགས་པ་དང་།གཟུགས་དབྱིབས་མཛེས་པའི་ངང་དཀར་དང་མཚོ་ངོས་སུ་ཉ་འཛིན་པའི་སྐྱར་མོ་བཅས་ཀྱིས་སྐྱེས་སྟོབས་ལྡན་པའི་མི་རང་བྱུང་ཁམས་འཆམ་མཐུན་མཉམ་གནས་ཀྱི་རྣམ་པ་མཚོན་བཞིན་ཡོད།...

ཉེ་བའི་ལོ་རིང་ལ།མཚོ་སྔོན་ཞིང་ཆེན་མཚོ་ནུབ་སོག་རིགས་བོད་རིགས་རང་སྐྱོང་ཁུལ་ནགས་ལས་དང་རྩྭ་ཐང་ཅུས་ཀྱིས་ཁེ་ལུ་ཁེ་མཚོ-ཐོ་སོ་མཚེའུ་ཞིང་ཆེན་རིམ་པའི་རང་བྱུང་སྲུང་སྐྱོབ་ཁུལ་དུ་སྐྱེ་ཁམས་སྲུང་སྐྱོབ་རིམ་པ་དང་རིམ་བྱས་ཏེ། བརླན་ས་སྲུང་སྐྱོབ་དང་སླར་གསོ། སྲུང་སྐྱོབ་དང་དོ་དམ་བཅས་ལ་ཤུགས་བསྣན་ནས་བརླན་སའི་སྐྱེ་ཁམས་ཁོར་ཡུག་ཇེ་ལེགས་སུ་ཕྱིན་པ་མངོན་གསལ་ཡིན་ལ།སྐྱེ་དངོས་སྣ་མང་རང་བཞིན་མངོན་གསལ་ཇེ་མང་དུ་ཕྱིན་པས། རང་བྱུང་སྲུང་སྐྱོབ་ཁུལ་ཡོངས་ཀྱི་སྐྱེ་དངོས་སྣ་ཁ་ཇེ་མང་དང་སྐྱེ་ཁམས་མ་ལག་སྲུང་སྐྱོབ་ཇེ་ལེགས་སུ་ཕྱིན་ནས་དུས་བྱ་མང་པོ་འཕེལ་སའི་བསྟི་གནས་མཆོག་ཏུ་གྱུར་བ་ཞིག་ཏུ་ཆགས་ཡོད་དོ།།...

དགུན་ཚུགས་པ་དང་བསྟུན“མཐོ་སྒང་གི་ནོར་བུ་སྔོན་པོ”ཞེས་འབོད་པའི་མཚོ་སྔོན་པོར་ཆུ་རླབས་ཡམ་ཡོམ་གཡོ་ཞིང་ཆུ་བྱ་རིགས་མཚོ་ངོས་སུ་འདུས་པས་ཡུལ་ལྗོངས་ལྟ་ན་སྡུག་པ་ཞིག་ཡིན།མཚོ་སྔོན་པོ་ནི་མདོ་དབུས་མཐོ་སྒང་གི་ཤར་བྱང་རྒྱུད་དུ་གནས་ཤིང་།དེ་ནི་རང་རྒྱལ་གྱི་ཆེས་ཆེ་བའི་སྐམ་སའི་དབུས་ཁུལ་གྱི་ཚྭ་ཆུའི་མཚེའུ་ཡིན་པ་མ་ཟད།མདོ་དབུས་མཐོ་སྒང་ཤར་བྱང་རྒྱུད་ཀྱི་སྐྱེ་ཁམས་བདེ་འཇགས་དང་རང་རྒྱལ་ནུབ་ཕྱོགས་ཀྱི་སྐྱེ་ཁམས་དོ་མཉམ་ཡོང་བའི་ཆུ་བོ་གལ་ཆེན་ཡིན།།...

སྟོན་ཟླ10བའི་ཟླ་མཇུག་ཏུ་མཚོ་སྔོན་མཐོ་སྒང་གིས་ཁ་མདོག་རྣམ་པར་བཀྲ་བའི་དུས་ཚིགས་བསུས་ཤིང་།བྲག་དམར་དང་རྨ་ཆུ།རྩྭ་ཐང་།གངས་རི་བཅས་ཀྱིས་ཕན་ཚུན་བརྒྱན་ནས་སྟོན་དུས་ཀྱི་རི་མོ་ཞིག་ངང་གིས་གྲུབ།།...