རྒྱ་བོད་སྐད་རིགས་གཉིས་ལས་གཏམ་དཔེའི་ལོ་ཙཱ་བྱེད་ཐབས་གཞིར་བཞག་ནས་དཔྱད་བསྡུར་རགས་ཙམ་བྱས་པ་ཡིན་ཞིང་།ལོ་ཙཱའི་ལག་ལེན་དངོས་ལ་འཇུག་པའི་སྐབས་སྒྱུར་ཐབས་རིགས་དེ་གསུམ་པོ་ཁོ་ནར་བརྟེན་དགོས་པའི་ངེས་པ་མེད་པར།ད་དུང་དེ་ལས་མང་བའི་ཐབས་ལམ་གང་མང་ཞིག་ཡོད་སྲིད་པས།ང་ཚོས་རྣམ་ཀུན་རྒྱ་བོད་གཏམ་དཔེ་ལོ་ཙཱ་བྱེད་སྐབས།ཐོག་མར་གཏམ་དཔེའི་ནང་དོན་ཁོང་དུ་ཆུད་པར་བྱེད་དགོས་པ་དང་།དེ་རྗེས་བུ་ཡིག་ཏུ་མ་ཡིག་གི་གཏམ་དཔེའི་ནང་དོན་དང་ཁ་འཕྲོད་པའི་གཏམ་དཔེ་ཡོད་མེད་ལ་དོ་སྣང་བྱས་ཏེ།གལ་ཏེ་བུ་ཡིག་ཏུའང་མ་ཡིག་གི་གཏམ་དཔེའི་ནང་དོན་དང་ཆ་འདྲ་བའི་གཏམ་དཔེ་ཡོད་ཚེ་དེ་བསྟུན་གྱིས་སྤྱད་ན་ལེགས་པར་མཐོང་ཞིང་།གལ་ཏེ་བུ་ཡིག་ཏུ་མ་ཡིག་གི་གཏམ་དཔེའི་ནང་དོན་དང་ཆ་འདྲ་བའི་གཏམ་དཔེ་མེད་ཚེ།ད་གཟོད་ལོ་ཙཱའི་ཐབས་ལམ་གང་འཚམ་ཞིག་སྤྱད་དེ་བུ་ཡིག་ཏུ་བསྒྱུར་དགོས་པ་ཡིན།...

རིག་གནས་འཛུགས་སྐྲུན་དང་མི་རིགས་ཁག་བར་གྱི་འགྲོ་འོང་གོ་རིམ་ཁྲོད་བསྐྲུན་པའི་ཕན་ཚུན་མཛའ་མཐུན་དང་ཞི་གནས་ཀྱི་ལོ་རྒྱུས་སྣང་ཚུལ་དེ་ནི་རིག་གནས་ཀྱི་ལོ་ཙཱའི་ལས་ཀ་དང་འཇིག་རྟེན་མིག་ཏུ་གྱུར་པའི་མི་རིགས་ཁག་མང་པོའི་ལོ་ཙཱ་བ་དང་འབྲལ་ཐབས་མེད་པས།ལོ་ཙཱས་ཀྲུང་གོའི་ལོ་རྒྱུས་སྟེང་གི་མི་རིགས་ཁག་བར་གྱི་འགྲོ་འོང་སྤེལ་རེས་དང་མཉམ་འདྲེས་ཐད་ལ་ནུས་པ་བླ་ལྷག་ཐོན་ཡོད་པ་ཤེས་དགོས་ཤིང་།མ་འོངས་པར་འདིའི་ཕྱོགས་ལ་དོ་སྣང་དང་སྔར་བས་གཏིང་ཟབ་ཀྱི་ཞིབ་འཇུག་བྱེད་རྒྱུ་ནི་གལ་ཆེན་ནང་གི་དོན་ཆེན་ཞིག་གོ།...

དཔྱད་གཞིའི་ཡིག་ཆ་དང་ཟུར་ལྟའི་དཔེ་ཆ་ཟུང་འབྲེལ་བྱས་ནས་བོད་ཀྱི་ས་མིང་གི་ལོ་རྒྱུས་ལ་རྒྱུས་ལོན་ཡོང་བ་དང་།དེ་ལས་བོད་ཀྱི་ཡུལ་ལུང་ཁག་གི་ས་མིང་སྒྱུར་སྟངས་ཀྱི་དབྱེ་བའི་ཁྱད་ཆོས་ཤེས་འཚོལ་ཐུབ་པར་བྱས་ནས།ཁྱད་ཆོས་དེ་དག་གཞིར་བཟུང་སྟེ་དཔེ་ལ་སྦྱར་ནས་ཕན་ཚུན་བསྡུར་བའི་ཐབས་ཀྱིས་ཡུལ་སོ་སོའི་ས་མིང་སྒྱུར་སྟངས་ཀྱི་དབྱེ་བ་དང་ཧེ་བག་ཆུང་དུ་བཏང་ནས་བོད་མི་ཡོངས་ཀྱི་ངག་ནས་འདོན་ཐུབ་ལ་གོ་བ་ཡང་དག་ལེན་ཐུབ་ཕྱིར།ཡུལ་ལུང་སོ་སོའི་ས་ཆའི་གཞི་ཁྱོན་ཆེ་ས་ཁོ་ནར་མ་བལྟས་པར་ཆེ་ཆུང་གཉིས་ཀའི་ཐོག་ནས་བོད་རྒྱ་ས་མིང་ཡིག་སྒྱུར་གྱི་འགྱུར་སྐྱོན་དང་རྩ་དོན་སྐོར་རགས་ཙམ་གླེང་བར་འདོད།...

སྤྱིར་ལོ་ཙཱའི་བྱ་བ་བྱེད་པ་ལ་དེར་འབྲེལ་གྱི་གཞུང་ལུགས་བསླབ་རྒྱུ་གལ་ཆེ་ལ།སྐད་གཉིས་ཤན་སྦྱར་གྱི་དཔེར་བརྗོད་གསོན་པོ་ལས་གོ་བ་བཙལ་རྒྱུའང་ཤིན་ཏུ་གལ་ཆེ།འདིར་ཁོ་བོས་ནམ་རྒྱུན་གྱི་དཔེ་ཀློག་དང་དྲ་ཐོག་གི་འཆད་ཁྲིད་ཅི་རིགས་ལ་ཉན་པ་ལས་བསྡུ་རུབ་བྱས་པའི་བོད་རྒྱ་ཤན་སྦྱར་གྱི་ཚིག་འགའ་ཞིག་དཔེར་བརྗོད་དུ་བཀོད་ཡོད་དེ།འདི་དག་ལས་ལ་ལ་ནི་བསྟན་བཅོས་ལས་ཐད་ཀར་བླངས་ཤིང་ལ་ལ་ནི་རང་གིས་ཤེས་ཚོད་ཀྱིས་བསྒྱུར་བ་དང་།ཁ་ཅིག་ནི་མཁས་པའི་གསུང་ལས་ཐོས་པ་ཡིན།འདི་དག་མཐའ་གཅིག་ཏུ་ཡང་དག་པའི་ངེས་པ་མེད་མོད།མང་པོ་ནི་ཞིབ་འཇུག་གི་འབྲས་བུས་གཏམས་ཤིང་རྣམ་དཔྱོད་ཀྱི་མཁྱེན་རྒྱ་ཡངས་པའི་མཁས་པ་ཚོའི་བཞེད་ཚུལ་ཡིན་ཕྱིར་རང་ཅག་ལས་དང་པོ་བ་རྣམས་ལ་ཅིས་ཀྱང་བློ་བསྐྱེད་ངེས་ཅན་རེ་སྦྱིན་ཐུབ་པ་ནི་དངོས་པོའི་གཤིས་སུ་གྲུབ།དེར་མ་ཟད།རྒན་སངས་རྒྱས་ལགས་ཀྱིས་ཟླ་ཟེར་རྩོམ་སྒྲིག་ཁང་གི«བསྒྱུར་རྩོམ་ཕུན་ཚོགས་འདོད་དགུའི་རོལ་མཚོ»ལ་མགོ་བརྗོད་བྲིས་པའི་མཇུག་ཏུ།“འགྱུར་ཆོས་ཇི་ཙམ་མང་ན་བོད་ཀྱི་རྩོམ་རིག་ལ་དེ་ཙམ་གྱིས་ཟུངས་རྒྱས་ངེས་རེད།...

དེང་སང་།དུས་ཆེན་ཤར་རིམ་ལ་སྦྱར་ཡིག་སྣ་ཚོགས་པ་བཀལ་ནས།དུས་ཆེན་ལ་བཀྲ་ཤིས་རྟེན་འབྲེལ་ཞུ་བའི་སྲོལ་ཞིག་ཆགས་ཡོད།སྤྱི་ཚོགས་སྤྱོད་ཡིག་གི་དོ་དམ་བྱ་ཐབས་ལྟར་ན།བོད་དུ་ཡི་གེ་དེ་དག་ངེས་པར་དུ་བོད་རྒྱ་ཡིག་རིགས་གཉིས་སམ་དེ་ཡན་དགོས་པས།欢度雪顿、欢度藏历新年、欢度春节、欢度元旦ལ་སོགས་པ་བོད་ཡིག་ཏུ་སྒྱུར་དགོས་ཤིང་།སྒྱུར་ཡིག་ནང་ཡང་མ་དག་པ་དང་།གནད་ལ་མ་འཁེལ་བ།བོད་སྐད་ཀྱི་སྐད་འགྲོས་དང་མི་མཐུན་པའི་འགྱུར་སྣ་ཚོགས་ཐོན་དང་ཐོན་མུས་ལགས།...

«དེང་རབས་རྒྱ་ཡིག་ཚིག་མཛོད»ནི་རྒྱལ་སྲིད་སྤྱི་ཁྱབ་ཁང་གིས་རྒྱལ་ཁབ་ཀྱི་སྤྱི་སྐད་ཁྱབ་བརྡལ་དུ་གཏོང་བའི་མཛུབ་སྟོན་ལྟར།ཀྲུང་གོའི་ཚན་རིག་གླིང་སྐད་བརྡ་ཞིབ་འཇུག་སུའོ་ཡིས་མིང་བརྡ་ཚད་ལྡན་དུ་གཏོང་བ་དམིགས་ཡུལ་དུ་བཟུང་ནས་སྒྲིག་རྩོམ་བྱས་པའི་དེང་རབས་རྒྱ་ཡིག་ཚིག་མཛོད་ཐོག་མ་ཡིན་ཞིང་།ད་བར་དུ་ཐེངས་བདུན་ལ་པར་སྐྲུན་བྱས་ཡོད་པ་དང་པར་ཐེངས་རེར་ཡང་དུས་རབས་དང་བསྟུན་ནས་སྣོན་འཕྲི་བཅོས་གསུམ་གང་ལེགས་བྱས་ཏེ་ཇེ་ལེགས་ཇེ་རྒྱས་སུ་བཏང་ཡོད།པར་ཐེངས་བདུན་པ་ནི་མིག་སྔའི་ཆེས་མཐའ་མའི་པར་ཐེངས་ཡིན་ཞིང་དེས་དེང་རབས་རྒྱ་ཡིག་མིང་བརྡའི་གཞི་རྩའི་རྣམ་གཞག་དང་ཁྱད་ཆོས་ཡོངས་སུ་མཚོན་ཅི་ཐུབ་བྱས་ཡོད་ཅིང་ཐ་སྙད70132ཡིས་གྲུབ་པ་ཡིན།2021ལོའི་ཟླ12པར་ཀྲུང་གོའི་བོད་རིག་པ་དཔེ་སྐྲུན་ཁང་དང་ཚོང་དོན་པར་འདེབས་ཁང་གཉིས་ཀྱིས་མཉམ་འབྲེལ་སྒོས་དཔེ་སྐྲུན་བྱས་པའི་«དེང་རབས་རྒྱ་ཡིག་ཚིག་མཛོད(རྒྱ་བོད་ཐ་སྙད་ཤན་སྦྱར)»ནི་རྒྱའི་ཚིག་མཛོད་དབང་གྲགས་ཅན་དེའི་པར་ཐེངས་མཐའ་མ་གཞིར་བཟུང་ནས་ཐ་སྙད་ཡོངས་རྫོགས་ཆ་ཚང་བའི་སྒོ་ནས་བོད་ཡིག་ཏུ་བསྒྱུར་པ་ཡིན་ཞིང་།དེ་ཉིད་པར་དུ་བསྐྲུན་རྗེས་སྤྱི་ཚོགས་ཀྱི་འབྲེལ་ཡོད་ལས་ཁུངས་དང་ལས་རིགས་སོ་སོའི་ཆེད་ལས་མི་སྣས་དགའ་བསུ་དང་གདེང་འཇོག་ཆེན་པོ་བྱས་པ་དང་།དེ་ལ་བསྒྱུར་བྱའི་མ་ཡིག་ཁུངས་དག་ཅིང་བཙུན་པའི་ཁྱད་ཆོས་དང་སྒྱུར་མཁན་ལོ་ཙཱ་བ་གཞན་དང་མི་འདྲ་བར་སྐུ་ཡོན་ཆེ་བའི་ཁྱད་ཆོས།སྒྱུར་བྱེད་གཞུང་སྟེ་ལོ་ཙཱའི་གཞུང་ལུགས་ཀྱི་རྒྱ་ཡིས་ཡོངས་སུ་བསྡམས་པའི་ཁྱད་ཆོས།བསྒྱུར་བའི་ལས་ཀྱི་གོ་རིམ་ཚགས་ཞིབ་ཅིང་ཕྲ་བའི་ཁྱད་ཆོས།སྒྱུར་ཚིག་མཛོད་དེ་གནའ་དེང་འབྲེལ་ཡོད་སྐད་གཉིས་ཚིག་མཛོད་སྣ་ཚོགས་ཀྱིས་སྐྱོར་མ་བྱས་པའི་ཁྱད་ཆོས་སོགས་ལྡན་པས་དེང་ཕྱིན་ཉེར་མཁོའི་ཚིག་མཛོད་སྣ་ཚོགས་བོད་ཡིག་ཏུ་བསྒྱུར་བ་ལ་མིག་ལྟོས་བཟང་པོ་ཞིག་བསྐྲུན་ཡོད་དོ།།...

བོད་ཀྱི་ལོ་ཙཱ་བ་མཁས་པ་རྣམས་ཀྱིས་ལེགས་སྦྱར་སྐད་ལས་བོད་སྐད་དུ་རྒྱལ་བའི་བཀའ་དང་བསྟན་བཅོས་ཀྱི་གླེགས་བམ་ཇི་ལྟར་བསྒྱུར་ཚུལ་ལ།བཙན་པོ་ཁྲི་སྲོང་ལྡེ་བཙན་དབོན་སྲས་ཀྱི་སྐུ་རིང་ལ་བསྒྱུར་ཚུལ་སྐོར་ཐག་གཅོད་པའི་ཡིག་ཆ«སྒྲ་སྦྱོར་བམ་གཉིས»ཞེས་བྱ་བ་དང་།«བྱེ་བྲག་རྟོགས་བྱེད»ཅེས་བྱ་བའི་དགོངས་དོན་ལྟར་ན་བསྒྱུར་ཚུལ་གསུམ་ཡོད་དེ།...

ལོ་རྒྱུས་ཀྱི་ཐོག་ནས་བཤད་ན་ཡིག་སྒྱུར་གྱི་ལས་སུ་གཞོལ་བའི་ལོ་ཙཱ་བའི་གྲངས་འབོར་ཆེས་མང་ཤོས་དང་ངེས་དོན་ལོ་ཙཱའི་ཆ་སྙོམས་སྤུས་ཚད་ཆེས་ཞན་ཤོས་ཡིན་པའི་ད་ལྟའི་དུས་སྐབས་འདིར་རྒྱ་བོད་ཡིག་སྒྱུར་ཐད་བཀས་བཅད་ཚད་ལྡན་མེད་པ་དང་འགྱུར་ཡིག་གཅིག་གྱུར་མེད་པའི་གནད་དོན་ཉིད་མངོན་གསལ་ལྷག་ཡོད་པ་མཐོང་ལགས་ན།ཀུན་ཀྱིས་ཐ་སྙད་རེ་ཟུང་ཙམ་གྱིས་ཅི་ཡང་མི་གནོད་དགོངས་ནས་བཏང་སྙོམས་སུ་མ་བཞག་པར་མིང་ཚིག་རེ་རེ་ནས་འགོ་བརྩམ་སྟེ་ཚད་ལྡན་དང་གཅིག་གྱུར་ཡོང་བའི་ཕྱོགས་སུ་འཕེལ་རྒྱས་གཏོང་བར་འབད་འབུངས་ལྷོད་མེད་བྱ་དགོས་ཞེས་སོར་བཅུའི་འདབ་མ་སྙིང་ཁར་ཟུམ་ནས་ཞུའོ།།...

...

དཔྱད་རྩོམ་འདིར་ཏུན་ཧོང་ཡིག་རྙིངP.T.0988«གནའ༹་མྱི་འ༹ཛངས་བའྀ༹་དཔེའ༹»དང«གནའ་ཐེའི་ཀོང་གིས་བསྟན་པ»སོགས་ཚབ་བྱེད་རང་བཞིན་གྱི་མི་ཆོས་བསྟན་བཅོས་ཁ་ཤས་ཀྱི་བརྗོད་བྱའི་འབྱུང་ཁུངས་དང་ལྟ་བའི་གྲུབ་ཚུལ་སོགས་ལ་དབྱེ་ཞིབ་བྱས་པ་བརྒྱུད།ཡིག་ཚང་དེ་རྣམས་ལས་མཐོང་བའི་རྒྱ་ནག་དབུས་རྒྱུད་ཀྱི་ཤེའུ་ལུགས་མི་ཆོས་མཚོན་པའི་ལེགས་བཤད་དང་འབྲེལ་ཡོད་གཏམ་རྒྱུད་རྣམས་ཁོལ་དུ་ཕྱུང་སྟེ།དེ་དག་སོ་སོའི་བསྒྱུར་བྱའི་མ་ཡིག་རྣམས་རེ་རེ་བཞིན་བཙལ་ཏེ་ཕན་ཚུན་ཐོད་གཏུགས་པ་དང་།བོད་བཙན་པོའི་སྐུ་རིང་ལ་རྒྱ་ནག་ཤེའུ་ལུགས་མི་ཆོས་བོད་ཡུལ་དུ་ཐོན་པའི་ལོ་རྒྱུས་རིག་གནས་རྒྱབ་ལྗོངས་དང་།ཤེའུ་ལུགས་ལེགས་བཤད་བོད་ཡུལ་དུ་སྡུད་ལེན་བྱས་ཚུལ།འབྲེལ་ཡོད་ལེགས་བཤད་དང་གཏམ་རྒྱུད་རྣམས་བོད་ཡིག་ཏུ་བསྒྱུར་བའི་ལོ་ཙཱའི་ཐབས་ལམ་དང་ཁྱད་ཆོས་སོགས་ལ་དཔྱད་པ་མདོར་ཙམ་བྱས་ཡོད།...