ཉེ་ཆར།དཔའ་རིས་བོད་རང་སྐྱོང་རྫོང་བོད་སྐད་ཡིག་ཁྲིད་སྟོན་ལྟེ་བས་ལེགས་སྒྲིག་བྱས་པའི་རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་དཔའ་རིས་དམངས་གླུའི་དཔེ་ཚོགས་ཞེས་པའི་པོད་གསུམ་གྱི་བདག་ཉིད་ཅན་གླུ་ཤགས་སྲིད་པ་གཉེན་བྱོན་ཕྲེང་ཅན་དང་དཔའ་རིས་དམངས་གླུ་རྒྱུད་མངས་སྒྲ་དབྱངས།ཅང་ཤེས་གཡང་དཀར་འབེལ་གཏམ་ཞེས་པ་ཀན་སུའུ་མི་རིགས་དཔེ་སྐྲུན་ཁང་དང་དཔའ་རིས་བསང་བརྔོན་ཡིད་དབང་འགུགས་པའི་ལྕགས་ཀྱུ་ཞེས་པའི་དཔེ་ཆ་རྣ་ཐུང་ཅན་དེ་མཚོ་སྔོན་མི་རིགས་དཔེ་སྐྲུན་ཁང་གཉིས་ཀྱིས་དངོས་སུ་པར་སྐྲུན་ནས་ཡུལ་ཕྱོགས་ཀུན་ཏུ་བཀྲམ་པས་སྐལ་ལྡན་སྐྱེ་བོའི་སྤྱན་གྱི་ཨུཏྤལ་བུང་བུའི་འཁོར་སར་སྐྱེས་སུ་འབུལ་བ་ལགས།...

སྤྱི་ཟླ༡༡པའི་ཚེས༢༢ཉིན།ཨལ་ཐན་རྒྱལ་པོའི་རྟོགས་བརྗོད་བསྒྱུར་འགྲེལ་ཞེས་པའི་དཔེ་དེབ་ཀྱི་འགྲེམ་སྤེལ་དཔྱད་གླེང་ཚོགས་འདུ་ཟི་ལིང་གྲོང་ཁྱེར་དུ་བསྡུས་ཤིང་།དཔྱད་གླེང་ཚོགས་འདུའི་སྟེང་མཚོ་སྔོན་དགེ་འོས་སློབ་གྲྭ་ཆེན་མོའི་སློབ་སྤྱི་གཞོན་པ་ཟུར་པ།མི་རིགས་དགེ་འོས་སློབ་གླིང་གི་གླིང་གཙོ་ཟུར་པ།རབ་འབྱམས་པ་དང་འབུམ་རམས་པའི་མཛུབ་སྟོན་དགེ་རྒན།དགེ་རྒན་ཆེན་མོ་རྒྱ་ཡེ་བཀྲ་བྷོ་དང་།མཚོ་སྔོན་དགེ་འོས་སློབ་གྲྭ་ཆེན་མོའི་མི་རིགས་དགེ་འོས་སློབ་གླིང་གི་ཧྲུའུ་ཅི་གཞོན་པ་དང་གླིང་གཙོ་གཞོན་པ།རབ་འབྱམས་པའི་མཛུབ་སྟོན་དགེ་རྒན།བོད་ལྗོངས་སློབ་ཆེན་གྱི་འབུམ་རམས་པའི་མཛུབ་སྟོན་དགེ་རྒན།དགེ་རྒན་ཆེན་མོ་ལྕགས་ཐར་རྒྱལ།མཚོ་སྔོན་བོད་བརྒྱུད་ནང་བསྟན་སློབ་གླིང་གི་སློབ་གཉེར་ཁྲུའུ་ཡི་ཁྲུའུ་ཀྲང་གཞོན་པ་ཨོའུ་རྒྱ་ཚང་།མཚོ་སྔོན་དགེ་འོས་སློབ་གྲྭ་ཆེན་མོའི་མི་རིགས་དགེ་འོས་སློབ་གླིང་བོད་ཀྱི་སྐད་ཡིག་དང་རྩོམ་རིག་སྡེ་ཁག་གི་ཀྲུའུ་རིན།རབ་འབྱམས་པའི་མཛུབ་སྟོན་དགེ་རྒན།དགེ་རྒན་ཆེན་མོ་སྟོབས་ལྡན།བོད་ཀྱི་སྒྲུང་གཏམ་རྩོམ་པ་པོ་གྲགས་ཅན་ཚེ་རིང་དོན་གྲུབ་བཅས་དང་།གཞན་ད་དུང་ནང་སོག་སློབ་གྲྭ་ཆེན་མོའི་འབུམ་རམས་པ་དང་རབ་འབྱམས་པ།ཨ་མདོ་བརྙན་འཕྲིན་ཁང་།མཚོ་སྔོན་བོད་ཡིག་གསར་འགྱུར།འབའ་རྫོང་རྒྱང་སྒྲོག་བརྙན་འཕྲིན་ཁང་སོགས་ཀྱི་འབྲེལ་ཡོད་མི་སྣ་དང་གསར་འགོད་པ།སྤྱི་ཚོགས་ལས་རིགས་ཁག་ནས་ཡོང་བའི་རིག་གཞུང་ཞིབ་འཇུག་པ་དང་ཞིབ་འཇུག་སློབ་མ་སོགས་མི་སྣ་ལྔ་བཅུ་ལྷག་ཐེངས་འདིའི་དཔྱད་གླེང་ཚོགས་འདུར་ཞུགས་པ་དང་།དགེ་རྒན་ཆེན་མོ་སྟོབས་ལྡན་ལགས་ཀྱིས་ཚོགས་འདུར་མགོ་འཛིན་བྱས།...