ངོས་དང་པོ > དཔེ་གཟིགས། > གསར་པར་དཔེ་དེབ། > པཎ་ཆེན་བསོད་གྲགས་ཀྱིས་མཛད་པའི«དེབ་ཐེར་དམར་པོ་གསར་མ»པར་དུ་བསྐྲུན།

པཎ་ཆེན་བསོད་གྲགས་ཀྱིས་མཛད་པའི«དེབ་ཐེར་དམར་པོ་གསར་མ»པར་དུ་བསྐྲུན།

རྩོམ་པ་པོ།： ཡོང་ཁུངས།：མཚོ་སྔོན་པོ་དྲ་བ། དུས་ཚོད།：2026-07-08 08:30:17 ཀློག་གྲངས།：

པཎ་ཆེན་བསོད་ནམས་གྲགས་པའི་མཛད་པའི«རྒྱལ་རབས་འཕྲུལ་གྱི་ལྡེ་མིག་གམ་དེབ་ཐེར་དམར་པོ»ཉེ་ཆར་མཚོ་སྔོན་མི་རིགས་དཔེ་སྐྲུན་ཁང་ནས་པར་སྐྲུན་འགྲེམས་སྤེལ་བྱས།

«དེབ་ཐེར་དམར་པོ་གསར་མ»སྟེ། མཚན་གཞན་ལ«རྒྱལ་རབས་འཕྲུལ་གྱི་ལྡེ་མིག»ཏུ་འབོད་པའི་དཔེ་དེབ་འདིའི་མཛད་པ་པོ་ནི། དགའ་ལྡན་ཁྲི་ཐོག་བཅོ་ལྔ་པ་པཎ་ཆེན་བསོད་ནམས་གྲགས་པ་ཡིན། དཔེ་དེབ་འདི་ཁོང་གིས་སྤྱི་ལོ1538ལོར་བརྩམས་ཤིང་། ཚལ་བ་ཀུན་དགའ་རྡོ་རྗེ་ཚང་གིས་མཛད་པའི«དེབ་ཐེར་དམར་པོ»རུ་མི་གསལ་བའི་ནང་དོན་ཁག་ཅིག་སྟེ། བོད་ཁྲི་སྐོར་བཅུ་གསུམ་གྱི་ཁྲི་དཔོན་ཕལ་ཆེ་བའི་ལོ་རྒྱུས་དང་། ལྷག་པར་དུ་ཕག་གྲུ་སྡེ་སྲིད་ཀྱི་ཁྲི་རབས་བཅུ་གཅིག་པའི་བར་གྱི་གལ་ཆེའི་ལོ་རྒྱུས་མང་བོ་ཞིག་ཁ་སྣོན་མཛད་ཡོད་པས། དཔེ་དེབ་ཀྱི་མཚན་ལའང«དེབ་ཐེར་དམར་པོ་གསར་མ»ཞེས་བཏགས་ཡོད།

དཔེ་དེབ་འདིའི་ནང་དོན་གྱི་ཐད་སྡེ་ཚན་ལྔ་རུ་ཕྱེ་ཡོད་དེ། དང་པོ་རྒྱ་གར་གྱི་རྒྱལ་རབས་སྐོར། གཉིས་པ་ཤམ་བྷ་ལའི་རྒྱལ་རབས་སྐོར། གསུམ་པ་བོད་ཀྱི་རྒྱལ་རབས་སྐོར། བཞི་པ་རྒྱ་དང་ཧོར་གྱི་རྒྱལ་རབས་སྐོར། ལྔ་པ་བོད་དུ་རྒྱ་ཧོར་གྱི་ལུང་བྱུང་ཚུལ་སྐོར་བཅས་ཡིན།
«དེབ་ཐེར་དམར་པོ་གསར་མ»ནི་བོད་ཀྱི་ལོ་རྒྱུས་ཤེས་རྟོགས་དང་ཞིབ་འཇུག་བྱེད་པར་ཡིག་ཆ་གལ་ཆེན་ཞིག་ཡིན་པ་དང་། དཔེ་རྒྱུན་ཡང་ཅུང་དཀོན་པའི་གྲས་སུ་གཏོགས།

འབྲེལ་ཡོད་འོས་སྦྱོར།

暂无相关信息roking

འབྲེལ་གཏུག་ཁ་པར།：0974-8512858

འཕྲིན་སྐུར་ཡིག་ཟམ།：amdotibet@163.com