རྒྱུ་རྐྱེན་འབྲས་བུ་གསུམ་ལ་བོད་ཀྱི་ཐུན་མོང་རིག་གནས་སྐབས་ཀྱི་འགྲེལ་ཚུལ་ཞིག་དང་གསོ་བ་རིག་པའི་འགྲེལ་ཚུལ་རིགས་གཉིས་ཡོད་པ་དང་།ལྷག་པར་དུ་གསོ་བ་རིག་པའི་སྐབས་སུ་དངོས་ཡོད་ལག་ཐོག་གི་སྒོ་ནས་འཆད་སླ་བ།གོ་བདེ་བ།མིག་གིས་ཟིན་པ་ཞིག་ཡིན་དགོས་པའི་དྲན་ཚུལ་ཞིག་ཡིད་ལ་རྒྱུན་དུ་འཁོར་བས།བཤད་རྒྱུད་ཀྱི་ཆགས་རྒྱུ་དང་འཕེལ་རྐྱེན།བཙའ་རྟགས་གསུམ་དང་སྦྱར་ནས་རྒྱུ་རྐྱེན་འབྲས་བུའི་ཁྱད་པར་འབྱེད་ཚུལ་དང་།མན་ངག་རྒྱུད་ཀྱི་ནད་རྒྱུ་དང་སློང་རྐྱེན།ནད་རྟགས་གསུམ་དང་སྦྱར་ནས་རྒྱུ་རྐྱེན་འབྲས་བུའི་ཁྱད་པར་འབྱེད་ཚུལ་ལ་རང་བློས་གོ་ཚོད་ཐོས་ཚོད་ཀྱིས་ཟིན་བྲིས་ལྟ་བུ་ཞིག་བཏབ་ཡོད།...

སྤྱིར་འཇིག་རྟེན་གྱི་དངོས་པོ་ཀུན་ལ་བརྡ་ཆད་ཀྱི་འདོགས་ཚུལ་མི་འདྲ་བ་མང་དུ་མཆིས་ཀྱང་།དེ་དག་མདོར་བསྡུས་ན་དངོས་བོ་གང་ཞིག་ལ་རྒྱུ་མཚན་མེད་པར་འདོད་པ་ལྟར་བརྡ་ཞིག་སྦྱར་ནས་བཏགས་པའི་འདོད་རྒྱལ་གྱི་མིང་དང་།ཆོས་གང་གི་གཟུགས་དང་ཡོན་ཏན།བྱེད་ནུས་དང་སྦྱོར་སྡེབ།དབྱིབས་དང་ཁ་དོག་སོགས་ལ་རིག་པས་དཔྱད་ནས་བཏགས་པའི་རྗེས་གྲུབ་ཀྱི་མིང་ཞེས་མིང་ལ་འདོགས་ཚུལ་རིགས་གཉིས་ཡོད་པ་ལས།བོད་ཀྱི་གསོ་རིག་བརྡ་ཆད་ཁྲོད་དུ་རྗེས་གྲུབ་ཀྱི་མིང་གི་འདོགས་ཚུལ་ལ་གཙོ་ཆེ་བ་རྣམ་པ་བཅུ་གཅིག་ཙམ་ཡོད་པ་རེ་རེ་བཞིན་དཔྱད་པ་ལ།...

གཅིན་སྙི་ཟ་ཁུའི་ནད་ནི་རྒྱུན་མཐུད་ཚད་མཐོའི་ཁྲག་ཧྭགས(高血糖)གཞི་རྩའི་ཁྱད་ཆོས་ཡིན་པའི་དལ་བའི་རང་བཞིན་གྱི་བརྗེ་ཚབ་ན་ཚ(代谢性疾病)ཞིག་ཡིན།ནད་འདིའི་འབྱུང་རྒྱུ་གཙོ་བོ་ཕྱོགས་གཉིས་ཡིན་ཏེ།གཅིག་ནི་ལུས་ཕུང་གི་ཤན་གླིང་རྒྱུ(胰岛素)[1]ཡི་ལྡང་ཚད་དམན་པ་དང་།གཉིས་སུ་ལུས་ཕུང་ལ་ཤན་གླིང་རྒྱུ་ཡིས་བྱེད་ལས་དེ་འདྲ་ཐོན་མི་ཐུབ་པ་དེ་རེད།ཤན་གླིང་རྒྱུ་ལ་ཁྲག་ཧྭགས་ཇེ་དམའ་རུ་གཏོང་བའི་ནུས་པ་ལྡན།ལུས་ཁམས་སུ་ཤན་གླིང་རྒྱུ་མི་འདང་པ་དང་ཤན་གླིང་རྒྱུ་ལ་ཚོར་བ་ཞན་དུས་སུ།ད་གཟོད་རྒུན་ཧྭགས(葡萄糖)ཀྱི་གར་ཚད་ཇེ་མཐོར་སོང་པ་ཡིན་ཏེ།དེ་ནི་གཅིན་པ་མངར་མོ་ཆགས་པ་ལས་ཀྱང་ཚོར་ཐུབ།དེ་ནི་ཀུན་གྱིས་ཤེས་གསལ་ལྟར་གྱི་གཅིན་སྙི་ཟ་ཁུའོ།།...

ཡིག་ཚང་ལྟ་ཀློག་དང་ཞིབ་འཇུག་ཇུས་འགོད།ཞིབ་འཇུག་གི་འབྲས་བུ་ལ་དབྱེ་ཞིབ་བྱ་བའི་ཁྲོད་དུ་མཐའ་དཔྱོད་ཀྱི་བསམ་གཞིག་དང་རྣམ་འགྱུར་ངེས་པར་དུ་ཡོད་དགོས།ཡིག་ཚང་མཐོང་ཚད་བདེན་པ་ཡིན་པའི་ངེས་པ་མེད་པས་རྨོངས་དད་མི་བྱེད་པར།སྲོལ་རྒྱུན་ལ་དོགས་སློང་བྱས་ན་ད་གཟོད་ཞིབ་འཇུག་གི་མི་འདང་ས་བསྐོང་ཐུབ་ཅིང་སྔར་ཡོད་ཀྱི་གྲུབ་འབྲས་འཐུས་ཚང་ལ་གཏོང་བ་དང་རང་གི་ལྟ་བ་གསར་བ་འདོན་ཐུབ་པ་ཡིན།...

རྒྱུན་ལྡན་གྱི་གནས་ཚུལ་འོགམཆིན་པའི་ནང་གི་ཚིལ་འདུས་ཚད་མཆིན་པའི་ལྗིད་ཚད་ཀྱི3%ནས5%ལས་བརྒལ་མི་སྲིད།གལ་ཏེ་ལུས་པོར་ཚོ་རྒྱས་པ་དང་འཚོ་བཅུད་སྙོམས་སྒྲིག་མ་ཡོང་བའི་དབང་གིས་མཆིན་པས་ཚིལ་ཞག་འདོར་ལེན་བྱེད་པར་གཏོར་བརླག་ཐེབས་ཏེ།རྒྱུན་ལྡན་མིན་པའི་སྒོ་ནས་ཚིལ་ཞག་མང་པོ་མཆིན་པའི་ཕྲ་ཕུང་གི་ནང་དུ་གསོག་འཇོག་བྱས་པ་དང་།མཆིན་པར་ཚིལ་ཞག་འདུས་ཚད་མཆིན་པའི་ལྗིད་ཚད་ཀྱི5%ལས་བརྒལ་ན་དེ་ནི་མཆིན་པ་ཚིལ་འགྱུར་གྱི་ནད་ཡིན།...

དང་པོ་བབས་གསང་ནད་པས་ཤེས་པ་ནི།།ནད་དམིགས་གཟེར་ཡོད་མནན་ཚེ་ན་བ་དང་།།མནན་ན་ཕན་སྙམ་གྲང་ཤ་ཟ་བ་དང་།།གཟེར་དམིགས་མཐེབ་རྗེས་འོང་དང་བ་སྤུ་ལོག།ཤ་མདོག་འགྱུར་དང་ཁྱད་པར་སྐྱ་གསོབ་འཁྱག།ཟ་འཕྲུག་འབྲུམ་ཆུང་མང་བ་རྣམས་སུ་གདབ།།ཞེས་དང་ཡང་དེ་ཉིད་ལས།མཐེབ་མཛུབ་བར་འཇུས་སྒང་ལ་གཙགས་ཤད་གཏར།།[P997]ཞེས་ཐོག་མར་དབྱུག་རྩེས་གཙགས་པ་དང་།དེ་ནས་དབྱུག་པས་ཡང་ཡང་ཤད་པས་ཤ་ལྤགས་བར་ལ་ཤད་རྗེས་ཏེ་ཁྲག་གི་མདོག་བབས་ན་གཏར་བར་བྱ་དགོས་ཞེས་པའི་གཙགས་ཤད་གཏར་གསུམ་གྱི་ལག་ལེན་ལས་འཕྲོས་ཏེ་ཤད་བཅོས་ཞེས་བཏགས་པའོ།།དེ་ལྟར་གཙགས་ཤིང་ཤད་པས་ཀྱང་ཁྲག་མདོག་མ་བབས་ན་གཏར་བའམ་མེ་བུམ་བྱས་པས་ཀྱང་ཆོག་ཅེས་བཤད།སྨན་པས་བཙལ་བ་དོན་སྣོད་གསང་རྣམས་ཡིན་ཏེ་ཨན་སྟོང་ཚིགས་པ་དང་པོ་རླུང་གི་གསང་སོགས་གཞུང་ལྟར།གང་ན་བའི་གནས་དེའི་ཤ་གྲིམས་ཀྱི་ཆགས་ཚུལ་དང་གྱེས་དབྱིབས་ལྟར་སོ་མང་གིས་སྐྲ་ཤད་པ་ཇི་བཞིན།ལུས་ཕྱིའི་ཤ་གྲིམ་གྱི་གྱེས་ལུགས་ལྟར་གཡས་གཡོན་གོང་...