རྐོས་བཅོ་བྱིན།ཕ་རོལ་བ་ལ་འཆུན་ཕམ་བྱིན་པའམ་བརྙས་བཅོས་བྱས་པའི་དོན།དེ་རིང་ཁོས་ང་ལ་རྐོས་བཅོ་བྱིན་དེངས་ཟེར་བ་ལྟ་བུ།རྐོས་བཅོ་སྟེར་ཀྱང་ཟེར།རྐོས་ནི་སྙད་བརྐོའམ་སྙད་བརྐོས་ཞེས་པ་སྟེ།«སྒྲིག་ཁྲིམས་ཆེན་པོ་གསུམ་དང་དོ་སྣང་བྱེད་དགོས་པ་བརྒྱད»ལས།བརྒྱད་པ།བཟུང་དམག་ལ་བརྙས་བཅོས་བྱེད་མི་ཆོགཅེས་པར།བཟུང་དམག་ལ་བསྙད་བརྐོ་མི་ཆོགཅེས་བསྒྱུར་ཡོད་པ་ལྟ་བུ།བརྙས་བརྐོ་ད...

སྤྱི་ཚེས7ཉིན་ནི་སློབ་དཔོན་ཁྲོ་རུ་ཚེ་རྣམ་མཆོག་སྐུ་གཤེགས་ནས་ལོ20འཁོར་བ་དང་བོད་ལྗོངས་བོད་ལུགས་གསོ་རིག་སློབ་ཆེན་བཙུགས་ནས་ལོ35འཁོར་བའི་ཉིན་མོ་ཡིན་པས།རིག་གཞུང་བགྲོ་གླེང་ཚོགས་འདུ་གཟབ་རྒྱས་ཤིག་བོད་ལྗོངས་བོད་ལུགས་གསོ་རིག་སློབ་ཆེན་དུ་འཚོགས་པ་རེད།...

ཨ་མདོའི་ཡུལ་སྐད་ལས་རྒྱུན་སྤྱོད་མིང་བརྡ་ཁག་ཅིག་གི་ཡི་གེ་དག་མོ་ཇི་ལྟར་འབྲི་ལུགས་དང་དེའི་སྒྲ་གཟུགས་འགྱུར་སྟངས་སྐོར་ལ་རོབ་ཙམ་དཔྱད་པ།...

འགྱལ།(བྱེད་མེད་ལས་ཚིག)ཉི་མ་ནུབ་རིའི་ཕག་ལ་ཡིབ་པའམ་ཡལ་བའི་དོན་ལ།ཨ་མདོའི་ཡུལ་སྐད་དུ།ཉི་མ་འགྱལ་ཟེར་ཞིང་།འགྱའ་ཞེས་པའི་གདངས་ཐོན།ཉི་མ་ནུབ་རིའི་ཕག་ལ་འགྱལ་ཐལ།ངེད་ཚང་ཉི་མ་ཚང་འགྱལ་ཡིན་ཟེར་བ་ལྟ་བུ།འགྱལ་ཅེས་པ་འགྱེལ་ཡིག་ལས་གྱེས་པ་ཡིན་ཚུལ་སྐོར།འགྱེལ་ནི་དྲང་མོར་བསླངས་པའི་དངོས་པོ་ཞིག་ཐང་ལ་ལོག་པའི་དོན་ཡིན་པས།ཉི་མ་འགྱལ་ཞེས་པ་དེ་ཡང་དོན་གྱིས་ཉི་མ་ནུབ་རིའི་ཕག་ལ་འགྱེལ་བའི་ཚུལ་དུ་ཕར་ལོག་པ་དང་ཆོས་མཚུ...

སྤྱི་ཟླ9ཚེས5ཉིན།རྒྱལ་ཡོངས་བོད་ཡིག་དཔེ་རྙིང་ལེགས་སྒྲིག་དང་ཞིབ་འཇུག་སྐོར་གྱི་མཐོ་རིམ་བགྲོ་གླེང་ཚོགས་འདུ་ཐེངས་དྲུག་པ་བོད་ལྗོངས་སློབ་ཆེན་དུ་འཚོགས་པ་དང་།དེའི་དམིགས་ཡུལ་ནི་བོད་ཡིག་དཔེ་རྙིང་སྲུང་སྐྱོབ་དང་ལེགས་སྒྲིགཞིབ་འཇུགབེད་སྤྱོད་བཅས་བྱ་རྒྱུར་ཤུགས་སྣོན་བརྒྱབ་ནས་ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་གསར་གཏོད་རང་བཞིན་གྱི་བརྗེ་སྒྱུར་དང་གསར་སྐྲུན་རང་བཞིན་གྱི་གོང་འཕེལ་འགྲོ་རྒྱུར་སྐུལ་འདེད་གཏོང་ཆེད་ཡིན་པ་རེད།...

རྒྱུ།(དུས་མ་འོངས་པ་གསལ་བྱེད་ཀྱི་ཚིག་གྲོགས)ལས་ཚིག་གི་མཐར་སྦྱོར་སྐབས།དབྱུག་པས་རྒྱག་རྒྱུ་མིན།སྨན་འཐུང་རྒྱུ་ཡིན།བྱེད་རྒྱུ་མིན།འགྲོ་རྒྱུ་ཡིན་སོགས་རྗེས་འཇུག་བཅུ་བོའི་རྗེས་སུ་ཁྱད་མེད་དུ་རྒྱུ་སྒྲ་ཐོན་མོད།རྗེས་འཇུག་ད་བ་གཉིས་ཀྱི་རྗེས་སུ་དམིགས་ཀྱིས་ར་མགོ་བོར་བའི་གྱུ་སྒྲ་ཐོན།ཁྱོད་སྐྱིད་གྱུ་རེད།རྗེས་སུ་ཁྲིད་གྱུ་མིན།རྡོ་གད་གྱུ་རེད།དགོད་གྱུ་ཡོང་གིན།ཁལ་ཐྲུད་གྱུ་མ་རེད།དངོས་པོ་འཕྲོད་གྱུ་རེད།ཤ་འཚོད་གྱུ་...

མགོ་གཡང་སྤར།མགོ་ལ་ཕོག་ཐུག་ཆེན་པོ་བྱུང་སྟེ་ཀླད་སྲུབས་ཅུང་བསྒུལ་བའམ་ཀླད་པའི་གནས་ཅུང་ཟད་སྤར་བས་རེ་ཞིག་དྲན་པ་ཉམས་པར་གྱུར་པའི་དོན།ཨ་མདོའི་ཡུལ་སྐད་དུ།མགོ་གཡང་བསར་ཞེས་པའི་གདངས་ཐོན།རྟས་ཐང་ལ་གཡུགས་ནས་མགོ་གཡང་སྤར(བསར)།མགོར་བེ་ཅོན་གྱིས་བརྒྱབ་ནས་མགོ་གཡང་སྤར(བསར)ཟེར་བ་ལྟ་བུ།མགོ་གཡང་སྤར་བའི་རྟགས་མཚན་ནི།ཁ་བླ་བའམ་སྐྱུག་པ་སོགས་བྱེད།མཚོ་སྔོན་ཐེམ་ཆེན་རྫོང་གི་སྐད་དུ།མགོ་གཡང་གཏོར་ཟེར།ཀན་ལྷོའི་ཅོ་ནེ་རྫོང་གི་སྐད་དུ།མགོ་རྒྱ་སྤར་ཟེར།རྒྱ་སྐད་དུ།ནའོ་ཀྲིན་ཏེང(脑震荡)ཟེར།མྱོང་བ་རྒན་པོའི་ངག་སྒྲོས་ལྟར་ན།མགོ་གཡང་སྤར(བསར)བ་བྱུང་ཚེ་མིའི་རྐང་པ་གཉིས་ཀར་རིང་ཐུང་ཤོར་ཡོད་ཟེར་བས།དེ་བཅོས་ཐབས་སམ་དྲན་པ་ཕྱིར་བསུ་བྱེད་ཀྱི་གདམ་པ་ནི།མི་དེ་ཐང་ལ་དྲང་མོ...

མགོ་བསྡུས་ས།མགོ་བཞའ་སའམ་མགོ་སྦ་ས་སྟེ།རང་བཞིན་དུ་སེམས་ཅན་མི་རྒྱུ་སའམ་གཞན་གྱིས་མཐོང་མི་ཐུབ་སའི་གནས་ཀྱི་མིང་།ཨ་མདོའི་ཡུལ་སྐད་དུ།མགོ་རུས་ས་ཞེས་པའི་གདངས་ཐོན།མགོ་བསྡུས་(རུས)ས་ནས་གླ་བོས་ཉིན་དཀར་རྩྭ་བཟའ།ཞེས་དང་།ངེད་གཉིས་ཀྱིས་མགོ་བསྡུས་(རུས)ས་ཞིག་ནས་ཁ་བཟླ་བྱེད་ཟེར་བ་ལྟ་བུ།ཀན་ལྷོའི་རྨ་ཆུ་རྫོང་གི་སྐད་དུ།རང་བཞིན་དུ་མི་རྣམས་རྒྱུ་འགྲུལ་མི་བྱེད་སའམ་གཞན་གྱིས་མི་མཐོང་སའི་མིང་ལ་མགོ་བསྡུས་(རུས)ས་ཟེར་ཏེ།ས་འདི་ཅི་འདྲའི་མགོ་བསྡུས་(རུས)ས་ཞིག་རེད་ཨང་ཟེར་བ་ལྟ་བུ།ཨ་མདོའི་ཡུལ་སྐད་དུ།ཁྲལ་བསྡུས་པ་ལ་ཁྲལ་རུས་དང་།བསྡུས་ཁྲལ་བྱིན་ལ་རུས་ཁྱལ་(ཁྲལ)བྱིན།ཐང་ཕྱགས་པའི་དོན་གྱི་ཐང་བསྡུས་ལ་ཐང་རུས།གཤིན་པོར་འདུན་བྱེད་པའི་རྟགས་སུ་སྐེ་རགས་མདུན་ངོས་སུ་བསྡུས་པ་ལ་སྐེ་རགས་རུས།སློབ་མ་བ...

ཨ་མདོའི་ཡུལ་སྐད་ལས་རྒྱུན་སྤྱོད་མིང་བརྡ་ཁག་ཅིག་གི་ཡི་གེ་དག་མོ་ཇི་ལྟར་འབྲི་ལུགས་དང་དེའི་སྒྲ་གཟུགས་འགྱུར་སྟངས་སྐོར་ལ་རོབ་ཙམ་དཔྱད་པ།...

བོད་ནི་གནའ་ནས་བཟུང་རིག་གནས་ལ་དགའ་ཞེན་བྱེད་པའི་མི་རིགས་ཤིག་ཡིན་ལ།གཞན་དྲིང་མི་འཇོག་པའི་མཁས་དབང་མང་པོས་རིགས་དང་ནང་དོན་ཕུན་སུམ་ཚོགས་པའི་དཔེ་ཆ་འབོར་ཆེན་བརྩམས་ཀྱང་གནའ་དཔེ་འབོར་ཆེན་ཞིག་ད་དུང་ལག་སོན་བྱུང་མེད།གནའ་དཔེ་སྲུང་སྐྱོབ་ཀྱི་བྱ་བར་འཇུག་མཁན་དག་གིས་རིག་དངོས་རྩ་ཆེན་དེ་དག་སྔོག་འདོན་དང་སྲུང་སྐྱོབ།ཁྱབ་སྤེལ་བཅས་བྱ་རྒྱུ་ནི་ཤིན་ཏུ་གལ་ཆེ་བས།འདིར་གནའ་དཔེའི་རིན་ཐང་སྐོར་མདོ་ཙམ་གླེང་བར་བྱ་སྟེ།...