རྩོམ་སྒྱུར་བྱེད་མཁན་རྣམས་ཀྱིས་གསར་འགྱུར་དུ་འཕྲད་པའི་མིང་གསར་པ་རྣམས་འཕྲལ་འཕྲལ་དུ་བསྒྱུར་དགོས་པས་བློ་ཞིབ་མོས་དཔྱད་པ་གཏོང་ལོང་མེད་པ་དང་གཅིགམདོ་དབུས་ཁམས་གསུམ་གྱི་ཡུལ་སྐད་ལ་ཁྱད་པར་ཡོད་པས་དེ་ལ་བསྟུན་ཆེ་བ་དང་གཉིས།སྒྱུར་མཁན་རེ་རེའི་ཡོན་ཚད་མི་འདྲ་བས་མ་ཡིག་ལ་གོ་བ་ལེན་སྟངས་ཀྱང་མི་འདྲ་བ་སོགས་ཀྱི་དབང་གིས།བོད་འགྱུར་གྱི་མིང་ལའང་འགྲིག་མི་འགྲིག་ཅི་རིགས་སྣང་།...

རང་རེ་འཚོ་ཞིང་གནས་པའི་གོ་ལ་ཟླུམ་པོ་འདི་ནི་ཧ་ལམ་ལོ་ངོ་དུང་ཕྱུར135ཡི་གོང་ནས་སྲིད་པའི་འབར་གས་ཆེན་མོ་ཞེས་པ་ཞིག་བྱུང་བའི་རྗེས་སུ་འཇིག་རྟེན་གྱི་ཁམས་ཆེན་མོའི་རྫས་དང་ནུས་པ། དུས་དང་ཡུལ་སོགས་རྩ་བའི་ཁྱད་ཆོས་ཀྱི་དངོས་ལུགས་རིག་པའི་གོ་རིམ་ལས་རྫས་འགྱུར་གྱི་རིམ་པ་དང་མ་རྡུལ་གྱི་འཇིག་རྟེན་ལས་སྐྱེ་དངོས་འཕེལ་རིམ་གྱི་རྣམ་པར་གྲུབ་ཅིང་སྐྱེ་ལྡན་དང་ཚེ་སྲོག་ཡོངས་ཀྱི་ཁྱིམ་གཞིས་སུ་གྱུར་བའི་ད་ལྟའི་ཟླུམ་གཟུགས་ཀྱི་གོ་ལ་འདི་གྲུབ་པ་ཡིན་ནོ།།...

དཔྱད་རྩོམ་འདིར་ཏུན་ཧོང་གཏེར་མའི་ཡིག་ཚང་དང་རྡོ་རིང་སོགས་སུ་གསལ་བའི་བདག་སྒྲའི་པ་བ་དང་མིང་མཐའ་པ་བའི་སྦྱོར་ཚུལ་དེ།སྔོན་བྱོན་མཁས་དབང་དག་གིས་པ་བའི་སྦྱོར་ཚུལ་གཏན་འཁེལ་བྱས་པ་ལ་ཞིབ་བསྡུར་ཙམ་བྱས་པ་ལས།མིང་མཐའི་པ་བ་དང་བདག་སྒྲ་ཆར་གྱུར་དག་ལ“ག་ད་བ་ས་ན་མ་པ།།ང་འ་ར་ལ་མཐའ་མེད་བ།།”ཞེས་པས་ཁྱབ་ཀྱང་།བདག་སྒྲ་ཡར་གྱུར་སྟོན་པ་ལ་དེ་ལྟར་དུ་སྦྱར་ན་བམ་བཤད་ཙམ་ལས།མིང་བརྡ་མང་པོ་ཞིག་དང་འགལ་ཟླར་གནས་པས་ན།བདག་སྒྲ་ཡ་གྱུར་སྟོན་པ་ལ་བྱེ་བྲག་ཏུ་རྟེན་གཞིའི་མིང་སོགས་སུ་དགར་ནས་དེ་དག་གི་ངོས་ནས་པ་བ་སྦྱོར་ཚུལ་བརྗོད་ཡོད།...

ཏུན་ཧོང་བོད་ཀྱི་ཡིག་རྙིང་ནི་ད་ལྟར་རྙེད་སོན་བྱུང་བའི་ཤོག་བྲིས་ཡིག་རྙིང་རྣམས་ལས་ཆེས་སྔ་ཤོས་དེ་ཉིད་ཡིན་ཞིང་།དེ་ཡང་ནང་བསྟན་གསུང་རབ་དང་།ལོ་རྒྱུས་དཔེ་ཆ།གྲོས་ཡིགསྲིད་དོན།ཁྲིམས་ལུགས།མོ་རྩིས།ངག་རྒྱུན་གཏམ་རྒྱུད།བོན་ཆོས་ཆོ་གརྩོམ་རིགཡིག་བསྒྱུར།འཕྲིན་ཡིག་སོགས་ཐུ་བྷོད་ཀྱི་ལོ་རྒྱུས་དང་ཆབ་སྲིད།དཔལ་འབྱོར།རིག་གནས་སོགས་ནང་དོན་གྱི་ཡལ་ག་ཕྱོགས་མང་པོར་བསྲིངས་པའི་ཡིག་ཆ་ཞིག་སྟེ།ཐུ་བྷོད་ལོ་རྒྱུས་རིག་གནས་ཀྱི་ཕྱོགས་ལ་ཞིབ་འཇུག་བགྱི་བ་ལ་མེད་དུ་མི་རུང་བའི་རྒྱུ་ཆ་ནོར་བུ་རིན་པོ་ཆེ་ལྟ་བུར་གཅེས་སོ།།...

རྟགས་འཇུག་སྐབས་སུ་ལས་ཀྱི་དངོས་པོ་ལ་བྱ་བའི་ཡུལ་ཞེས་སྔོན་ཆད་ནང་བཞིན་རང་སོར་འཇོག་པ་དང་།སུམ་ཅུ་བའི་སྐབས་སུ་རྣམ་དབྱེའི་རྐྱེན་གྱི་ཡི་གེ་སྦྱར་ཡུལ་ལ་བྱ་བའི་ཁ་གཏད་ས་ཞེས་དབྱེ་བ་ཕྱེ་ན་སུམ་ཅུ་བ་དང་རྟགས་ཀྱི་འཇུག་པའི་སྐབས་ཀྱི་བྱ་བའི་ཡུལ་ཞེས་མིང་གཅིག་མཚུངས་ཡིན་པའི་ཐ་སྙད་གཉིས་འབྱུང་བ་སོགས་དགོས་མེད་ཀྱི་ཉོག་དྲ་མང་པོ་མི་འབྱུང་པའི་དགེ་མཚན་ཆེ་བར་འདུག་སྙམ་པ་འདིའང་བརྡ་སྤྲོད་གཞུང་ལ་འཇུག་སྐབས་ཀྱི་འཆར་སྣང་ཞིག་ཟིན་བྲིས་སུ་ཕབ་པའོ།།...

འདིར་བོད་ཀྱི་ཞིང་ལས་ཀྱི་བྱུང་བའི་ཐད་དུ་གཙོ་བོ་ཡིག་ཚང་ནང་འཁོད་པའི་ཞིང་ལ་སྔ་བ་ཟོ་དང་ཞིང་ཞེས་པའི་སྟེང་དུ་བཤད་ཚུལ་གཞན་འགའ་ཡོད་པའང་དཔྱད་གཞིར་བཟུང་སྟེ།སྤྱིར་མིའི་རིགས་ཀྱི་ཞིང་ལས་བྱུང་བའི་ལོ་རྒྱུས་དང་ལྷག་པར་ད་སྔའི་བོད་ཀྱི་གནའ་རྫས་དཔྱད་འབྲས་བཅས་ཕྱོགས་འགའ་ནས་དབྱེ་ཞིབ་བཏང་བ་བརྒྱུད།བོད་དུ་ཞིང་ལ་སྔ་བ་བྱུང་བའི་ཡུལ་དུས་སོགས་ག་འདྲ་ཡིན་པར་རགས་ཙམ་དཔྱད་ཡོད།...

གཞོན་ནུ་དྲུག་གི་རྟོགས་བརྗོད་འདི་ནི་གསར་སློབ་སྙན་ངག་སྦྱོང་མཁན་ཞིག་ལ་མཚོན་ན་ཟུར་ལྟའི་སྙན་རྩོམ་ཡག་ཤོས་ཤིག་ཡིན་པ་དགེ་རྒན་རིན་པོ་ཆེ་རྣམས་པས་ཡང་ཡང་གསུངས་པས།ཁོ་བོས་ཀྱང་དཔེ་ཆ་འདི་ཐེངས་བཅུ་ཁ་ཞིག་ལ་བཀླགས་ཏེ་གཞུང་འདི་ཉིད་ལ་མྱོང་ཚོར་ཞིག་བྲིས་པ་ཡིན་ལ་མྱོང་ཚོར་དེའང་ས་བཅད་གསུམ་སྒོ་ནས་བརྗོད་ཡོད་པར།དང་བོ་ཤེས་རབ་ཀྱི་ཕར་ཕྱིན་དྲུགགཉིས་པ་དགེ་བའི་བཤེས་དང་གྲོགས་དམ་པ་ལ་འགྲོགས་པ།གསུམ་པ་གཞུང་འདི་ཉིད་ཀྱི་རྗོད་བྱེད་ཚིག་གི་ཁྱད་ཆོས་བཅས་སོ། །...