རྩོམ་འདིར་དུས་རབས་བཅོ་བརྒྱད་པའི་ནང་བྱོན་པའི་བོན་གྱི་གཏེར་སྟོན་སངས་རྒྱས་གླིང་པའི་མི་ཚེ་དང་ལྟ་གྲུབ་སྐོར་ལ་ཐོག་མའི་དཔྱད་གླེང་བྱས་ཡོད།སངས་རྒྱས་གླིང་པ་ནི་མཁས་དབང་ཀུན་གྲོལ་གྲགས་པའི་རྩ་བའི་བླ་མ་ཡིན་པ་དང་།ཀུན་གྲོལ་གྲགས་པ་མཆོག་ལ་རྒྱལ་རོང་དུ་བོན་བསྟན་སྤེལ་དགོས་པའི་བཀའ་བསྩལ་མཁན་ཀྱང་ཡིན།སངས་རྒྱས་གླིང་པ་མཆོག་ལྷོ་ཚ་བ་རོང་དང་དབུས་གྱིམ་ཤོད་ཁྱུང་པོ་ཡུལ།ནུབ་ཀོང་པོ་རོང་དང་ཤར་རྒྱལ་མོ་རོང་སོགས་སུ་ཕེབས་ཏེ་མཛད་འཕྲིན་སྐྱོང་མྱོང་བས།ཡུལ་དེ་དག་གི་སྐབས་དེའི་ཆབ་སྲིད་གནས་བབ་དང་ཆོས་ལུགས་དད་མོས་སྤྱི་ཚོགས་གནས་སྟངས་སོགས་ལ་ཞིབ་འཇུག་དགོས་ན་མ་གླེང་ཐབས་མེད་ཀྱི་མི་སྣ་ཞིག་ཏུ་གྱུར་ཡོད།ཁོང་རྒྱལ་རོང་དུ་བྱོན་པའི་སྐོར་ནས་མཁར་རྨེའུ་བསམ་གཏན་ལགས་ཀྱིས་རྩོམ་དེབ«མདའ་དང་འཕང»ནང་ཅུང་ཟད་གླེང་ཡོད་པ་ལས།དེ་མིན་ཁོང་གི་ལྟ་གྲུབ་ལ་ཞིབ་འཇུག་བྱས་པའི་རྩོམ་ཡིག་མཐོང་དཀོན་པར་གྱུར་ཡོད།ཁོང་ནི་དུས་སྐབས་དེར་བོན་གསར་མའི་འཕེལ་རྒྱས་ཐད་ལ་ནུས་པ་ཆེན་པོ་འདོན་མྱོང་མཁན་དང་བོན་གསར་མའི་འཕེལ་རྒྱས་ཐད་ནས་ཤུགས་རྐྱེན་ཆེ་ཤོས་ཀྱི་མི་སྣ་ཞིག་ཆགས་ཡོད།དེ་བཞིན་ཁོང་གིས་གྲུབ་མཐའ་རིས་མེད་ཀྱི་སྐྱེས་ཆེན་རྣམས་ལ་འབྲེལ་འདྲིས་གནང་སྟེ་བོད་ཀྱི་ཆོས་རྒྱུད་བར་གྱི་མཐུན་སྒྲིལ་ལ་ཤུགས་སྣོན་བརྒྱབ་ཡོད་པ་དང་།བོན་ཆོས་རིས་མེད་ཀྱི་ལྟ་གྲུབ་ལག་ལེན་དངོས་ཀྱི་ཐོག་ནས་འབད་བརྩོན་གནང་མཁན་གྱི་མི་སྣ་ཞིག་ཀྱང་ཆགས་ཡོད།ཁོང་གིས་སྐབས་དེའི་ཆབ་སྲིད་གནས་བབ་དང་སྤྱི་ཚོགས་ཁོར་ཡུག་དང་བསྟུན་ཏེ་བོན་གྱི་དགོན་སྡེ་གསར་བཞེངས་དང་བཅའ་ཁྲིམས་ལེགས་བཅོས།བུ་སློབ་གསོ་སྐྱོང་གནང་བ་སོགས་བོན་གྱི་གཙང་དགོན་གྱི་གནས་བབ་ལ་འགྱུར་ལྡོག་ཆེན་པོ་བཏང་གནང་ཡོད།དེས་ན་གུས་པས་ཁོང་གི་མི་ཚེ་དང་ལྟ་གྲུབ་སྐོར་ནས་དེང་རབས་ཚན་རིག་གི་ཞིབ་འཇུག་ཐབས་ལམ་སྤྱད་དེ་དཔྱད་རྩོམ་འདི་བྲིས་པ་ཡིན།རྩོམ་འདིར༡ཁོང་གི་རུས་རིགས་མཁས་པ་རྨེའུ་ལ་གཏོགས་ཚུལ་དང་རྨེའུའི་རུས་རྒྱུད་མདོ་ཁམས་སྡེ་དགེ་དང་ལྷོ་ཚ་བ་རོང་དུ་གྱེས་ཚུལ་སྐོར།༢ ཁོང་གི་སློབ་དཔོན་དང་།ཁོང་གི་མཚན་གྱི་རྣམ་གྲངས།༣ཁོང་གི་སློབ་མ། ༤ ཁོང་དང་ཏཱ་ལའི་བླ་མ་རྒྱལ་བ་སྐུ་ཕྲེང་བདུན་པ་བསྐལ་བཟང་རྒྱ་མཚོ་དང་མཇལ་འཕྲད་བྱུང་བའི་སྐོར།༥ ཁོང་དང་འབྲེལ་བ་ཡོད་པའི་བླ་དཔོན་མི་དྲག་ཁག་ཅིག་གི་མཚན་ཐོ།༦ ཁོང་གི་མི་ཚེའི་ལྟ་བ་བརྗོད་པ་བཅས་དོན་ཚན་དྲུག་གི་སྒོ་ནས་གླེང་ཡོད།...

༄༅།།གངས་རིའི་ལྗོངས་ཀྱི་མཁས་གྲུབ་དུ་མས་འཇམ་མགོན་བླ་མ་ས་སྐྱ་པཎྜི་ཏ་ལ་ཕུལ་བའི་བསྟོད་ཚིག་རྣམས་ཕྱོགས་གཅིག་ཏུ་སྒྲིག་པ་རབ་དཀར་མགུལ་རྒྱན་ཞེས་བྱ་བ་བཞུགས་སོ།།...

བོད་ཁ་བ་ཅན་ནི་ལྷ་དང་ལྷ་མོའི་ཞིང་ཁམས་ཤིག་སྟེ།དེར་འཇིག་རྟེན་པའི་ལྷ་ཡུལ་ལྷ་གཞི་བདག་དང་འཇིག་རྟེན་ལས་འདས་པའི་ལྷ་ཡི་དམ་ཆོས་སྐྱོང་སོགས་མང་པོ་ཞིག་མི་རབས་ནས་མི་རབས་བརྒྱུད་བོད་རྣམས་ཀྱི་དད་རྟེན་དུ་བཞུགས་ཡོད།དེ་ཡང་འདི་དག་གི་ཁུངས་དེད་ན་སྟོད་རྒྱ་གར་འཕགས་ཡུལ་ནས་ཕེབས་པའི་ཕྱི་ནང་གཉིས་ཀྱི་ལྷ་དང་།སྨད་རྒྱ་ནག་ཕོ་བྲང་ནས་འོང་བའི་སྲུང་མ་ཡོད་པར་མ་ཟད།གནའ་སྔ་མོ་ནས་མཐོ་སྒང་འདིའི་སྣོད་བཅུད་གཉིས་སྲུང་བའི་ལྷ་ཡང་མང་པོ་ཞིག་ཡོད།...

ཨ་ལགས་འཇམ་དབྱངས་ཚང་ནི་བོད་ཀྱི་གསོ་རིག་ལ་བཀའ་དྲིན་བླ་ལྷག་ཆེ་བ་ཞིག་ཡིན།...

འདིར་ཁམས་སྡེ་དགེ་རྫོགས་ཆེན་དགོན་པའི་མཁས་ཆེན་འགའ་ཞིག་གི་རྣང་ཐར་མདོར་བསྡུས་ཙམ་རེ་བཀོད་ཡོད།...

གལ་ཏེ་མཁས་དབང་དགེ་འདུན་ཆོས་འཕེལ་མཆོག་ནི་ཁ་དོག་ཅིག་ཡིན་ན།དཀར་པོ་དང་དམར་པོ་སོགས་མདོག་སྣ་གཅིག་གིས་མཚོན་མི་ཐུབ་ཅིང་།དེ་བཞིན་ཁོང་ནི་རིན་པོ་ཆེ་ཞིག་ཡིན་ན།ཨིནྡྲ་ནཱི་ལ་དང་མརྒད་སོགས་ནོར་བུ་རིགས་གཅིག་གིས་ཀྱང་ཚབ་བྱེད་མི་ནུས་པ་ཞིག་ཡིན་པས།དམ་པ་འདིས་རང་ཉིད་འཛམ་གླིང་ན་དཀོན་པའི་བཻཌཱུརྱའི་བུམ་པ་ཞིག་ལ་ཆ་འཇོག་པའི་རྒྱུ་མཚན་ཡང་ངེས་ཅན་ཞིག་ཡོད།...

བོད་ཀྱི་སྒྲ་བསྒྱུར་ལོ་རྒྱུས་སུ་སློབ་དཔོན་ཐོན་མི་ནས་མཁས་དབང་དགེ་ཆོས་བར་ལོ་ཙཱ་བ་བདུན་བརྒྱ་ལྷག་བྱོན་མྱོང་ཡང་།ཕལ་མོ་ཆེ་ཞིག་གི་མཚན་ཙམ་ལས་འཁྲུངས་འདས་ལོ་ཚིགས་གསལ་ཞིང་།བསྟན་པ་ལ་བྱ་བ་ཅི་ཞིག་བསྒྲུབས་པ་ཞིབ་མོར་བརྗོད་པའི་རྣམ་ཐར་སོགས་མེད་པས།ལོ་རྒྱུས་ཆོས་འབྱུང་དང་།བཀའ་བསྟན་དཀར་ཆག།གསན་ཡིག་སོགས་ལས་རེ་རེ་བཞིན་མ་བཙལ་ན།གླེགས་བམ་གཅིག་ལ་ལོ་ཙཱ་བ་གང་དེའི་སྐུ་ཚེ་རིལ་པོའི་མཛད་པ་ཆ་ཚང་བ་ཞིག་བརྗོད་པ་མང་པོ་མི་འདུག།ཚན་པ་འདིར་ད་ཕན་གུས་པས་ལོ་ཙཱ་བ་ཉེར་དགུ་ལྷག་གི་རྣམ་ཐར་ལ་མཇལ་བ་རྣམས་དཀྱུས་སུ་བཟུང་ནས་གླེང་འཆར་ལགས།...

བོད་ཀྱི་ལོ་ཙཱ་བ་རྣམས་ལ་ཡང་དེ་ལྟ་བུའི་ལུགས་སྲོལ་ཞིག་མཆིས་པ་ནི།ཁོང་ཅག་གི་རིགས་རུས་མཆེད་ཁུངས་ཡར་ལ་དེད་དུས་བཙན་པོ་རྣམས་ཀྱི་བློན་ཆེན་ཚོར་གཏུགས་པ་དེ་རེད།གུས་པས་མཇལ་བའི་བོད་ཀྱི་ཡིག་ཚང་རྣམས་ལས་གདུང་རུས་འགོས་དང་།རྔོག་དང་།ལྕེ་དང་།འཁོན་གྱི་ལོ་ཙཱ་བ་རྣམས་དང་།ལོ་ཙཱ་བ་བྱམས་པ་གླིང་པ་བཅས་ནི་བློན་པོ་རྣམས་ཀྱི་གདུང་རྒྱུད་ཡིན་པར་གྲགས།...