ཕྲ་རབ་ཕྲ་མོ་སྐྲ་རྩེ་དང་།།སྐེ་ཚེ་ཤིག་དང་ནས་དང་སོར།།བདུན་པོ་བརྒྱད་འགྱུར་དག་ཡིན་ནོ།།སོར་མོ་ཉི་ཤུ་རྩ་བཞི་ལ་ཁྲུ།།ཁྲུ་བཞི་ལ་ནི་གཞུ་གང་ངོ་།།གཞུ་དེ་སྟོང་ཕྲག་གཉིས་ཀྱིས་ནི།།རྒྱང་གྲགས་ཉིད་དུ་འདོད་པ་ཡིན།།དེ་བཞི་ལ་ནི་དཔག་ཚད་དོ།།ཞེས་སོ།།འདི་དང་ཆོས་མངོན་པ་ནས་བཤད་པ་ལ།རྒྱང་གྲགས་ལ་བཞི་འགྱུར།དཔག་ཚད་ལ་ཉིས་འགྱུར་གྱི་ཁྱད་སྣང་ངོ་།།མངོན་པར་གཞུ་འདོམ་ལྔ་བརྒྱ་ལ་རྒྱང་གྲགས།རྒྱང་གྲགས་བརྒྱད་ལ་དཔག་ཚད་དུ་འདོད་དོ།།འདུལ་བར་ཕྲ་རག ཕྲ་མོ།ཆུ།ལྕགས།རི་བོང་།ལུག།གླང་།ཉི་ཟེར་གྱི་རྡུལ།སྲོ་མ།ཤིག།ནས།སོར་ཏེ།རྡུལ་ཕྲ་རབ་འདི་རྣམས་སྔ་མ་དྲུག་ལ་ཕྱི་མ་རྡུལ་ཕྲ་མོ་གཅིག་གོ།སོར་བཞི་དྲུག་ལ་ཁྲུ་གང་ངོ་།ཁྲུ་ཕྱེད་དང་བཞི་ལ་མིའི་སྲིད་དོ།།ཁྲུ་བཞི་ལ་གཞུའོ།།དེ་ལྔ་བརྒྱ་ལ་རྒྱང་གྲགས་སོ།།དགོན་པའི་དང་པོ་ནི།དེའི་མཐའོ།།ཞེས་སོ།།ཁྲུ་དོ་ནི།ལུས་ཀྱི་ཆ་བདུན་ལས་གཉིས་སོ།།བྱང་དུ་དེ་ནི་བསིལ་བའི་རི་སྟེ།པད་འདང་བཟང་པོ་བཞིན།ཕྱི་རུ་གཞུའི་རྣམ་པའི་དུས་ཁྱིམ་ཞེས་གོ་ལའི་རི་མོའོ།།བསོད་ནམས་གྲུབ་ཀྱི་ཡི་དམ་དུ་བྱ་བའི་ཆོས་སོ།།...

བསམ་པ་དང་སྦྱོར་བ་གཉིས་སུ་འགྲོ་ལྡོག་ངེས་པས།བསམ་པ་ཚེ་འདིའི་བསམ་པ་ཡོད་པས་རྟགས་སུ་ཡང་སྦྱོར་བ་ཚེ་འདིའི་འདུན་མ་བྱེད།བསམ་པ་ངེས་འབྱུང་ཡོད་པ་དང་།བྱང་ཆུབ་སེམས་དཔའ་ཡང་འཁོར་བ་ནས་ཅི་ཐར་དང་གཞན་དོན་དུ་ཅི་འགྱུར་བྱེད་པ་སྟེ།ལག་ལེན་ཡང་དེ་བཞིན་དུ་བྱེད་པ་ཡིན།ཆོས་ནས་ཇི་སྐད་བཤད་པ་བཞིན་རང་གིས་བྱེད་དགོས་པ་ཡིན།རང་གིས་ཇི་ལྟར་བྱས་པ་བཞིན་བཤད་དགོས་པ་ཡིན།རང་ཆོས་བཞིན་དུ་མི་བྱེད་པར་མི་ལ་བཤད་ཀྱང་མཛེ་ཕོའི་བྱ་ཁྱུང་གི་སྒྲུབ་ཐབས་སུ་འགོ་བ་བཞིན་དུ་ཉན་མཁན་མི་འོང་།...

མཐུན་པའི་དགེ་ཚོགས་སྨོན་ལམ་རྨད་བྱུང་ཞིང་།།སྤྱོད་པ་སྤྱོད་ཚེ་ནམ་ཡང་མཆེད་གྱུར་ལ།།བསྐལ་བཟང་གཅིག་ལ་མཛད་པ་མཐར་ཕྱིན་པའི།།རྫོགས་པའི་སངས་རྒྱས་སྟོང་ལ་ཕྱག་འཚལ་ལོ།།གང་ཞིག་ཡིད་ལ་ལན་ཅིག་དྲན་པས་ཀྱང་།།རེ་བའི་བུམ་བཟང་གཏན་འདུན་འཆི་མེད་ཀྱི།།བདུད་རྩིས་འགེངས་མཛད་མི་ཟད་ཡོད་ཏན་གཏེར།།རྫོགས་པའི་སངས་རྒྱས་སྟོང་ལ་ཕྱག་འཚལ་ལོ།།མི་མཇེད་ཞིང་གི་འགྲོ་བ་མ་ལུས་པ།།ཚད་མེད་ཐུགས་རྗེའི་ཕྱག་གིས་ཡོངས་བཟུང་སྟེ།།ཉམ་ངའི་གཡང་ལས་སྒྲོལ་བའི་འདྲེན་པ་མཆོག།།རྫོགས་པའི་སངས་རྒྱས་སྟོང་ལ་ཕྱག་འཚལ་ལོ།།མ་རུངས་བདག་འདྲའི་འགྲོ་ལ་ལྷག་པར་ཡང་།།ཐུགས་རྗེའི་འཇུག་པ་ཕུལ་དུ་བྱུང་གྱུར་བས།།བརྩེ་བའི་ལྕགས་ཀྱུས་ནམ་ཡང་མི་གཏོང་བ།།རྫོགས་པའི་སངས་རྒྱས་སྟོང་ལ་ཕྱག་འཚལ་ལོ།།བཟང་བོའི་ཐུགས་བསྐྱེད་སྨོན་ལམ་ལྷན་ཅིག་བས།།...

སྤྱན་རས་གཟིགས་དབང་ཞལ་གྱི་མཆེ་བའི་རྩེ་ལས་མངོན་སྤྲུལ་ཞིང་།།ཐུགས་རྗེའི་རྣམ་འཕྲུལ་མཐའ་ཡས་ཕ་རོལ་རྗེས་སུ་གཟུང་བའི་ཕྱིར།།ཚངས་པའི་བུ་མོ་མཛེས་མ་ཁྱོད་སྐུ་གསལ་བའི་རྣམ་འགྱུར་ཅན།།བིཥྞུའི་གཟུགས་ཅན་ཏམྦུ་ར་ལ་དགའ་བསྐྱེད་ཚུལ་འཛིན་མ།།...

གངས་དཀར་ཏི་སེ་སྐད་པ་དེ།།མ་མཐོང་རྒྱང་ནས་སྒྲ་ཆེ་བ།།ཤེལ་དཀར་གྱི་མཆོད་རྟེན་འདྲའོ་སྐད།།མཐོང་ནས་དྲུང་དུ་བསླེབས་པ་ན།།རི་མགོ་ཁ་བས་གཡོགས་པ་གཅིག།རི་མགོ་ཁ་བས་གཡོགས་པ་དེ།།སྔོན་བདེ་གཤེགས་ཉིད་ཀྱིས་ལུང་བསྟན་པ།།རི་བོ་གངས་ཅན་བྱ་བ་ཡིན།།སྤྱིར་འཛམ་བུའི་གླིང་གི་ལྟེ་བ་ཡིན།།སེང་གེ་དཀར་མོའི་འགྱིང་ས་ཡིན།།ཤེལ་དཀར་གྱི་མཆོད་རྟེན་འདྲ་བ་དེ།།དཔལ་འཁོར་ལོ་སྡོམ་པའི་ཕོ་བྲང་ཡིན།།དེ་མཐའ་གངས་རིས་བསྐོར་བ་དེ།།དགྲ་བཅོམ་ལྔ་བརྒྱའི་བཞུགས་གནས་ཡིན།།སྡེ་བརྒྱད་ཀུན་གྱིས་མཆོད་པའི་རྟེན།།དེ་མཐའ་གངས་རིས་བསྐོར་བ་དེ།།སྤོས་ངད་ལྡན་པའི་རི་བོ་ཡིན།།སྨན་ཤི་གསོས་ཀྱི་བདུད་རྩི་འཁྲུང་ས་ཡིན།།གྲུབ་པ་ཐོབ་པའི་གནས་ཆེན་ཡིན།།ཟག་མེད་ཏིང་འཛིན་བརྙེས་ས་ཡིན།།ངོ་མཚར་དེ་བས་ཆེ་བ་མེད།།ཡ་མཚན་དེ་བས་ཆེ་བ་མེད།།...

སྟེང་ནམ་མཁའ་ཡངས་པའི་དབྱིངས་རུམ་ནས།།ལས་རྣམ་དག་མཁའ་འགྲོའི་བླ་བྱ་ཁྱོད།།སེམས་བག་ཕོབས་ང་ཡི་ཚིག་ལ་ཉོན།།ཁྱོད་གར་འགྲོ་གང་ནས་འོང་བ་ཡིན།།ང་བྱིས་པ་མ་མེད་དྭ་ཕྲུག་ཡིན།།ངའི་ཨ་མ་བོར་ནས་ཟླ་གཅིག་སོང་།།གནས་གང་སོང་མ་གོ་སྡུག་བསྔལ་ཆེ།།ཁྱོད་རྩལ་ལྡན་ཐང་དཀར་རྒོད་པོ་ལོ།།...

གངས་རིའི་ཁྲོད་འདིར་ཕྱིས་ཀྱི་བསྟན་འཛིན་ཆེན་པོ་འགྲན་ཟླ་དང་བྲལ་བ་བློ་བཟང་གྲགས་པའི་དཔལ་གྱི་ངང་ཚུལ་མདོ་ཙམ་དུ་བརྗོད་པ།དད་པའི་པད་མོ་རྒྱས་པར་བྱེད་པའི་བསྟོད་ཚིག་གི་ཉི་མ་ཞེས་བྱ་བ།གཙང་སྟག་ཚང་གི་ལོ་ཙཱ་བ་དགེ་སློང་ཤེས་རབ་རིན་ཆེན་རྒྱལ་མཚན་དཔལ་བཟང་པོས་དགེ་འཕེལ་ཆོས་འཁོར་སྒང་དུ་སྦྱར་བའོ།།...

མར་ལ་བལྟས་པས་ཁམས་གསུམ་འཁོར་བ་ཡི་གྲོང་ན།།མ་རྒན་འགྲོ་དྲུག་སྣ་ཚོགས་སྡུག་བསྔལ་གྱིས་མནར་འདུག།འདི་འདྲ་མཐོང་བས་སྙིང་རྩ་དབང་མེད་དུ་འདར་ནས།།ཨོ་ལོའི་སེམས་པ་དམ་པའི་ལྷ་ཆོས་ལ་ཤོར་སོང་།།...

སྲིན་བུ་མི་གཙང་དྲི་ལ་འཁོར་བ་བཞིན།།གཙང་བདག་བདེ་དང་རྟག་འཛིན་གྱི།།རྒྱུ་ལས་ཉེས་ཚོགས་ཀུན་འབྱུང་བས།།ཉེས་ཀུན་ཞི་བའི་འགོག་པ་ཐོབ་ན་བདེ།།དེ་འཐོབ་བྱེད་ཡང་དག་རིགས་པའི་ལམ།།དེའི་རྩ་བ་རྣམ་དག་ཚུལ་ཁྲིམས་ཡིན།།དེ་ལེགས་པར་བསམས་ན་རང་ལ་ཕན།།བློ་སྣ་ནང་དུ་ཁུག་ཅིག་ཨང་།།...

ཕྱོགས་ནས་འགྲུལ་པ་ལ་སྨྲས་པ།རིན་པོ་ཆེ་ལོ་ཙཱ་བ་སྐུ་ཁམས་བཟང་ཞིང་།འཕྲིན་ལས་རླབས་པོ་ཆེ་མཛད་པ་ལ་བར་ཆད་མ་མཆིས་པར་འཁུམས།དེ་བདག་ཅག་ལ་སོགས་པ་འགྲོ་བ་ཐམས་ཅད་ལ་བཀའ་དྲིན་ཆེ་ཞིང་ཐུགས་ལ་བཏགས།འགྲོ་བ་མང་པོ་བླ་ན་མེད་པའི་བྱང་ཆུབ་ལ་འགོད་པར་བྱ་བའི་ཕྱིར་དང་།བདག་ཉིད་ཆེན་པོ་ཁྱེད་རང་ཉིད་སྐུའི་རིམ་འགྲོ་ལ།ཡུལ་དབུས་གཙང་གི་དགེ་བའི་བཤེན་གཉེན་ཐོས་བསམ་བསྒོམ་གསུམ་དབང་ཕྱུག་དུ་མ་རྣམས་སྤྱན་དྲངས་ནས།ཆོས་ཀྱི་འཁོར་ལོ་ལེགས་པར་བསྐོར་བ་དང་།འདུ་འགྱེད་ངོ་མཚར་ཅན་དུ་མ་མཛད་པ་ངོ་མཚར་ཤིན་ཏུ་ཆེ་ཞིང་རྗེས་སུ་ཡི་རང་།...