ནངས་སྔ་མོ་ཚྭ་ཆུ་དང་དགུང་མོ་སྦྲང་རྩི་འཐུང་ན་ཕན།

   དགུན་ཁའི་ནམ་ཟླར་སྐམ་ཤས་ཆེ་བས་དུས་རྒྱུན་དུ་མི་ལ་ཚ་དྲོད་རྒྱས་པ་དང་རྩ་འགག་པ།   ཟས་མི་འཇུ་བ་སོགས་ཀྱི་ན་ཚུལ་འབྱུང་ངེས།  ཀྲུང་ལུགས་གསོ་རིག་གི་ལུས་གསོ་རིག་པ་ལས“ནངས་སྔ་མོ་ཚྭ་ཆུ་དང་དགུང་མོར་སྦྲང་རྩི་འཐུང་ན་ཕན”ཞེས་པ་དེ་དགུན་དུས་སུ་ཧ་ཅང་རན་པ་རེད།

     ཀྲུང་ལུགས་གསོ་རིག་ལས་ཚྭ་ཁུ་ལ་ཚ་འཇོག་པ་དང་དུག་སེལ་བ་བཅས་ཀྱི་ནུས་པ་ཡོད།  དེའི་རྐྱེན་གྱིས་ནངས་སྔ་མོ་མལ་ལས་ལངས་རྗེས་ཁོག་སྟོང་དུ་ཚྭ་ཆུ་དཀར་ཡོལ་གང་འཐུང་ན་ཚ་ཞི་བ་དང་མཁལ་མར་ཕན་པ།  རྩ་གཏོང་བདེ་བ།  ཕོ་བའི་ཟས་འཇུ་བ་དང་བསྡུ་ལེན་བྱེད་པའི་ཕན་ནུས་ཇེ་ལེགས་སུ་འགྲོ་ངེས། 

     སྦྲང་རྩི་འཐུངས་ན་ལུས་སྟོབས་ཀྱི་ཉམས་གསོ་བ་དང༌།   རྩ་དཀར་གྱི་ནད།  དབང་བོ་མི་གསལ་བ།  ཤ་འཕེལ་གྱི་ནད།  ན་ཟུག་འཇགས་པ།  དུག་སེལ་བ་བཅས་ལ་ཕན་པ་དང༌།  དེ་ལས་རྒྱུན་ལྡན་དུ་ཕོ་ནུས་ཉམས་པ་དང་ཟས་མི་འཇུ་བ།   གློ་བ་ཉམས་པ་དང་དབུགས་འཚང་བ།  རྩ་འགག་པ་སོགས་ཀྱི་ནད་ལ་ངེས་པར་དུ་ཕན་པ་རེད།  དེང་རབས་གསོ་རིག་ཞིབ་འཇུག་ལས་བདེན་དཔང་བྱས་པ་ལྟར་ན།  སྦྲང་རྩི་ནང་རྒུན་འབྲུམ་མངར་ཆ་དང་འཚོ་བཅུད།  ལིན།  ཀེད་སོགས་ཀྱི་གྲུབ་ཆ་འདུས་པས་དབང་རྩའི་མ་ལག་གི་ཕན་ནུས་ལ་སྙོམས་སྒྲིག་བྱེད་ཐུབ་ཅིང་ཟས་ཀྱི་དང་ག་ཇེ་ཆེར་འགྲོ་བ་དང་གཉིད་ལོག་པའི་སྔོན་དུ་སྦྲང་རྩི་ཧའོ་ཧྲིན10ནས20ཆུ་ཁོལ་ནང་བླུགས་ནས་འཐུང་ན་མཚེར་གསོ་ཕོ་བདེ་དང་ཕོ་མཚེར་གསོས་ནས་ལུས་ཟུངས་རྒྱས་ཐུབ་པ་མ་ཟད།  ད་དུང་སེམས་འཇགས་པ་དང༌།  སུན་སྣང་མེད་པ་བཅས་ཀྱི་ནུས་པ་ཐོན་ངེས། 

     ཚྭ་ཆུ་དང་སྦྲང་རྩི་འཐུང་སྐབས་ཀྱང་མཉམ་འཇོག་དགོས་པ་ཞིག་ནི་ཚྭ་ཁུ་ནང་རྫས་སྣ་མང་པོ་འདུས་པས་ཁྲག་རྩ་ཇེ་མཐོར་འགྲོ་ངེས།  དེའི་ཕྱིར་ཆུ་ཧའོ་ཧྲིན100ཡི་ནང་ཚྭ་ཁུ་ཁི0.9བཏབ་ན་ལེགས།

     མཁལ་ཕོར་གྱི་དྲག་ནད།  མཆིན་པ་མཁྲེགས་འགྱུར།  ཆུ་བསགས་ནད་པ་བཅས་ཀྱིས་རབ་ཡིན་ན་ཆུ་ཁོལ་གྱིས་ཚབ་བྱས་ནས།  མཁལ་མ་དང་སྙིང་ནད་འཕར་བར་གཡོལ་དགོས།  སྦྲང་རྩི་ནང་དུ་མངར་ཆ་འདུས་ཚད་ཅུང་མང་པས།  གཅིན་སྙི་ཟ་ཁུའི་ནད་པས་འཐུང་མི་རུང༌།