༄༅། །ཨ་བོར་དགོས་ནོ་ནུ་གཞི་རེད། (བརྙན)

སྟོད་དབུས་གཙང་དབུས་སྒ་སེར་བོ།
དབུས་སྒ་སེར་པོ་བསྟད་ན་ཡག
ཁ་ནས་ཡེ། ཁ་ནང་ནས་ཁུ་གཡང་།
རི་མོ་ཡེ། བཀྲ་ཤིས་རྟགས་བརྒྱད།
ཁྱོད་ནི་ཡེ། ཕ་ཡུལ་ཕྱོགས་མགྲོན་པོ།
ང་ནི་ཡེ། དུས་གསུམ་གྱི་བླ་མ་ལ་རྩེད།

ཚིག  དམངས་ཁྲོད།
དབྱངས། དམངས་ཁྲོད།
ལེན་མཁན། དིང་གླིང་ཚན་སྡེབ།

ཨ་རྩེད། 
ཨ་བོར་དགོས་ནོ་ནུ་གཞི་ཨ་འགྲོ་རེད།
ནུ་གཞིར་དགོས་ནོ་ཞྭ་མོ་ཨ་འགྲོ་རེད།
མགོ་ཞྭ་མོ་འོ་སྐོལ་བསོར་ར་ཨ་འགྲོ་གོན།
མགོ་གི་ཨ་ལོང་རྩེད།
མགོ་ན་ཞྭ་མོ་ལྡེམ་ལྡེམ།
སྐག་གི་ཨ་ལོང་རྩེད། སྐག་ན་གྲི་ཆུང་ཤག་ཤག
རྐང་གི་ཨ་ལོང་རྩེད། རྐང་ན་སག་ལྷམ་ཐག་ཐག

ཨ་རྩེད། 
ཨ་བོར་དགོས་ནོ་ནུ་གཞི་ཨ་འགྲོ་རེད།
ནུ་གཞིར་དགོས་ནོ་གྲི་ཆུང་ཨ་འགྲོ་རེད།
སྐག་གྲི་ཆུང་འོ་སྐོལ་བསོར་ར་ཨ་འགྲོ་འདོགས།
མགོ་གི་ཨ་ལོང་རྩེད།
མགོ་ན་ཞྭ་མོ་ལྡེམ་ལྡེམ།
སྐག་གི་ཨ་ལོང་རྩེད། སྐག་ན་གྲི་ཆུང་ཤག་ཤག
རྐང་གི་ཨ་ལོང་རྩེད། རྐང་ན་སག་ལྷམ་ཐག་ཐག

ཨ་རྩེད། 
ཨ་བོར་དགོས་ནོ་ནུ་གཞི་ཨ་འགྲོ་རེད།
ནུ་གཞིར་དགོས་ནོ་སག་ལྷམ་ཨ་འགྲོ་རེད།
རྐང་སག་ལྷམ་འོ་སྐོལ་བསོར་ར་ཨ་འགྲོ་གོན།
མགོ་གི་ཨ་ལོང་རྩེད།
མགོ་ན་ཞྭ་མོ་ལྡེམ་ལྡེམ།
སྐག་གི་ཨ་ལོང་རྩེད། སྐག་ན་གྲི་ཆུང་ཤག་ཤག
རྐང་གི་ཨ་ལོང་རྩེད། རྐང་ན་སག་ལྷམ་ཐག་ཐག
རང་གསུམ་འགྲིག་ཆ་བོ་འཁོར་ར་ཨ་འགྲོ་རྩེད།
མགོ་གི་ཨ་ལོང་རྩེད། 
རང་སྤུན་ཟླ་ཆ་བོ་འཁོར་ར་ཨ་འགྲོ་རྩེད།
མགོ་གི་ཨ་ལོང་རྩེད།