གསར་དུ་སྒྲིག་བཀོད་བྱས་པའི་བོད་ཀྱི་ལྷ་མོའི་ཟློས་གར《སྣང་ས་འོད་འབུམ》།

     2017ལོར་བོད་རང་སྐྱོང་ལྗོངས་ལྷ་མོའི་ཟློས་གར་ཚོགས་པས་བོད་ཀྱི་སྲོལ་རྒྱུན་གྱི་ལྷ་མོའི་ཟློས་གར་ཆེན་མོ་བརྒྱད་ཀྱི་ཡ་གྱལ《སྣང་ས་འོད་འབུམ》ལ་བསྐྱར་དུ་གར་སྟེགས་ཅན་གྱི་སྒྲིག་བཀོད་བྱས་པ་མ་ཟད། བོད་ལྗོངས་ཀྱི་ས་གནས་ཁག་ཏུ་སྐོར་སྐྱོད་འཁྲབ་སྟོན་བྱས་པར་གཟིགས་མོ་བ་ཚོའི་སྤྲོ་སེམས་འཁོལ་བའི་དགའ་བསུ་ཆེན་པོ་ཐོབ་པ་རེད།

     ལྷ་མོའི་ཟློས་གར་འདི་ནི་རྒྱལ་ཁབ་ཀྱི་སྒྱུ་རྩལ་ཐེབས་རྩས་རྒྱབ་སྐྱོར་བྱས་པའི"2016ལོའི་ལོ་འཁོར་གར་སྟེགས་ཟློས་གར་ལ་རོགས་དངུལ་རྒྱབ་སྐྱོར་བྱས་པའི་རྣམ་གྲངས"ཀྱི་ཡ་གྱལ་ཡིན་པ་དང་། རྣམ་གྲངས་འདི་གཏན་འཁེལ་བྱས་པ་ནས་སྒྲིག་བཀོད་བྱེད་པའི་བར་དུ་འཁྲབ་སྟོན་པ་དང་ལས་སྒྲུབ་མི་སྣ་ཚོས་བློ་རྩེ་གཅིག་སྒྲིམ་གྱིས་ལས་བརྩོན་དུས་ཡུན་ལོ་གཅིག་བྱས་པ་དང་། ཁྱོན་བསྡོམས་མི་སྣ80འབྲེལ་ཡོད་ལས་ཀར་ཞུགས་པ་རེད། ཟློས་གར་འདི་དེ་སྔོན་བོད་ཀྱི་ལྷ་མོའི་ཟློས་གར་ཚོགས་པའི་གར་སྟེགས་ཅན་གྱི་བརྩམས་ཆོས་དང་བསྡུར་ན། ཕྱོགས་མང་པོའི་ཐད་ནས་རྣམ་པ་གསར་པ་མངོན་ཞིང་། གསར་གཏོད་རང་བཞིན་གྱི་ལེགས་འགྱུར་དང་གསར་གཏོད་རང་བཞིན་གྱི་འཕེལ་རྒྱས་ལག་བསྟར་བྱས་ཡོད་པ་རེད།