སྒྲོལ་མའི་ལས་དབང༌།

　　སྒྲོལ་མའི་ལས་དབང་ཞེས་པའི་VDགློག་བརྙན་དེ་ནི 2006ལོའི་ཟླ་12པ་ནས་ 2007ལོའི་ཟླ2བར་འཁྲབ་སྦྱོར་སྒྲིག་གསུམ་བྱས་ཤིང༌། ནང་དོན་གཙོ་བོ་ནི་འབྲོག་པ་ཁྱིམ་ཚང་དཀྱིལ་མ་ཞིག་གི་ལས་དབང་གཞི་བྱས་ཡོད་ལ། བྱུང་རིམ་ཁྲོད་ས་དེའི་དཔོན་ཚང་གི་བུ་ཟླ་བས་སྒྲོལ་མ་ཚང་གི་འཁེལ་གཡག་ཞིག་ཡོད་པ་དོན་མེད་དུ་ཁོ་དཔོན་ཚང་གི་དགུན་ཤ་བྱས་པར་མ་ཟད། ཁོ་མོའི་ཁྱོ་ག་བློ་བཟང་མེད་ཤུལ་དུ་སྒྲོལ་མ་ལ་ཡང་བརྙས་བཅོས་བྱས་པས། བློ་བཟང་གིས་གོ་མཐར་སྙིང་ནས་མ་བཟོད་པར་ཁོ་ལ་གྲི་ཡིས་བསྣུན། རྗེས་སུ་དཔོན་པོས་ཁྲིམས་ཆད་ལྟར། བློ་བཟང་དང་ཟླ་བ་གཉིས་དགྲ་ཕྱོགས་ཀྱི་ཚོ་བ་ཞིག་ཏུ་ཇག་བྱེད་པར་མངགས།
　　ཟླ་བ་ཇག་ལ་མ་སོང་བར་ལམ་བར་དུ་ཕྱིར་ལོག་ནས་སྒྲོལ་མ་ལ་བཙན་གཡེམ་བྱས།   དེ་དང་བསྟུན་ནས་སྒྲོལ་མའི་སྐྱོ་སྡུག་གི་འཚོ་བ་སྔར་ལས་ཨུ་ཐུགས་ཐབས་ཟད་དུ་གྱུར་བ་དང་སྡུག་བསྔལ་གྱིས་རྒྱ་མཚོ་ནང་ལྷུང་བཞིན་བུ་མོ་དབྱངས་འཛོམས་རང་གི་བྲང་ལ་སྦྱར་ཏེ་གཞུང་དྲང་ཞིང་ཞེ་མཐུན་པའི་རང་གི་ཁྱོ་ག་བློ་བཟང་ཕྱིར་ཡོང་བར་རེ་ཞིང་བསྒུགས་པའི་ལྷད་མེད་ཀྱི་བརྩེ་དུང་དང་བོད་རིགས་ཀྱི་འཚོ་བ་མཚོན་པའི་གློག་བརྙན་ཞིག་ཡིན།  ད་ལྟ་ཕྱི་སྒྲིག་བྱེད་བཞིན་པའི་སྒང་ཡིན། མི་འགྱང་བར་རྒྱལ་ཕྱི་ནང་ཀུན་ཏུ་འགྲེམ་སྤེལ་བྱ་རྩིས་ཡོད།
　
ས་གནས།       འཁྲབ་སྟོན་རྒྱབ་ལྗོངས་ནི་རྔ་བའི་ཧུང་ཡོན་རྩྭ་ཐང་ཡིན།　
འཁྲབ་གཞུང་རྩོམ་འབྲི་དང་འཁྲབ་ཁྲིད་མཁན།  དགྲ་འདུལ་ཡིན། 
བརྙན་ལེན་པ་དང་བརྙན་སྒོའི་འཁྲབ་ཁྲིད་པ།  མགོན་པོ་སྐྱབས་ཡིན།
སྒྲིག་ཁྲིད་པ་དང་ལོ་ཙཱ་པ།   ཕག་མོ་ཚེ་བརྟན་ཡིན།