བོད་ཀྱི་ལོ་ཚེས་བགྲང་ཚུལ་གྱི་འབོད་མིང་ཁྲོད་ཀྱི་གཞེ་ཉིན་དང་གཞེ་ནིང་ངམ་གཞེས་ཉིན་དང་གཞེས་ནིང་ཟེར་བ་གཉིས་ནི་སྒྲ་ཐོབ་ཀྱི་ཡི་གེ་ཡིན་ལ།དེ་གཉིས་ཀྱི་དོན་ཐོབ་ཀྱི་ཡི་གེ་དངོས་ནི་ཕྱི་ཉིན་དང་ཕྱི་ནིང་ངམ་རྗེས་ཉིན་དང་རྗེས་ནིང་ཡིན་ཞེས་སྨྲས་ན་བོད་ཀྱི་སྐད་བརྡ་རིག་པའི་འགྲོས་དང་ཆོས་ཉིད་དག་དང་ཡོངས་སུ་མཐུན་ཡོད་སྙམ་ཕྱིར།ཞིབ་ཏུ་ཤེས་འདོད་ན།ཁོ་བོས་སྒྲིག་རྩོམ་བྱས་པའི་ཚིག་མཛོད«གབ་འགྲེལ་མེས་པོའི་ངག་རྗེས»ལས།རྗེས་ཉིན་དང་རྗེས་ནིང་།ཕྱི་ཉིན་དང་ཕྱི་ནིང་ཞེས་པའི་སྐབས་སུ་གཟིགས་རོགས།...

ཚེས13ཉིན།རྒྱལ་ཡོངས་ཀྱི་བོད་རིག་པའི་རིག་གཞུང་དུས་དེབ་མཐུན་སྦྱོར་ཚོགས་འདུ་སྐབས་བཅུ་གཅིག་པ་མཚོ་སྔོན་ཞིང་ཆེན་ཟི་ལིང་གྲོང་ཁྱེར་དུ་འཚོགས།ལས་རིགས་ཁག་གི་རིགས་གཅིག་མཁས་ཅན་གྱིས།བོད་རིག་པའི་རིག་གཞུང་དུས་དེབ་ཀྱིས་རིན་ཐང་དང་གཏིང་ཚད་ལྡན་པའི་རིག་གཞུང་གྲུབ་འབྲས་དེ་བས་མང་བ་འདོན་པ་དང་འབྲེལ།ལག་རྩལ་གསར་པ་སྤྱད་དེ་དུས་དེབ་ཀྱི་ཁྱབ་སྤེལ་ནུས་པ་དང་ཤུགས་རྐྱེན་ཐེབས་ཤུགས་ཆེ་རུ་གཏོང་རྒྱུའི་རེ་བ་ཡོད་ཅེས་གསུངས་པ་རེད།...

མཁས་དབང་དུང་དཀར་བློ་བཟང་འཕྲིན་ལས་མཆོག་གིས་མཛད་པའི«བོད་ཀྱི་དཀར་ཆག་རིག་པ»ནི་ཉེ་རབས་བོད་ཀྱི་དཀར་ཆག་ཐད་གཞུང་ལུགས་རང་བཞིན་ལྡན་པའི་བརྩམས་ཆོས་ཤིག་ཡིན་ལ།དཀར་ཆག་གི་གོ་དོན་དང་ནུས་པ།ཇི་ལྟར་བྱུང་བའི་ལོ་རྒྱུས་སོགས་བརྗོད་དོན་གསལ་ཞིང་རང་ཅག་ལ་ཉེ་བར་མཁོ་བའི་བརྩམས་ཆོས་ཤིག་ཡིན་པས།འདིར་རང་བློས་ལྕོགས་ཚོད་ཀྱིས་མཁས་དབང་ཁོང་གི་བརྩམས་ཆོས་ལ་བོད་ཀྱི་དཀར་ཆག་རིག་པའི་བྱུང་འཕེལ་དང་ཡིག་ཆ་འཚོལ་བསྡུ།བེད་སྤྱོད་སོགས་ཕྱོགས་མང་པོར་རིན་ཐང་ཆེན་པོ་ལྡན་པའི་སྐོར་ནས་དཔྱད་པ་རགས་ཙམ་བྱས་ཡོད།...

ཟླ7པའི་ཚེས3ཉིན།ཀྲུང་གོའི་མི་རིགས་སྐད་ཡིག་ཡིག་སྒྱུར་ཅུ་ཡིས་གཙོ་སྒྲུབ་དང་མཚོ་བྱང་ཁུལ་མི་རིགས་སྐད་ཡིག་ལས་དོན་ལྟེ་གནས་ཀྱིས་རོགས་སྒྲུབ་བྱས་པའི2024ལོའི་རྒྱལ་ཡོངས་བོད་སྐད་ཡིག་བརྡ་ཆད་གཅིག་གྱུར་ཆེད་མཁས་ལས་དོན་གྲོས་ཚོགས་མཚོ་བྱང་ཁུལ་དུ་འཚོགས།ཚོགས་འདུའི་སྟེང་ཀྲུང་གུང་མཚོ་བྱང་ཁུལ་ཨུའི་ཧྲུའུ་ཅི་ཤ་བོ་སྐྱབས་ཀྱིས་ཤིས་ཚིག་ཕུལ་བ་དང་།ཀྲུང་གོའི་མི་རིགས་སྐད་ཡིག་ཡིག་སྒྱུར་ཅུའི་ཅུ་ཀྲང་གཞོན་པ་པའོ་ཝེར་ཅང་གིས་གཏམ་བཤད་གནང་། ཀྲུང་གོའི་མི་རིགས་སྐད་ཡིག་ཡིག་སྒྱུར་ཅུའི་བོད་སྐད་ཡིག་གཞུང་ལས་ཁང་གི་ཀྲུའུ་རིན་བློ་བཟང་བསྟན་འཛིན་གྱིས་མགོ་འཛིན་བྱས།མཚོ་སྔོན་ཞིང་ཆེན་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་ཟླ་བ་ཚེ་རིང་དང་།མཚོ་བྱང་ཁུལ་ཨུའི་རྒྱུན་ཨུའམ་དྲུང་ཡིག་ཆེན་མོ་ཝང་ཡུང་ཁྲང་།ཁུལ་མི་དམངས་སྲིད་གཞུང་གི་ཁུལ་དཔོན་གཞོན་པ་ལི་ཞན་རུང་བཅས་ཚོགས་འདུར་ཞུགས།...

2024ལོའི་ཟླ6པའི་ཚེས29ཉིན་གྱི་ཕྱི་དྲོར།མཚོ་ལྷོའི་བྲིས་པ་ཀུན་བཟང་དོན་གྲུབ་ཀྱི«བྲིས་ལ་བཀྲི་ཚུལ་བློ་ལྡན་དགྱེས་པའི་འཇུག་ངོགས»ཀྱི་དཔེ་སྐྲུན་འགྲེམ་སྤེལ་ཚོགས་འདུ་ཟི་ལིང་གྲོང་ཁྱེར་ལྷོ་རིའི་སྤྱི་གླིང་དུ་བསྡུས།ཐེངས་འདིའི་ཚོགས་འདུར་དགེ་རྒན་ཆེན་མོ་རྒྱ་ཡེ་བཀྲ་བྷོ་དང་།ཡིག་མཁན་ཆེན་མོ་མི་ཕམ་རྣམ་རྒྱལ།མཚོ་སྐྱེས་དོན་གྲུབ་ཚེ་རིང་།རེབ་གོང་བ་མཁར་རྩེ་རྒྱལ།ཟུར་གཙང་གཡང་འབུམ།ཀུན་བཟང་རྡོ་རྗེ།འབའ་ཚེར་རྟ་རྡོ་སོགས་བྲིས་པ་སུམ་ཅུ་ལྷག་ཞུགས་ཤིང་།དགེ་རྒན་ཆེན་མོ་རྒྱ་ཡེ་བཀྲ་བྷོ་དང་མི་རྣམ་སྤྲུལ་སྐུ།མཚོ་སྐྱེས་དོན་གྲུབ་ཚེ་རིང་སོ་སོ་ནས་བྲིས་རྒྱུན་གྱི་ཁུངས་དག་པ་དང་གསོ་སྐྱོང་གི་རྒྱུན་རིང་བ།དཔེ་དེབ་ཀྱི་སྤུས་དག་པའི་ཐད་ནས་གསུང་བཤད་གྱ་ནོམ་པ་གནང་།...

དཔེ་ཚོགས་འདི་ནི་བོད་ཀྱི་དུས་སྐབས་སོ་སོའི་ལོ་རྒྱུས་རིག་གནས་དང་།སྤྱི་ཚོགས་འཚོ་བ།ངག་རིག་སྒྱུ་རྩལ།གོམས་སྲོལ་རིག་གནས་སོགས་ལ་བལྟ་བའི་མེ་ལོང་ཞིག་རེད་ཅེས་བརྗོད་ཆོག་གསུངས་པ་དོན་ལ་གནས་སོ་ཞེས་དཔེ་ཚོགས་འདི་འདྲ་པར་སྐྲུན་འགྲེམ་སྤེལ་བྱེད་མཁན་གྱི་འབྲེལ་ཡོད་ཀུན་ལ་ཐལ་མོ་སྙིང་ཁར་སྦྱར་ནས་སྐུ་དྲིན་བཀའ་དྲིན་ཞུའོ།།...

«བསྟན་འགྱུར»སོག་སྐད་དུ་བསྒྱུར་བ་དེ་ནི་བོད་ཀྱི་རིག་གནས་གཞན་ལ་ངོ་སྤྲོད་དང་བརྒྱུད་སྒྲོག་བྱེད་པའི་ལས་དོན་གལ་ཆེན་ཞིག་ཡིན། «ཧོར་གྱི་ཆོས་འབྱུང»ལས།“སྐྱེས་ཆེན་དམ་པ་དེ་དག་ཕལ་ཆེ་བ་རྣམས་ཀྱིས་ནི་རྒྱ་དང་མན་ཇུ་དང་།ལྷག་པར་ཆེན་པོ་ཧོར་གྱི་ཡུལ་གྲུ་མཐའ་དག་གི་དཔོན་ཆེན་རྣམས་ཀྱིས་གཙོས་བློན་འབངས་སྐྱེ་འགྲོ་རྣམས་ལ་ཟབ་པ་དང་རྒྱ་ཆེ་བའི་བསྟན་པ་རིན་པོ་ཆེ་ཕྱོགས་ཀུན་ཏུ་ཆེས་ཆེར་དར་ཞིང་རྒྱས་པར་མཛད”ཅེས་གསུངས་པ་ལྟར«བསྟན་འགྱུར»སོག་སྐད་དུ་བསྒྱུར་བ་དེས་ཆབ་སྲིད་ཀྱི་ཐད་དང་རིག་གནས་ཀྱི་ཐད།མི་རིགས་མཐུན་སྒྲིལ་དང་མེས་རྒྱལ་གཅིག་གྱུར་བཅས་ཀྱི་ཐད་ལ་ཕན་ནུས་གལ་ཆེན་ཐོན་པ་རེད།།...

ཟླ6ཚེས3ཉིན།གཞིས་ཁུངས་སི་ཁྲོན་ཉག་ཆུ་རྫོང་ཡིན་ཞིང་།ད་ལྟ་དཀར་མཛེས་ཚགས་པར་ཁང་གི་ཕྱག་ལས་གནང་མཁན།བོད་ཀྱི་རྩོམ་པ་པོ་གངས་དབང་བཀྲ་ཤིས་ཀྱི་ལྷུག་རྩོམ་ཕྱོགས་བསྒྲིགས«རང་ཡུལ་རང་གིས་བསྐོར་བའི་སྐྱིད་སྡུག»ཅེས་པའི་བགྲོ་གླེང་ཚོགས་འདུ་ཁྲེང་ཏུའུ་རུ་འཚོགས།བགྲོ་གླེང་ཚོགས་འདུ་དེ་མི་རིགས་རྩོམ་རིག་དུས་དེབ་ཁང་དང་།སི་ཁྲོན་ཞིང་ཆེན་རྩོམ་པ་པོ་མཐུན་ཚོགས།སི་ཁྲོན་མི་རིགས་དཔེ་སྐྲུན་ཁང་།ཀྲུང་གུང་དཀར་མཛེས་ཁུལ་ཨུད་དྲིལ་བསྒྲགས་པུའུ་བཅས་ཀྱིས་མཉམ་འབྲེལ་ཐོག་གཙོ་གཉེར་བྱས་པ་དང་།དཀར་མཛེས་ཁུལ་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་དང་སི་ཁྲོན་མི་རིགས་དཔེ་སྐྲུན་ཁང་བོད་ཡིག་དཔེ་སྐྲུན་ལྟེ་གནས་ཀྱིས་གཉེར་འགན་འཁུར་ཡོད།...