ང་རང1983ལོར་སི་ཁྲོན་ཞིང་ཆེན་བོད་ཡིག་གྲྭ་རུ་རྒྱུགས་འཕྲོད་ཅིང་བགྲང་བྱ་བཞིའི་རིང་བོད་ཀྱི་གསོ་བ་རིག་པ་ཆེད་སྦྱོང་བྱས་ཐོག།རྒྱ་ཡིག་དང་ནང་དོན་རིག་པ།སུམ་རྟགས་དག་གསུམ།རྩོམ་རིག།ལོ་རྒྱུས་སོགས་ལ་སློབ་སྦྱོང་མི་དམན་པ་བྱས།1987ལོར་སློབ་མཐར་ཕྱིན་ཞིང་སློབ་གྲྭ་དེ་ག་རུ2024ལོའི་བར་དགེ་རྒན་དང་སྨན་པའི་ལས་དོན་བསྒྲུབས།ལས་ཞོར་དུ2002ལོར་སི་ཁྲོན་དགེ་འོས་སློབ་གྲྭའི་ནར་སོན་མཛེས་རྩལ་ཆེད་ཚན་འཛིན་གྲྭ་ལ་རྒྱུགས་འཕྲོད་ནས་ལོ་གཉིས་རིང་མཛེས་རྩལ་ཐད་སློབ་སྦྱོང་བྱས་པ་དང2006ལོར་ལྷོ་ནུབ་མི་རིགས་སློབ་གྲྭའི་བོད་སྐད་ཡིག་རྩོམ་རིག་དངོས་ཚན་འཛིན་གྲྭ་ལ་རྒྱུགས་འཕྲོད་ནས་ལོ་གཉིས་རིང་སློབ་སྦྱོང་བྱས།...

རྒྱལ་ཡོངས་གེ་སར་ལས་དོན་འགོ་ཁྲིད་ཚོ་ཆུང་གཞུང་ལས་ཁང་གི་ཀྲུའུ་རེན་གཞོན་པ་འཇམ་དབྱངས་ཆོས་སྒྲོན།...

པཎ་ཆེན་སྐུ་ཕྲེང་བཅུ་པ་བློ་བཟང་འཕྲིན་ལས་ལྷུན་གྲུབ་ཆོས་ཀྱི་རྒྱལ་མཚན་མཆོག་གི་བློས་ཐུབ་གྲོགས་པོ་སྟེ།ཨ་ཁུ་བློ་བཟང་ལྷུན་གྲུབ་རྡོ་རྗེ་ལགས་ལ་བཀའ་འདྲི་ཞུས་པ་བརྒྱུད་དེ།རླབས་ཆེ་བའི་རྒྱལ་གཅེས་རིང་ལུགས་པ་དང་ཀྲུང་གོ་གུང་ཁྲན་ཏང་གི་བློས་ཐུབ་གྲོགས་པོ་བཟང་པོ།དད་ལྡན་མང་ཚོགས་ཐམས་ཅད་ཀྱི་ཆོས་ཀྱི་སྐྱབས་མགོན་པཎ་ཆེན་སྐུ་ཕྲེང་བཅུ་པ་མཆོག་གི་མི་རིགས་མཐུན་སྒྲིལ་དང་སློབ་གསོ་འཕེལ་རྒྱས།དཔལ་འབྱོར་འཛུགས་སྐྲུན་སོགས་ཀྱི་ཐད་བཞག་པའི་རླབས་ཆེན་གྱི་མཛད་འཕྲིན་དང་རྣམ་དཔྱོད།བློ་སྤོབས།ཐུགས་དགོངས་སོགས་ཟུར་བསྟན་ལེབ་མཐོང་གི་ཚུལ་དུ་བརྗོད་པར་བྱའོ།།...

ཧོར་གཙང་ལྷ་ལུང་འཚོ་ནི1988ལོར་ཀན་ལྷོ་བོད་རིགས་རང་སྐྱོང་ཁུལ་བསང་ཆུ་རྫོང་གི་འབྲོག་ཁྱིམ་དཀྱུས་མ་ཞིག་ནས་སྐྱེས་ཤིང་།ཆུང་དུས་སུ་ཤེས་རིག་གི་སྒོ་ཐེམ་བསྙེག་རྒྱུའི་གོ་སྐབས་མ་རྙེད་རུང་།རང་གིས་རིག་གནས་སློབ་སྦྱོང་དང་ལྷག་པར་དུ་རང་ཉིད་ཀྱི་ལྷན་སྐྱེས་སྐད་ངག་སྙན་མོ་ལ་བརྟེན་ནས་གླུ་གཞས་སྒྱུ་རྩལ་སྐོར་ལ་སྦྱངས་པ་དཔྱིས་ཕྱིན་པ་བྱས་ཏེ་ད་ལྟར་དམངས་ཁྲོད་གླུ་དབྱངས་དང་གླུ་གཞས་གསར་རྩོམ་གྱི་གྲུབ་འབྲས་བཟང་པོ་བླངས་དང་ལེན་བཞིན་སྒྱུ་རྩལ་རིག་པའི་ཞིང་ནས་འབད་པའི་སྙིང་སྟོབས་རྒྱས་པའི་བོད་ཀྱི་གཞོན་སྐྱེས་གཞས་མ་ཞིག་ཏུ་གྱུར།...

ད་ཐེངས་དགའ་འོས་པ་ཞིག་ལ་སི་ཁྲོན་ཞིང་ཆེན་བོད་ཡིག་སློབ་གྲྭའི་ཐོག་མའི་སློབ་མ་ཡིན་པའི་དགེ་རྒན་དཔལ་བསྡུས་ལགས་ལ་བཅར་འདྲི་བྱེད་པའི་གོ་སྐབས་རྙེད་ཅིང་།དེང་དུས་ཁོང་ནི་བོད་ཀྱི་ཐུན་མོང་རིག་གནས་སྨན་རྩིས་དང་སུམ་རྟགས་དག་གསུམ།སྙན་ངག།རྩོམ་རིག།བྲིས་གཟུགས་བཅས་ལ་གོ་ལོ་ཐོས་ལོ་ཙམ་མིན་པར་སྦྱངས་པ་དཔྱིས་ཕྱིན་པ་དང་།ལྷག་པར་དུ་མི་ཚེ་ཧྲིལ་པོར་རིག་གནས་ཞིབ་འཇུག་དང་སློབ་གསོའི་ལས་དོན་ཁོ་ནར་གཞོལ་ཏེ་ཕྱིའི་ཟང་ཟིང་དང་ནང་གི་རྙེད་བཀུར་སོགས་འདུ་འཛིའི་རྒྱ་ལས་གྲོལ་བ་ཞིག་ཡིན།རང་རེས་ནོར་བུ་རང་ལ་ཡོད་དུས།ནོར་བུའི་ནོར་ཉམས་ཆོད་དགོས་ཕྱིར།གུས་པས་རྨོངས་ཚོད་ཀྱིས་རྒྱ་ཆེའི་ཀློག་པ་པོའི་ཚབ་བྱས་ནས་དྲི་བ་ཁ་ཤས་འདྲི་ཁུལ་བྱས་པ་གཤམ་གསལ་ལྟར་རོ།།...

མཁས་པའི་དབང་པོ་དོར་ཞི་གདོང་དྲུག་སྙེམས་པའི་བློ་ལྡན་མཆོག་གིས་རྒྱ་བོད་ལོ་ཙཱ་གླེང་བ།...

ཡེ་ཤེས་སྒྲོལ་མ་ནི་བོད་ལྗོངས་ཆབ་མདོ་ནས་སྐྱེས་ཤིང་།ད་སྐབས་བོད་ལྗོངས་བརྙན་འཕྲིན་ཁང་གི་རིམ་པ་དང་པོའི་སྙན་སྒྲོན་པ་ཡིན་ལ།རྒྱ་བོད་སྐད་གཉིས་ཀྱི་མདོ་འཛིན་པའི་ལས་དོན་གཉེར་བཞིན་ཡོད།བོད་རང་སྐྱོང་ལྗོངས་སྐབས་དགུ་པའི་ན་གཞོན་མཉམ་འབྲེལ་ཚོགས་པའི་རྒྱུན་ཨུ་དང་།གསར་འགྱུར་པར་སྐྲུན་དང་སྨྱན་སྦྱོར་གསར་པའི་སྡེ་ཚན་གྱི་ལས་དོན་ཨུ་ཡོན་ལྷན་ཁང་གི་ཀྲུའུ་རེན་བཅས་ཀྱི་འགན་གཅིག་ལྕོགས་སུ་བཞེས་ཡོད།བྱ་བར་ཞུགས་པའི་བགྲང་བྱ་བཅུ་ལྷག་གི་རིང་།མོས་བོད་ཞི་བས་བཅིངས་འགྲོལ་བཏང་ནས་ལོ70འཁོར་བར་རྟེན་འབྲེལ་ཞུ་བའི་རིག་རྩལ་དགོང་ཚོགས་དང་།ལོ་བསྟུད་མར་བོད་ལྗོངས་བརྙན་འཕྲིན་ཁང་གི་དཔྱིད་གསར་དུས་ཆེན་གྱི་དགོང་ཚོགས་དང་བོད་ལྗོངས་ཀྱི་ལོ་སར་དགོང་ཚོགས་གཙོ་སྐྱོང་བྱས་པར་མ་ཟད།ད་དུང«རང་མདངས...

གློག་བརྙན«ཐར་ལོ»འདི་ཕྱི་རྒྱལ་དང་རྒྱལ་ནང་གི་གློག་བརྙན་དུས་ཆེན་ཉི་ཤུ་ལྷག་ལ་ཞུགས་པ་དང་།ད་ལྟའི་བར་དུ་བྱ་དགའ་རིགས་བཅུ་གཉིས་བཅུ་གསུམ་ཙམ་བླངས་ཡོད།ད་ཐེངས་ཀྱི་གློག་བརྙན་འདི་ལེགས་གྲུབ་བྱུང་ཡོད་པའི་རྒྱུ་མཚན་གཅིག་ནི་ཆེད་ལས་འཁྲབ་སྟོན་པ་རྒན་ཞི་བདེ་ཉི་མ།གཙོ་འཁྲབ་པ་གཡང་ཕྱུག་མཚོ་དང་བཅས་པའི་ཁོ་ཚོ་ལ་ཆེད་ལས་ཀྱི་སྙིང་སྟོབས་དེ་ཡོད་པས་ཡིན།དཔེར་ན་རྒན་ཞི་བདེ་ཉི་མ་ལྟ་བུར་མཚོན་ན་ན་ནིང་གི་ལོ་མཇུག་ཏུ་ཧྲང་ཧའེ་གློག་བརྙན་དཔྱད་བརྗོད་ཚོགས་པའི་ཕུལ་བྱུང་གློག་བརྙན་འཁྲབ་སྟོན་པར་བདམས་ཐོན་བྱུང་འདུགདེ་ཁོང་རང་ཉིད་དང་ཡང་ན་གློག་བརྙན«ཐར་ལོ»ལ་མཚོན་ན་གཟེངས་རྟགས་ཤིན་ཏུ་མཐོན་པོ་ཞིག་རེད།དེ་ནི་ཁོང་རྣམ་པས་ནང་སེམས་ཡོངས་སུ་གློག་བརྙན་འཁྲབ་སྟོན་ལ་ཞུགས་ཡོད་པས་ཡིན།ང་ཚོས་རྒན་ཞི་བདེ་ཉི་མའི་ལོ་བཅུ་བདུན་རིང་བཞག་པའི་རལ་བ་དེ་བཞར་པའི་གློག་བརྙན་ཚན་པ་དེ་ཕབ་སྐྲུན་ཚར་བའི་རྗེས།ངས་རིམ་གྱིས་རྒན་ཁོང་གི་གཏམ་རྒྱུད་མང་པོ་ཞིག་ཤེས་སོང་།ངས་ཁོང་ལ་ཚན་པ་དེ་འཁྲབ་དུས་མགོ་སྐྲ་བཞར་ན་ཁྱེད་ལ་ཚོར་བ་གང་འདྲ་ཞིག་འདུག་ཅེས་དྲིས་མྱོང་།སྐབས་དེར་ཁོང་གི་སེམས་ནས་མིག་ཆུ་བཞུར་སོང་ཟེར།ཁོ་ཚོ་ལ་ཆེད་ལས་ཀྱི་སྙིང་སྟོབས་དེ་མེད་ཚེ་གློག་བརྙན་འདི་ལེགས་འགྲུབ་བྱུང་དཀའ་རྒྱུ་རེད།གཡང་ཕྱུག་མཚོས་ཀྱང་སྔོན་ཆད་གློག་བརྙན་སྐོར་ཞིག་འཁྲབ་མྱོ...

ལྷུག་རྩོམ་དེབ«ཕར་རྒྱབ་ཀྱི་ལོ་ཟླ»ནི་བོད་ཀྱི་རྩོམ་པ་པོ་གྲགས་ཅན་བྱ་གཞུང་དབྱངས་བྷ་ལགས་ཀྱིས་གླེང་གཞི་བྲིས་ཤིང་།ན་མཞོན་རྩོམ་པ་པོ་སྙན་བུས་རྩོམ་སྒྲིག་གི་འགན་ཁུར་པ་དང་།གྲོགས་པོ་རེ་རྐང་གླིང་ལགས་ནས་མདུན་ཤོག་དང་པར་གཞིའི་ཇུས་འགོད་ཐད་མཛུབ་སྟོན་གནང་ཞིང་རེབ་གོང་རིག་འབྱུང་གླིང་གི་སྤྱི་གཉེར་པ་གྲོགས་ཚེ་རིང་འབུམ་ལགས་ནས་ཇུས་འགོད་གནང་སྟེ། 2016ལོར་མི་རིགས་དཔེ་སྐྲུན་ཁང་ནས་པར་སྐྲུན་འགྲེམ་སྤེལ་བྱས་པ་དང་།དེ་ནི་ང་རང་གསར་རྩོམ་ལ་ཞུགས་པའི་དུས་ཡུན་རིང་པོའི་ནང་གི་ལྷུག་རྩོམ་ལེགས་གྲས་རྣམས་ཕྱོགས་བསྡུས་བྱས་པ་ཞིག་ཡིན་ལ།དེའི་ནང་གི་ལྷུག་རྩོམ་གྱི་བརྗོད་དོན་སྐོར་ནས་སྐབས་འཕྲལ་གྱི་ཚོར་བ་དང་དངོས་ཡོད་ཀྱི་འཚོ་བ།ནང་སེམས་ཀྱི་བརྩེ་བ།ཕ་ཡུལ་དང་མི་རིགས་ཀྱི་ལས་དབང་བཀྲལ་བ་སོགས་མང་དུ་མཆིས་ཤིང་།ལོ་ངོ་མང་པོའི་རིང་བོད་ཀྱི་རྩོམ་སྟེགས་སུ་ལྷུག་རྩོམ་སྙན་ངག་གི་འབྲི་རྒྱུན་བསྐྱངས་ཏེ་ཁེར་རྐྱང་གི་སྣང་བ་ཞིག་གིས་གཅུན་སྡོམ་ཇི་ལྟར་བྱས་ཀྱང་ལྷུག་རྩོམ་སྙན་ངག་འབྲི་བར་ཤུགས་རྒྱག་ཐུབ་པའི་འབྲས་བུ་ཙམ་མངོན་དུ་བྱུང་བར་རང་ཉིད་རང་ལ་ཁེངས་པ་ཞིག་ཀྱང་སྐྱེས་མྱོང་ལ།དཔེ་ཆ་སྔ་མོ་ནས་བྲིན་ཚར་ཡང་ད་སྐབས་ད་རུང་ཀློག་པ་པོའི་ཁྲོད་དུ«ཕར་རྒྱབ་ཀྱི་ལོ་ཟླ»འཚོང་རྒྱུ་ཡོད་མེད་འདྲི་མཁན་ཧ་ཅང་མང་བས་དེ་སྔའི་ཁེངས་པ་དེ་ད་རུང་ཞི་མི་འདོད་ཅིང་།མི་འགྱང་བར་པར་ཐེངས་གཉིས་པ་འགྲེམ་སྤེལ་བྱེད་ལ་ཡོད།...

སྙན་ངག་ཁག་གཅིག་གི་མཛེས་པའི་ཁམས་ཤིན་ཏུ་ཡངས་པས།གོ་ཚུལ་སྣ་མང་དུ་གྱེས་ཏེ་མྱོང་གིན་མྱོང་གིན་ཁྱེད་ལ་སྤྲོ་སྣང་ཟད་མཐའ་མེད་པ་འབྱིན་སྲིད།སྙན་ངག་ཁག་གཅིག་ནི་ཁྱིས་ལྕགས་གོང་མུར་བ་ལྟར་མྱོང་གིན་མྱོང་གིན་མྱོང་རོལ་གྱི་མཐོང་སྣེ་ཡང་བརླག་སྲིད།ཁྱེད་ཀྱིས་ནམ་ནམ་ཞར་ཞར་དུ་སུན་སྣང་ཅི་ཡང་མེད་པར་མྱོང་རོལ་གནས་སྐབས་ཀྱི་སེམས་པའི་སྒྱིད་ལུག་སྤོང་མཛོད་ཅིགཅིའི་ཕྱིར་ཞེ་ན།སྙན་ངག་རྩེ་གྲ་ཁག་གཅིག་ལན་བརྒྱར་བཀླགས་ཀྱང་།ད་དུང་བཀླག་རྒྱུ་ཞིག་དང་།བཀླགས་ནས་ཅི་ཞིག་ཀྱང་རྙེད་ཐབས་བྲལ་བའི་གནས་སུ་གྱར་མོད།ཀློག་གིན་ཀློག་གིན་ནམ་ཡང་སུན་སྣང་མི་སྐྱེ་བས་སོ།།འདི་ལ་སྙན་ངག་གི་མཛེས་དཔྱོད་ཅེས་བྱའོ།།ཅི་སྟེ་ཁྱེད་ལ་འདི་ལྟ་བུའི་མྱོང་རོལ་གྱི་གོམས་གཤིས་ཤིག་ཡོད་ན།སྙན་ངག་བཀླག་རྒྱུར་ཚེགས་མི་ཆེ་ཞིང་།ཡང་ཡང་ཀློག་འདོད་པའི་སེམས་པའི་བདེ་བས་སྙན་ངག་གི་བློ་སྦྱོང་རྒྱུད་ལ་འཁྲུངས་རྒྱུ་ཤིན་ཏུ་སླའོ།།...