«ཞིང་ཆེན་དང་པུའུ་རིམ་པའི་འགོ་ཁྲིད་ལས་བྱེད་པ་གཙོ་བོས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་དང་ལག་བསྟར་བྱེད་པའི་ཆེད་དོན་བགྲོ་གླེང་འཛིན་གྲྭར་གནང་བའི་གསུང་བཤད»

       ཡང་དག་པའི་སྲིད་དོན་ལས་རྗེས་ལྟ་བ་འཛུགས་པ་དང་ལག་ལེན་བསྟར་དགོས། སྲིད་དོན་ལས་རྗེས་ལྟ་བའི་གནད་དོན་ནི་རྩ་བའི་རང་བཞིན་གྱི་གནད་དོན་ཡིན་པས། ཏང་འཛུགས་སྤྱི་ཕན་དང་སྲིད་སྐྱོང་དམངས་ཕན་དང་འབྲེལ་བ་ཡོད། ཡང་དག་པའི་སྲིད་དོན་ལས་རྗེས་ལྟ་བས་ང་ཚོར་དོན་དངོས་ནས་འགོ་འཛུགས་པ་དང་ཆོས་ཉིད་ལྟར་བྱ་བ་སྒྲུབ་པ་མཐའ་འཁྱོངས་ཀྱིས་ཚན་རིག་དང་མཐུན་པའི་ཐབས་ཇུས་འགོད་པ་དང་དངོས་སྒྲུབ་དཀའ་སྒྲུབ་བྱས་ཏེ་ལག་ལེན་དང་ལོ་རྒྱུས་ཀྱི་ཚོད་བགམ་ཐེག་ཐུབ་པ་དང་། མི་དམངས་ལ་བདེ་སྐྱིད་དངོས་བསྐྲུན་ཐུབ་པ། མང་ཚོགས་ཀྱིས་ཁས་ལེན་པ་བཅས་ཀྱི་གྲུབ་འབྲས་གཏོད་དགོས་པའི་བླང་བྱ་བཏོན་ཡོད། སྲིད་དོན་ལས་རྗེས་ལྟ་བ་ནོར་འཁྲུལ་ཅན་ནི་མི་སྒེར་རམ་ཚོགས་པ་ཆུང་གྲས་ཀྱི་ཁེ་ཕན་ཁོ་ནར་བསམས་ནས་བག་གཡེང་འཚབ་འཚུབ་དང་། མིག་མདུན་གྱི་ཁེ་ཕན་ཁོ་ནར་བརྔམ་པ། མི་བདེན་རྫུན་སྒྲིག རྨོངས་ཚོད་ཡ་ཡུག་བཅས་ཀྱི་སྒོ་ནས“གཟུགས་བརྙན་ལས་གྲྭ”དང“སྲིད་དོན་ལས་རྗེས་ཀྱི་ལས་གྲྭ”བསྒྲུབས་པ་ཞིག་ཡིན་པས། ཁུར་པོ་དང་མངོན་མེད་རྐྱེན་ངན་བཞག་ནས་མི་དམངས་མང་ཚོགས་ཡི་མི་རང་བ་བཟོ་གི་ཡོད།