«ཆིང་ཏའོ་ཧོང་ཏའོ་དཔལ་འབྱོར་གསར་སྤེལ་ཁུལ་ཏུང་ཧོང་སྣུམ་འདྲེན་སྦུག་ལམ་ཤོར་ནས་འབར་གས་དོན་རྐྱེན་བྱུང་བའི་གནས་ཚུལ་སྙན་གསན་གནང་སྐབས་ཀྱི་གསུང་བཤད།»

       ཏང་ཨུ་དང་སྲིད་གཞུང་རིམ་པ་ཁག་དང་། འགོ་ཁྲིད་ལས་བྱེད་པ་རིམ་པ་ཁག་གིས་བདེ་འཇགས་ངང་འཕེལ་རྒྱས་གཏོང་བའི་འདུ་ཤེས་བརྟན་པོར་འཆང་བ་དང་། མི་དམངས་མང་ཚོགས་ཀྱི་ཚེ་སྲོག་བདེ་འཇགས་ཐོག་མཐའ་བར་གསུམ་དུ་ཨང་དང་པོར་བཞག་ནས། འོེལ་རྒྱས་གཏོང་བར་མིའི་ཚེ་སྲོག་བློས་གཏོང་རྒྱུ་རིན་དོད་དུ་བྱེད་མི་རུང་བའི་འདུ་ཤེས་འདི་བརྟན་པོར་འཆང་དགོས། འདུ་ཤེས་འདི་ངེས་པར་དུ་ཤིན་ཏུ་ཁ་གསལ་དང་། ཤིན་ཏུ་ཤུགས་ཆེ་བ། ཤིན་ཏུ་བརྟན་པོ་བཅས་ཡིན་དགོས། ས་གནས་ཁག་དང་སྡེ་ཚན་ཁག་དང་། རིགས་སྣ་ཚོགས་པའི་ཁེ་ལས་བཅས་ཚང་མས་བདེ་འཇགས་ཐོན་སྐྱེད་ཐད་ཚད་གཞི་མཐོན་པོ་འཛིན་པ་དང་བླང་བྱ་ནན་མོ་འདོན་པ་རྒྱུན་འཁྱོངས་བྱས་ཏེ། ཚོང་འགུགས་དངུལ་འདྲེན་བྱེད་པ་དང་། ལས་གཞི་གཤོམ་དུས་བདེ་འཇགས་ཐོན་སྐྱེད་ཀྱི་འགག་སྒོ་དམ་པོར་སྲུང་དགོས་པ་དང་། བདེ་འཇགས་ཐོན་སྐྱེད་ཀྱི་དམིགས་ཚད་དཔྱད་ཞིབ་གལ་ཆེ་རུ་གཏོང་དགོས། བདེ་འཇགས་ཐོན་སྐྱེད་དང་བདེ་འཇགས་ཐོན་སྐྱེད་ཐད་ཀྱི་དོན་རྐྱེན་ཚབས་ཆེན་གྱི་ཉེན་ཁའི་སྐོར་ལ“གཅིག་ཆད་ཁྲ་སློག”ལག་བསྟར་བྱེད་དགོས།