སྟག་རིག་སྡེ་བས་སྒྲུབ་པའི“རྒན་བཀུར་བྱེད་སྒོ་སྤེལ་ནས་ལོ་འཁོར20ལོན་པའི་བྱ་བའི་སྤྱི་བསྡོམས་ཀྱི་བཞུགས་མོལ་ཚོགས་འདུ”ཁྲི་ཀ་རྫོང་མཁར་གྱི་སིལ་ཏོག་གླིང་ག་རུ་བསྡུས་ཤིང་།ཁྲི་ཀ་རྫོང་འཕྲང་དམར་གྲོང་རྡལ་གྱི་སྟག་རིག་སྡེ་བའི་རུ་ཁག་སོ་སོ་དང་།ཐིས་པ་དགོན་པ།རྙེ་དགོན་པ་བཅས་ཀྱི་སྐུ་ཚབ་མི་སྣ་བཅས་དང་།ད་དུང་ཁྲོ་རྒྱལ་སྡེ་བ་དང་།འགག་བཟའ།སྒྲོམ།དམེ་ཀྱཱ་སྡེ་བ་བཅས་ཀྱི་སྡེ་དཔོན་རྣམས་དང་།སྟག་རིག་སྡེ་བའི་ལས་བྱེད་པའི་སྐུ་ཚབ་བཅས་ཁྱོན་བསྡོམས་མི་སྣ120ལྷག་ཚོགས་འདུ་ལ་ཞུགས་པ་རེད།...

ཚོགས་འདུའི་སྟེང་།2021ལོའི་ཟླ7པའི་ཚེས1ཉིན་ནས2023ལོའི་ཟླ6པའི་ཚེས30ཉིན་བར་གྱི་ལོ་གཉིས་རིང་།རྒྱལ་ཡོངས་བོད་སྐད་ཡིག་གི་སྨྱན་སྦྱོར་ལས་ཁུངས་ཏེ་ཚགས་པར་དང་རྒྱང་སྒྲོག་བརྙན་འཕྲིན།དྲ་རྒྱ།སྨྱན་སྦྱོར་གསར་བ་བཅས་ཀྱི་སྟེང་སྤེལ་བའི་ལེགས་རྩོམ407ལས335ལ་ཕུལ་བྱུང་བརྩམས་ཆོས་ཀྱི་གཟེངས་རྟགས་ཐོབ་པ་དང་ལས་ཁུངས་སོ་སོས་འཚོལ་བསྡུ་བྱས་པའི་མིང་བརྡ376ལས་མིང་བརྡ་གསར་བ92ལ་ཞིབ་དཔྱད་གཏན་འབེབས་བྱས་ཏེ་གཅིག་གྱུར་སྒོས་བེད་སྤྱོད་གཏོང་རྒྱུའི་བླང་བྱ་བཏོན།...

ཟླ་བརྒྱད་པའི་ཐེམ་ཆེན་རྩྭ་ཐང་ནི་རི་མོ་མཁན་གྱི་པིར་རྩལ་ལས་མངོན་པ་དང་འདྲ་ལ།གཟབ་ལ་རྒྱས་པའི་རྟ་མཆོག་གི་ཡུལ་གྲུ་ཡི་དྲུག་པའི་གླུ་རོལ་དུས་ཆེན་ཡང་དགའ་བ་དང་སྤྲོ་སེམས་ཁྲོད་ནས་རྟ་རྒྱུག་ཐང་དུ་དགྱེས་འཛོམས་བྱུང་།ཟླ8པའི་ཚེས6ཉིན།མཚོ་ནུབ་ཁུལ་གྱི2023ལོའི་དྲུག་པའི་གླུ་རོལ་རིག་གནས་ཡུལ་སྐོར་སྒྱུ་རྩལ་དུས་ཆེན་གཟབ་རྒྱས་ངང་བསྡུས་ཤིང་། མཚོ་ནུབ་ཁུལ་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཏང་ཙུའུ་ཧྲུའུ་ཅིའམ་ཀྲུའུ་རིན་ཚེ་རིང་ཐར་དུས་ཆེན་མཛད་སྒོར་ཞུགས་པ་མ་ཟད།མཚོ་ནུབ་ཁུལ་གྱི2023ལོའི་དྲུག་པའི་གླུ་རོལ་རིག་གནས་ཡུལ་སྐོར་སྒྱུ་རྩལ་དུས་ཆེན་མགོ་བརྩམས་པ་ཁྱབ་བསྒྲགས་བྱས།...

སྤྱི་ཟླ7པའི་ཚེས27ཉིན་ནས28བར་ལ།ཀན་སུའུ་ཞིང་ཆེན་དཔའ་རིས་བོད་རང་སྐྱོང་རྫོང་བོད་སྐད་ཡིག་ཁྲིད་སྟོན་ལྟེ་བས་དངོས་མིན་ཤུལ་བཞག་རིག་གནས་རྒྱུན་འཛིན་བྱེད་པ་འོས་འགན་ཞིག་ཏུ་བརྩིས་ཤིང་།སྲུང་སྐྱོབ་གཙོ་བོ་དང་།འཕྲལ་སྐྱོབ་དང་བོ།ལུགས་མཐུན་བེད་སྤྱོད།རྒྱུན་སྐྱོང་གོང་སྤེལ་གྱི་རྩ་དོན་རྒྱུད་ལ་ངེས་པར་བྱས་ཏེ།དངོས་མིན་ཤུལ་བཞག་རིག་གནས་ཀྱིས་ཏང་དྲིན་བསྟོད་པ་གཞིར་བཟུང་ནས་སྡེ་ཆེན་རྩྭ་ཐང་ནས་རིག་རྩལ་རྩེད་ཚན་རྣམ་པ་ཕུན་སུམ་ཚོགས་པ་ཞིག་བསྟན།དེ་ཡིས་དམངས་ཀྱི་ཉིན་བཞིན་འཕེལ་བསྐྱེད་འགྲོ་བཞིན་པའི་བསམ་པའི་དཔལ་ཡོན་གྱི་འདོད་པ་སྐོང་ཅི་ཐུབ་དང་།རིག་གནས་ཀྱི་རང་སྟོབས་རང་སྤེལ་ལ་སྐུལ་འདེད་ཅི་ནུས་བཏང་བའོ།།...

ཟླ7པའི་ཚེས26ཉིན།དེང་རབས་བོད་ཀྱི་རྩོམ་པ་པོ་ཨ་སྨྱོན་བཀྲ་ཤིས་དོན་གྲུབ་ཀྱིས་བརྩམས་ཤིང་མཚོ་སྔོན་མི་རིགས་དཔེ་སྐྲུན་ཁང་གིས་དཔེ་སྐྲུན་བྱས་པའི་སྙན་དེབ«ཟླ་བ་ལྷ་མོ»ཡི་འགྲེམ་སྤེལ་མཛད་སྒོ་གནའ་མཁར་ཟི་ལིང་གི་གཙུག་ལག་ཕྲེང་བ་དཔེ་ཁང་དུ་བསྡུས་ཤིང་།དཔེ་དེབ་འདི་ལ་མཚོན་ན་རྩོམ་པ་པོ་ཨ་སྨྱོན་བཀྲ་ཤིས་དོན་གྲུབ་ཀྱི་སྙན་དེབ་ཐོག་མ་ཡིན་ལ།བོད་ཀྱི་དེང་རབས་རྩོམ་རིག་གི་སྐྱེད་ཚལ་ལ་གསར་དུ་བཞད་པའི་མེ་ཏོག་ཚོམ་བུ་ཞིག་ཏུའང་བརྩིས་ཆོག་ཆོག་ཡིན།...

ཟླ7པའི་ཚེས16ཉིན་གྱི་སྔ་དྲོའི་ཆུ་ཚོད10དང་སྐར་མ10ཡི་སྟེང་།2023ལོའི“ཀྲུང་གོའི་ལུས་རྩལ་རྒྱན་ཤོག”མཚོ་སྐོར་རྒྱལ་སྤྱིའི་གཞུང་ལམ་ལྕགས་རྟ་འགྲན་བསྡུར་སྐབས་ཉེར་གཉིས་པའི་འགྲན་མཚམས་བརྒྱད་པ་སྟེ་གུང་ཧོ་ནས་ཚྭ་ཁ་བར་གྱི་འགྲན་བསྡུར་མཚོ་ལྷོ་བོད་རིགས་རང་སྐྱོང་ཁུལ་གུང་ཧོ་རྫོང་མཁར་དུ་དངོས་སུ་མགོ་བརྩམས།དེ་ནི་སྐབས་འདིའི་འགྲན་བསྡུར་གྱི་ཆེས་མཐའ་མཇུག་གི་འགྲན་མཚམས་ཡིན་ཞིང་།འགྲན་བསྡུར་གྱི་སྤྱིའི་ལམ་ཐག་ལ་སྤྱི་ལེ200ལྷག་ཡོད་དེ།ལམ་བར་དུ་གདོང་མཆོང་ས་ཚིགས3དང་གྱེན་འཛེག་ས་ཚིགས1བཀོད་སྒྲིག་བྱས་ཡོད།...