གོ་ལ་ཧྲིལ་བོའི་གྲངས་འཛིན་དཔལ་འབྱོར་ཚོགས་ཆེན་ལྷ་སའི་དབུ་ཚོགས་ཀྱི་མགོ་བརྩམས།

        ཟླ༧པའི་ཚེས༢༨ཉིན། ༢༠༢༢ལོའི་གོ་ལ་ཧྲིལ་བོའི་གྲངས་འཛིན་ཚོགས་ཆེན་ལྷ་སའི་དབུ་ཚོགས་བོད་ལྗོངས་ལྷ་སར་མགོ་ཚུགས། ཐེངས་འདིའི་དབུ་ཚོགས་ནི་ཚེས༢༨ཉིན་ནས༣༠ཉིན་བར་བསྡུ་རྒྱུ་ཡིན་ལ། “གྲངས་འཛིན་གྱི་སྦྲེལ་ཟམ་ཧི་མ་ལ་ཡ་བརྒལ་བ”ཞེས་པ་བརྗོད་གཞི་བྱས་ཏེ། གྲངས་འཛིན་ནུས་འདོན་དང་། གྲངས་འཛིན་བཅོས་སྐྱོང་། གྲངས་འཛིན་གཞི་རྟེན། གྲངས་འཛིན་བདེ་འཇགས། གྲངས་འཛིན་མཉམ་སྤྱོད། གྲངས་འཛིན་རིག་གནས་ཡུལ་སྐོར་སོགས་བརྗོད་གཞིའི་གླེང་སྟེགས་དྲུག་བཀོད་སྒྲིག་བྱས་ཡོད།