༄༅། །མཚོ་ལྷོ་ཁུལ་མི་རིགས་མཐོ་རིམ་སློབ་འབྲིང་གཉིས་པས་གཏམ་བཤད་འགྲན་སྡུར་གྱི་བྱ་འགུལ་སྤེལ།

        ཐེངས་འདིའི་བྱ་འགུལ་ལ་ཞུགས་མཁན་འཛིན་གྲྭ་སོ་སོ་ནས་བརྒྱ་ཡི་ནང་ནས་བསལ་ཅིང་བརྒྱད་ཀྱི་ནང་ནས་བདམས་པའི་ཁྱོན་བསྡོམས་སློབ་མ་མི་བཅུ་བཞི་མཆིས་ཤིང་། དཔྱད་འདེམས་དགེ་རྒན་རྣམ་པས་དྲང་བདེན་དང་འདྲ་མཉམ་ཀྱི་རྩ་དོན་བཟུང་ནས་སྨྲ་ལྕེ་དང་སྐད་གདངས། ཉམས་འགྱུར་དང་བྱང་ཆ། མ་ཕྱི་དང་དུས་ཚོད་བཅས་ཕྱོགས་མང་བོ་ནས་དཔྱད་འདེམས་ཀྱི་སྐར་མ་བརྒྱབ།         མཇུག་མཐར་མཐོ་གཅིག་ལོ་རིམ་ཁག་གི་ཁག་གཙོ་རྒན་གནམ་ལྷ་ཚེ་རིང་གིས་གཏམ་བཤད་ལ་ཕྱོགས་ཡོངས་ནས་སྤྱི་སྡོམ་བྱས་ཤིང་། སློབ་གཙོ་གཞོན་པ་སྟོབས་ལྡན་གྱིས་གལ་བོ་ཆེ་ལ་ནན་ཏན་གྱི་ཚུལ་དུ་ཐེངས་འདིའི་གཏམ་བཤད་ཀྱི་ལེགས་ཉེས་ནས་འཕྲོས་ཏེ་སློབ་མ་ཚོར་རེ་བ་ནན་མོ་བཏོན། མདོ་འཛིན་པས་ཐེངས་འདིའི་བྱ་དགའི་ཨང་རིམ་བསྒྲགས་ཤིང་གཟེངས་རྟགས་བསྩལ་རྗེས་བྱ་འགུལ་གྱི་མཇུག་ཡོངས་སུ་བསྡུས་སོ། །