༄༅།།མང་རྫོང་མི་རིགས་སློབ་འབྲིང་གིས“མང་ཆུ་རྟགས་མའི”རྩོམ་ཡིག་འགྲན་སྡུར་སྤེལ་བ།

      ཟླ་༤བའི་ཚེས་༡༤ཉིན་གྱི་ཕྱི་དྲོར། མང་རྫོང་མི་རིགས་སློབ་འབྲིང་གི་ཐོན་ཨུས་སྤེལ་བའི་ཏང་བཙུགས་ནས་ལོ་འཁོར་བརྒྱ་ལོན་པར་བསུ་མ་དང་“མང་ཆུ་རྟགས་མའི”རྩོམ་ཡིག་འགྲན་སྡུར་སྟེང་བྱ་དགའ་ཐོབ་པའི་སློབ་ཕྲུག་རྣམས་ལ་བྱ་དགའ་སྟེར་བའི་མཛད་སྒོ་མང་རྫོང་མི་རིགས་སློབ་འབྲིང་གི་ཚོམས་ཁང་ཆེན་མོར་བསྡུས།       ཐེངས་འདིའི་རྩོམ་ཡིག་འགྲན་སྡུར་ནི་མང་རྫོང་མི་རིགས་སློབ་འབྲིང་གི་ཐོན་ཨུས་གཙོ་སྒྲུབ་དང་དམའ་གཉིས་ལོ་རིམ་སྡེ་ཁག་གིས་རོགས་སྒྲུབ་བྱས་པ་ཡིན་ལ། དགེ་རྒན་ཁྲོ་འབུམ་རྡོ་རྗེ་དང་སློབ་མའི་ཚོགས་པས་ཚོགས་ར་བཀོད་སྒྲིག་བྱས།  བྱ་དགའ་གནང་བའི་མཛད་སྒོར་མང་རྫོང་མི་རིགས་སློབ་འབྲིང་གི་སློབ་གཙོ་ཚེ་རིང་དོན་གྲུབ་དང་ཆེད་བསྐོས་ཧྲུའུ་ཅི་གཞོན་པ་མཱ་ཅོན།  སྲིད་སྟོན་ཀྲུའུ་རེན་སངས་རྒྱས་དོན་གྲུབ།     སློབ་སྟོན་ཁང་གི་ཀྲུའུ་རེན་གཞོན་པ་ལུག་ལེ་ཆོན།  དཔྱད་འདེམ་དགེ་རྒན་འབྲུག་ལྗང་སོགས་ཀྲུའུ་ཞི་སྟེགས་བུར་བཞུགས་ཤིང་།   དམའ་གཅིག་ལོ་རིམ་སྡེ་ཁག་དང་དམའ་གཉིས་ལོ་རིམ་སྡེ་ཁག་གི་དགེ་སློབ་ཆིག་སྟོང་ལྷག་མཉམ་ཞུགས་བྱས།        རབ་འདིའི་འགྲན་བསྡུར་ལ་ཁྱོན་བསྡོམས་ལོ་རིམ་སྡེ་ཁག་གསུམ་གྱི་སློབ་མ་༡༥༠ལྷག་ཞུགས་པ་དང་།   བྱ་དགའི་རྣམ་གྲངས་ལ་ལོ་རིམ་སྡེ་ཁག་སོ་སོར་ཨང་དང་པོ་གཅིག་རེ་དང་ཨང་གཉིས་པ་གཉིས་རེ།   ཨང་གསུམ་པ་གསུམ་རེ།  ཕུལ་བྱུང་བྱ་དགའ་གཉིས་རེ།  རྟིང་སྐུལ་བྱ་དགའ་གཉིས་རེ་ཡོད་པར་མ་ཟད།  ད་དུང་ཡུལ་དངོས་ནས་རང་རྩོམ་རྒྱ་ཡིག་ཏུ་སྒྱུར་མཁན་གྱི་ལཱོ་ཙ་བ་ཆུང་ཆུང་གི་བྱ་དགའ་གསུམ་རེ་བཅས་ཁྱོན་བསྡོམས་སློབ་མ་བཞི་བཅུར་བྱ་དགའ་གནང་བ་རེད།       མཇུག་མཐར།   ལྡོང་ལུག་རྫིས་སློབ་གསོ་ནི་དེང་རབས་ལ་ཁ་ཕྱོགས་པ་དང་འཛམ་གླིང་ཁ་ཕྱོགས་པ། མ་འོངས་པར་ཁ་ཕྱོགས་པའི་སྒོ་ནས་སྤེལ་དགོས་ཞེས་པའི་རྩ་དོན་ལྟར།    ཐེངས་འདིའི་བྱ་འགུལ་ནི་དེང་གི་སློབ་སྒྲུབ་ཀྱི་ཁ་ཕྱོགས་དང་སློབ་གྲྭའི་རྩ་དོན་ལ་བསྟུན་ནས།   མང་རྫོང་མི་རིགས་སློབ་འབྲིང་གི་སློབ་རའི་འཚོ་བའི་ནང་དོན་ཕུན་སུམ་ཇེ་ཚོགས་སུ་གཏོང་བ་དང་།  སློབ་ཁང་ཕྱི་རོལ་གྱི་རིག་གནས་ཇེ་རྒྱས་ཇེ་ལེགས་སུ་གཏོང་བ།  སློབ་མའི་སེམས་ཁམས་དང་ཚེ་སྲོག་གི་ལྟ་ཚུལ་ལ་ངོས་འཛིན་ཡང་དག་ཡོང་བ།   དེ་བཞིན་དུ་དུས་རྒྱུན་གྱི་སློབ་སྦྱོང་དང་འཚོ་བའི་ཁྲོད་ནས་དཔེ་ཀློག་དང་རྩོམ་འབྲིའི་གོམས་གཤིས་ཡག་པོ་ཆགས་པའི་ཕྱིར་དུ་ཡིན་པ་སོགས་ཀྱི་དམིགས་ཡུལ་གསལ་བཤད་དང་།    དེ་ནས་ཐེངས་འདིའི་བྱ་འགུལ་ལེགས་འགྲུབ་བྱུང་བར་རྟེན་འབྲེལ་ཞུས་པ་དང་ཆབས་ཅིག  སློབ་ཕྲུག་ཚོས་མུ་མཐུད་དུ་སློབ་སྦྱོང་གི་འབྲས་བུ་གཡུར་དུ་ཟ་བ་ལེན་ཐུབ་པའི་སྨོན་འདུན་དང་བཅས་བྱ་འགུལ་ཡོངས་སུ་རྫོགས་སོ།